San Mateo 16:16 - Xochapa Mixteco

¹⁶ Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Mateo 16:16 Referans Kwoze

San Mateo 14:33

Ñaa si̱kusiti ndiꞌi nda ndóso sata barco ikán xáa kaꞌnu nda Jesús, saa ndi̱kaꞌan nda xiꞌin ra, káchi nda: ―¡Ya ndixa ni kua kúu un Seꞌe Ndioxi! ―káchi nda xiꞌin ra.

San Juan 11:27

Saa ndi̱kuiin yá káꞌan yá: ―Kándixa i Tata, kándixa i yóꞌo̱ ku ra ku Cristo, ra kúu Seꞌe Ndioxi, ra xa íyo tuꞌun xaꞌa, ra ti̱ꞌvi Ndioxi vaxi ñuu ivi ku un ―káchi yá Marta xiꞌin ra.

1 Juan 4:15

Ndiꞌi na ndíkuni Jesús ta káꞌan na xaꞌa ra kúu ra Seꞌe Ndioxi, ta na ikán ku na ítaꞌan vaꞌa xiꞌin Ndioxi. Saa íyo na xiꞌin ra.

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

1 Timoteo 4:10

Xaꞌa ya yóꞌó kua ndíkundee ni yo xáa chiñu yo, saa tíxuꞌvi ni yo ta kánaꞌa ni na xaꞌa yo. Chi saa íkan yo kándixa ni yo Ndioxi ra táku, chi mií ra ku ra síkaku ndiꞌi na ñuu ivi yóꞌó, sundi ndisaa na kándixa ni ñaꞌa ku na káku íkan ra.

Los Hechos 9:20

Ta saa ndikun xa̱á ra káꞌan ndoso ra xaꞌa Cristo ini veꞌe ñuꞌu sinagoga mi ñuu Damasco ikán, káꞌan ndoso ra xaꞌa ra ya kúu ra Seꞌe Ndioxi ―káchi ra xiꞌin na.

1 Tesalonicenses 1:9

Ndiꞌi ni kúu ñaꞌñu káꞌan vaꞌa ni na xaꞌa ndo ya ndi̱kuiso vaꞌa ni ndo ndeꞌe tá ndi̱xaa nde nuu ndo. Saa káꞌan na xaꞌa ndo ya si̱ndoo ndo ya káñuꞌu ndo ndioxi ndíi, ta chi̱kaa ini ndo kundikun ndo Ndioxi ra ndaa ni, ra táku.

San Mateo 26:63

Ta ni köo ndi̱kuiin Jesús. Saa ndi̱kaꞌan mií ra ínuu nuu ndiꞌi sutu xiꞌin ra, káchi ra saa: ―Káꞌan i xiꞌin un, vaꞌa chinaꞌa un tixin yuꞌu Ndioxi ra chee, ta kaꞌan un ya ndaa xiꞌin nde, ¿án ra Cristo ti̱ꞌvi Ndioxi vaxi ku un? Ta ¿án ndixa Seꞌe Ndioxi ku yóꞌo̱? ―káchi ra xiꞌin Jesús.

1 Juan 5:5

Ndiꞌi na kándixa Jesús ya kúu ra Seꞌe Ndioxi, na ikán ku na kúchiñu nuu ya väꞌa íyo ñuu ivi yóꞌó.

HEBREOS 10:31

¡Ta yáꞌa ni ndee tindoꞌo kixi nuu yo ikan Iva yo Ndioxi, ra táku, tá ná nditaꞌan ra yoo íkan yo ya väꞌa!

ROMANOS 1:4

Ta si̱taku Ndioxi ra tixin ndee Tachi I̱í ra, ndi̱taku ra tañu na ndíi, saa ndi̱kiꞌin ndiꞌi ra ichí ya kaꞌnda chiñu ra xaꞌa ya kúu ra Seꞌe Ndioxi.

San Marcos 14:61

Ta nda iin ya köo ndi̱kuiin Jesús, taxiin íyo ra. Saa ndi̱ndakan tuꞌun tuku mií sutu ikán ra, káchi ra saa: ―¿Án yóꞌo̱ ku Cristo, Seꞌe Ndioxi ra chee? ―káchi ra.

