San Mateo 14:31 - Xochapa Mixteco

³¹ Saa ndi̱xaa Jesús si̱kaa ndaꞌa ra nuu ra Pedro, ñaa ti̱in ra ndaꞌa ra, saa ndi̱kaꞌan ra xiꞌin ra, káchi ra saa: ―¿Ndachu ndaku ni ini un, köo xíin un kandixa un yeꞌe? ¡Ndá xaꞌa kua ndi̱xika uvi ini un! ―káchi Jesús xiꞌin ra.

San Mateo 14:31 Referans Kwoze

San Mateo 8:26

Saa ndi̱kuiin Jesús káchi ra saa: ―¿Ndachu íꞌvi ni ndo? ¿Án köo kándixa ndo yeꞌe ya sikaku i ndóꞌo̱? ―káchi ra xiꞌin nda. Saa ndi̱koo ra ndi̱kaꞌan ra xiꞌin tachi tin tikuii. Ñaa si̱yaa tachi tin tikuiin, iin taxiin ku̱u.

San Mateo 17:20

Saa ndi̱kaꞌan ra xiꞌin nda, káchi ra saa: ―Köo kándixa ndo Ndioxi yakan köo ndi̱kuchiñu ndo tava ndo ya. Saa chi vani loꞌo ni kándixa ndo ra án nda tá káa iin ndikin loꞌo mostaza kuꞌva saa kándixa ndo ra, ta kuchiñu ndo kaꞌan ndo xiꞌin iku yóꞌó ya kutaꞌa ya, ta xaa súvi ya tuꞌun káꞌan ndo xiꞌin ya, kutaꞌa ya. Saa chi tá kándixa ndo Ndioxi, vani loꞌo ni kándixa ñaꞌa ndo, ta kuchiñu ndo xaa súvi ndiꞌi ndo ya, chi nda iin ñaꞌa köo uꞌvi tá kándixa ndo ra.

San Marcos 5:41

Saa ti̱in ra ndaꞌa yá loꞌo ikán, ta ndi̱kaꞌan ra xiꞌin yá, káchi ra saa: ―Talita, cumi ―káchi ra xiꞌin yá. Tuꞌun ikán kúni kachi ya: “Yá loꞌo, káꞌan i xiꞌin un ndikoo un”.

San Marcos 1:31

Saa ku̱yati ra yuꞌu xito yá, ñaa ti̱in ra ndaꞌa yá ta ka̱ndichi ra yá. Saa ndikun ndu̱vaꞌa yá, ndikun ki̱ndaa ya ndítuvi ya xiꞌin yá. Saa xa̱á yá xáa vií yá kuxi nda.

San Mateo 16:8

Saa ku̱ndaa ini Jesús ya káꞌan xiꞌin taꞌan nda, ñaa ndi̱kaꞌan ra xiꞌin nda, káchi ra saa: ―¿Ndachu tuun ni ini ndo, köo xíin ndo kandixa ndo? ¿ndachu káꞌan ndo köo xita vaꞌa ndíso ndo?

Los Hechos 4:30

Ta chindee un ndeꞌe xiꞌin ndee un, tixin Seꞌe un Jesús ra i̱í. Sindaꞌa un na kúꞌvi, saa ikan un yatuꞌun un ná kuni naꞌa ―káchi na xiꞌin Ndioxi.

San Lucas 24:34

Ñaa ndi̱kaꞌan na ndóo ikán xiꞌin nda, káchi na saa: ―Ya ndaa ni ndixa kua ndi̱taku Tata yo Jesús, saa chi ndi̱tuvi ra nuu ra Simón Pedro ―káchi na.

San Marcos 16:7

Kuáꞌan ndo kaꞌan ndo xiꞌin ra Pedro tin inka nda xi̱taꞌan xiꞌin Jesús, kachi ndo soꞌva: “Xa ínuu Jesús kuaꞌan ra nuu ndo chí Galilea, ta kuáꞌan ndo chikan ndikitaꞌan ndo xiꞌin ra, tá íyo ya ndi̱kaꞌan ra xiꞌin ndo, che”, kachi ndo xiꞌin nda ―káchi ra kuǎán ikán xiꞌin ná.

San Marcos 11:23

Saa chi tá tu ndinuꞌu ni ini ndo ndáa ini ndo xíni ndo ra, ta ná kaꞌan ndo xiꞌin iku yóꞌó, kachi ndo saa: “Kuataꞌa nuu íin un ñaa, ta keta kuáꞌan ini nduta ñûꞌu”, ná kachi ndo xiꞌin ya, tá tu ndinuꞌu ini ndo kándixa ndo Ndioxi, köo xíka uvi ini ndo ya káꞌan ndo xiꞌin ya, ta keta ndixa ya kuꞌun ya.

San Marcos 1:41

Saa ku̱ndaꞌvi ini Jesús xi̱ni ñaꞌa ra. Ñaa si̱kaa ra ndaꞌa ra ti̱in ndaa ñaꞌa ra, ta ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra.

San Mateo 6:30

Ni loꞌo ni kivi táku ita vali, chi iin kivi xáa ya, ta inka kivi ndáꞌva ndiꞌi ya. Saa táan na ya ini xitun xíxi ya, ta Ndioxi ndáa ra ya ta luvi ni síkundixi ra ya. Ta saa ndáa ra ndóꞌo̱ chi ndáa yaꞌvi ni ka ndóꞌo̱ nuu ita ikán. ¿Ta ndachu loꞌo ni kándixa ndo Ndioxi ya kundaa ra ndóꞌo̱?

1 Timoteo 2:8

Ta ya yóꞌó kua kúni i ná ikan ndiꞌi nda taa: Vaꞌa ná kaꞌan nda xiꞌin Ndioxi ndiꞌi ni kúu ñaꞌñu nuu ndíkitaꞌan ndo xáa kaꞌnu ndo ra. Ta vaꞌa ná ndaniꞌi ndaꞌa nda nuu ndivi kaꞌan nda xiꞌin ra, i̱í ná koo ini nda, ta ná säa ini nda kuni nda naꞌa, ni ná käni taꞌan nda xiꞌin nda iin naꞌa.

1 Pedro 1:5

Xaꞌa ya ndáa ni ini ndo Ndioxi kua kundaa ra ndóꞌo̱ xiꞌin ndee ra, chi saa chi̱tuni ra sikaku ra ndóꞌo̱ iin saa nda ná tindaa kivi sindiꞌi.

San Mateo 14:30

Saa tá xi̱ni ra ndee ni xíka tachi, ta ñaa ndi̱ndiꞌvi ni ra, ñaa xaá sáꞌvi ra kuaꞌan ra ini tikuii, ta iin ndi̱ndaꞌi koꞌo ra, káchi ra saa: ―¡Tata, sikaku un yeꞌe! ―káchi ra xiꞌin Jesús.

San Mateo 14:32

Saa tá nda̱a uvi saa nda sata itun barco, ta ndikun si̱yaa tachi.

San Marcos 4:40

Sindiꞌi saa ndi̱kaꞌan ra xiꞌin nda ítaꞌan xiꞌin ra, káchi ra saa: ―¿Ndachu íꞌvi ni ndo? ¿Án köo ndáa ini ndo Ndioxi ya kundaa ra yoo? ―káchi ra xiꞌin nda.