San Mateo 15:3 - Xochapa Mixteco

³ Saa ndi̱kuiin Jesús, káꞌan ra xiꞌin nda: ―Saa tu ndóꞌo̱ va, ¿ndachu köo káñuꞌu ndo ley Ndioxi ya íyo ndaꞌa ndo? Ta vaꞌa ka xáa súvi ni ka ndo ichí ya si̱ndoo xii ndo xinaꞌa.

San Mateo 15:3 Referans Kwoze

Colosenses 2:23

Ta ya ndáku xi̱ní na ivi yóꞌó ta nda tá káa tuꞌun ya ndíchi ni saa káa ya, ta ndíkani ini na ya ndee ni xíniñuꞌu na kundikun na ichí ya uꞌvi ni, saa xíniñuꞌu na xaa nduvaꞌa ni na xiꞌin ikin kuñu na, káchi na. Sundi chiñu ikán ta köo mií ndee kua chi köo chíndee ya na kaꞌnu na mií na nuu ñaꞌa, ya väꞌa ya kútoo ni ikin kuñu na ikan ya.

Colosenses 2:8

Koto ndo, kuenta ni koo ndo xiꞌin naꞌa, na kúni sindaꞌvi ndóꞌo̱, täxi ndo sindaꞌvi na ndóꞌo̱ xiꞌin ya ndíchi kána koo xi̱ní mií na. Chi ya nda̱ku xiní mií va xii sikua na kua xáa súvi na ta saa xáa súvi tu na ya kúni mií tachi nduvaꞌa va, ta köo xáa súvi na ya kúni mií Cristo.

San Marcos 7:13

Xiꞌin ya íkan ndo saa ta síndoo ndaꞌa ndo ya káꞌan Ndioxi. Xáa súvi ka ndo ya sínaꞌa mií ndo. Nda inka naꞌa sínaꞌa ndo xiꞌin ya káꞌan ndo. Ta kuaꞌa ni ka nuu ñaꞌa taꞌan ya yóꞌó íkan ndo ―káchi ra xiꞌin nda fariseo tin nda maestro ikán.

Tito 1:14

Ta ná küni soꞌo na kuento yata ya ndítuꞌun mií na judío, ni ná täa tu soꞌo na ya síkuaꞌa ini mií na káꞌan na, na ñaa ku naꞌa, na síndoo ichí Ndioxi ya ndaa.

San Mateo 15:2

―¿Ndachu köo káñuꞌu nda ítaꞌan xiꞌin un ya si̱naꞌa xii sikua yo xinaꞌa? Saa chi köo ndóo ndaꞌa nda xíxi nda tá kuꞌva íyo ya ndi̱kaꞌan xii yo ―káchi nda ikán xiꞌin Jesús.

San Mateo 15:4

Chi Ndioxi ndi̱kaꞌan ra: “Xaa toꞌo ndo iva ndo xiꞌin siꞌí ndo” ta “xíniñuꞌu kuvi ndiꞌi na távi chiꞌña iva án siꞌí na”, káchi ra.