San Juan 20:31

Ta ndiꞌi tuꞌun ya vaxi nuu tutu yóꞌó, ta̱a i ya, ná kundaa ini ndo xaꞌa Jesús ya kúu ra Cristo Seꞌe Ndioxi. Saa tá kándixa ndo ra ta saa kuchiñu ndo kutaku ndo tixin kivi ra.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

HEBREOS 12:22

Sundi ndóꞌo̱, ta süvi taꞌan iku ikán kua ndi̱kuyati ndo nuu. Chi ndóꞌo̱, ta nuu iku ya náni Sión kua ku̱yati ndo, ya yóꞌó ku ñuu Jerusalén, ya íyo nuu ndivi ni̱nù ya kúu ñuu Ndioxi ra táku, nuu íyo kuaꞌa ni mil tatun Ndioxi xáa kaꞌnu ya ra.

1 Timoteo 3:15

chi án sana kuachi loꞌo ka i yóꞌó, yakan káꞌan kuee i xiꞌin un ya ná kundaa ini un ndá kuꞌva xíniñuꞌu ndo ikan ndo, xaꞌa ya kúu ndo na veꞌe Iva yo Ndioxi, ra táku. Ta tá kuꞌva tuun ni kuáꞌa xaꞌa veꞌe án tá káa itun ndee ni ndíso xi̱ní veꞌe, saa íin ndo, xaꞌa ya ndaa ku̱ndaa ini ndo xaꞌa tuꞌun ra.

1 Juan 5:20

Xíni tu yo ya ki̱xi Jesús Seꞌe Ndioxi ñuu ivi yóꞌó ta ta̱xi ra ya xínituni yo ya kundaa vaꞌa ini yo xaꞌa Ndioxi, ra ndaa. Ta iin yuꞌu ku yo xiꞌin Seꞌe ra, ra kúu Jesucristo, ra ndaa. Saa chi Jesucristo ku Ndioxi ra ndaa, ra táxi ichí ya kutaku yo xiꞌin Ndioxi ndiꞌi saa tiempo.

2 Corintios 6:16

Köo íyo yuꞌu naꞌa, na kúu veꞌe ñuꞌu Ndioxi xiꞌin naꞌna ndioxi ya ndíi. Ta saa yoo, chi yo veꞌe ñuꞌu Ndioxi ra táku ku yo. Tá kuꞌva ndi̱kaꞌan mií ra, káchi ra saa: Yeꞌe, ta koo i xiꞌin na, saa kaka i xiꞌin na, Ndioxi na kúu i, saa kúu na, na ñuu mií i, káchi Ndioxi.

2 Corintios 3:3

Ta teꞌe ni va náꞌa ya chi ndóꞌo̱, tá íin tutu ya ta̱a Jesucristo ta̱xi ra ndaꞌa nde, saa íin ndo, ta süvi xiꞌin nduta káꞌi tutu kua ta̱a ra ya, chi xiꞌin mií Tachi I̱í Ndioxi ra táku kua ta̱a ra ya. Ta köo ndi̱taa ra ya nuu yu̱ú, chi nuu nima naꞌa va ta̱a ra ya.

Los Hechos 14:15

―¡Tata!, ¿ndachu kua íkan ndo saa? Ta süvi ndioxi ku nde, taꞌan mií ndo ku tu ndeꞌe va. Xaꞌa ya íkan ndo saa yakan vaxi nde ndikani nde tuꞌun vaꞌa xaꞌa Ndioxi nuu ndo, ya ná kundaa ini ndo xäa toꞌo ka ndo inka ñaꞌa ya köo kúu Ndioxi, ta ndiko koo ini ndo xaꞌa ya íkan ndo. Saa ndikundikun ndo Ndioxi, ra táku, ra si̱kuaꞌa ndivi xiꞌin ñuꞌú tin nduta ñûꞌu xiꞌin ndiꞌi ka ñaꞌa ya íyo ñuu ivi yóꞌó.

San Mateo 4:3

Saa ndi̱xaa kiti nǎꞌa xíto ndoso ñaꞌa ri, káchi ri saa: ―Tá tu ndixa Seꞌe Ndioxi ku yóꞌo̱, ta vaꞌa kaꞌan un xiꞌin yu̱ú yóꞌó ná nduu ya xita vaꞌa ―káchi ri xiꞌin ra.

