San Mateo 13:8 - Xochapa Mixteco

⁸ Sava ya ndi̱koyo nuu ñuꞌú xaꞌan ni, ta kuaꞌa ni trigo ya ka̱na. Sava ya ka̱na nda iin ciento ndikin ya, sava ya ka̱na uni xiko ndikin ya, sava tuku ya ka̱na oko uxi ndikin ya ―káchi Jesús xiꞌin na.

San Mateo 13:8 Referans Kwoze

San Lucas 8:15

Ta siꞌva ri ndi̱koyo nuu ñuꞌú vaꞌa ku na kúu mií nima vaꞌa, ndâku ni ini na chívaꞌa na tuꞌun xíni soꞌo na nima na, ta köo ndíko koo ini na ya kuaꞌan na ichí ra, tá íin kuiꞌi vaꞌa ni kána, saa íin na ikán ―káchi Jesús xiꞌin nda ítaꞌan xiꞌin ra.

San Mateo 13:23

Ta ndikin ya ndikoyo nuu ñuꞌú xaꞌan ku ya káꞌan xaꞌa na xíni soꞌo tuꞌun Ndioxi, ta kúndaa ini na xiꞌin ya. Ta tá káa ñaꞌa ya vaꞌa ni kána, saa íin na yóꞌó. Nda tá íin ndikin ya kána iin ciento ndikin, án ya kána uni xiko ndikin án ya kána oko uxi ndikin, saa íin na ndinuꞌu ni kándixa tuꞌun Ndioxi ―káchi Jesús xiꞌin nda ítaꞌan xiꞌin ra.

San Juan 15:8

Tá xáa toꞌo ni ndo Iva i tá íkan ni ndo ya vaꞌa, ta saa kua ndúu ndo na ítaꞌan xiꞌin i.

Filipenses 1:11

Saa kua ikan ni ndo ya vaꞌa, ya ndaa nuu ra, ta tixin mií Tata yo Jesucristo kua ikan ndo saa, ta saa kua kaꞌan vaꞌa ni naꞌa xaꞌa Ndioxi, ta ndikunuu vaꞌa ni ya toꞌo ra.

ROMANOS 7:18

Xa kúndaa va ini i, chi köo mií ya vaꞌa íyo vi ikin kuñu i, xaꞌa ya kúu i ra ñuu ivi yóꞌó. Saa chi ya vaꞌa ku ya kúni i ikan va i, sundi köo mií ndee ikin kuñu i ya ikan ya vaꞌa.

San Mateo 13:7

Sava ya ndi̱koyo tañu iñu, tá xa̱ꞌnu nu ikán ta si̱nduxin ñaꞌa nu.

San Marcos 4:8

Sundi sava ndikin ikán ndi̱koyo nuu ñuꞌú vaꞌa. Ta saa xa̱ꞌnu vaꞌa ya ta vaꞌa ni ka̱na trigo ya. Sava ya ku̱u mií oko uxi ndikin trigo, ta sava ya ka̱na uni xiko ndikin trigo, sava ya ka̱na nda iin ciento ndikin trigo ―káchi ra xiꞌin na.

San Marcos 4:20

Ta íyo tuku sava na íin tá íin ñuꞌú vaꞌa ni ya kána kuaꞌa ni ñaꞌa nuu, chi ñuꞌú vaꞌa ikán kána kuaꞌa ni ñaꞌa nuu ya, sava ya táxi oko uxi ndikin trigo, tin ya táxi uni xiko, xiꞌin ya táxi nda iin ciento trigo. Tá íin ya ikán saa íin na ndinuꞌu ndíkiꞌin tuꞌun Ndioxi, ta ya ikán ku ya chíndee na kúu na ivi na vaꞌa. Soꞌva kúni kachi tuꞌun ndíchi ikán ―káchi Jesús xiꞌin na.

San Lucas 8:8

Ta sava siꞌva ndi̱koyo nuu ñuꞌú vaꞌa. Ta xa̱ꞌnu vaꞌa ya kuaꞌa ni nuni ya ka̱na, sava ya ndi̱xiyo nda iin ciento nuni sata ―káchi Jesús xiꞌin na. Ta saa ndee ni nda̱niꞌi ra tuꞌun ra ta ndi̱kaꞌan ra xiꞌin na, káchi ra saa: ―Unku ndóꞌo̱ íyo soꞌo, ta kuni soꞌo ndo unkua káchi tuꞌun ndíchi yóꞌó ―káchi ra xiꞌin na.