Los Hechos 8:36

Saa yáꞌa nda kuaꞌan nda iin ñaꞌñu nuu ndíkaa tikuii. Ta saa ndi̱kaꞌan ra ikán xiꞌin ra Felipe, káchi ra saa: ―Yóꞌó ndíkaa tikuii ta ¿án ndá ka ñaꞌa kúmani nuu i saa kuchiñu kuchi i? ―káchi ra xiꞌin ra Felipe.

San Juan 6:69

Ta ndeꞌe kándixa nde yóꞌo̱, saa xíni nde yóꞌo̱ ku Cristo, Seꞌe Ndioxi ra táku ―káchi ra Pedro xiꞌin Jesús.

San Mateo 1:16

Ta ra Jacob ku ra xi̱kuu iva ra José, ra ndi̱xiyo ií yá María, yá ndi̱xiyo siꞌí Jesús, ra kúu Cristo.

San Mateo 16:15

Saa ndi̱ndakan tuꞌun ra nda, káchi ra saa: ―Ta ndóꞌo̱, ¿unku i, káchi ndo? ―káchi ra xiꞌin nda.

San Lucas 2:11

Kivi vitin ka̱ku iin ra loꞌo sikaku ndóꞌo̱ ñuu ra rey David, ta ra ikán ku Cristo ra ndi̱kaxin Ndioxi kaꞌnda chiñu nuu na ñuu ivi.

San Juan 6:57

Iva i Ndioxi ra ti̱ꞌvi yeꞌe vaxi i, ta táku ra. Xaꞌa ya táku ra ikán kua táku tu yeꞌe va. Ta saa tu ndiꞌi na xíxi kuñu i kutaku na, chi táku yeꞌe ini na.

San Juan 6:68

Saa ndi̱kuiin ra Simón Pedro, káchi ra saa: ―Tata, ¿unku ka na kuꞌun nde nuu? Ta iindaa yóꞌo̱ ku un ndítuꞌun tuꞌun ya táxi kutaku nde ndiꞌi saa kivi.

2 Corintios 1:19

Saa chi ra ñani yo ra Silvano xiꞌin ra Timoteo tin yeꞌe, ta ndi̱kaꞌan ndoso nde xiꞌin ndo xaꞌa Tata yo Jesucristo, ra kúu Seꞌe Ndioxi. Ta köo uvi yuꞌu ra, nina ya ndaa káꞌan ra ndiꞌi saa kivi, ta ndixa síxinu ra tuꞌun káꞌan ra.

HEBREOS 3:12

Ñani yo, kuenta ni koo ndo, chïvaꞌa ndo ya väꞌa nima ndo, chi ìyo ni xaa xíka ya ndóꞌo̱ nuu Ndioxi ra táku, ta täxi ya kundaa ni ini ndo ra.

HEBREOS 9:14

Tá tu ku̱chiñu nií ikán xiꞌin yaá nda̱sa vaꞌa ya sata ikin kuñu na, ta ¡ndisaa ka vi nií Jesucristo, ndee ni ka ndee kúu mií rá ikán chi nda loꞌo kuachi ra köo, yakan vaꞌa ndasa vaꞌa rá yoo xaꞌa Tachi ra ya táku ndiꞌi saa ichí! Saa chi nií mií ra ku rá ndása vaꞌa nima yo, ndúvaꞌa yo nuu kuachi ya xáꞌni yoo, ta saa kua kuchiñu yo xaa chiñu yo nuu Ndioxi, ra táku.

El Apocalipsis 7:2

Saa xi̱ni i inka tatun Ndioxi ke̱ta ya chí nuu kétá ñu̱ꞌù, ta kúu mií ya sello Ndioxi ra táku. Saa ndi̱ndaꞌi koꞌo ya, ndee ka vi ndi̱kaꞌan ya xiꞌin kumi saa na tatun ikán, na xa íyo ichí ndaꞌa ya sitivi na ñuu ivi yóꞌó xiꞌin nduta ñûꞌu,

Los Hechos 8:37

Saa ndi̱kuiin ra káꞌan ra: ―Tá tu ndinuꞌu ini un kándixa un ya ndi̱kaꞌan i xiꞌin un ta vaꞌa kuchi va un ―káchi ra xiꞌin ra. Saa ndi̱kaꞌan ra káchi ra saa: ―Ndinuꞌu ini i kándixa i ya kúu Jesucristo Seꞌe Ndioxi ―káchi ra.