San Mateo 12:38 - Xochapa Mixteco

³⁸ Sava nda fariseo xiꞌin nda sínaꞌa ley Ndioxi, ndee ni ndi̱kaꞌan nda xiꞌin Jesús, káchi nda saa: ―Tata Maestro, kúni nde ikan un yatuꞌun nuu nde kuni nde ―káchi nda xiꞌin ra.

San Mateo 12:38 Referans Kwoze

1 Corintios 1:22

Na judío ta xiꞌna kúni na kuni na yatúꞌun Ndioxi, saa kandixa na, ta na griego ta ya ndee ni kúni na kuni soꞌo na ku tuꞌun ya ndíchi ni, saa kandixa na.

San Juan 2:18

Saa ndi̱ndakan tuꞌun nda chiñu nuu na judío Jesús káchi nda saa: ―¿Ndá yatuꞌun kua táxi un kuni nde ya kúu mií un ichí ikan un saa? ―káchi nda xiꞌin ra.

San Lucas 11:16

Saa xa̱á káꞌan inka na xiꞌin Jesús, xíto ndoso ñaꞌa na ya ná ikan ra iin seña kuni na yatuꞌun Ndioxi ya vaxi nuu ndivi.

San Juan 4:48

Ta saa ndi̱kaꞌan Jesús xiꞌin ra, káchi ra saa: ―Ndóꞌo̱, ta xïin ndo kandixa ndo yeꞌe. Nda kuni ndo yatuꞌun Ndioxi íkan i án iin seña kuni ndo ta saa vi kandixa ndo yeꞌe ―káchi Jesús.

San Lucas 11:29

Saa kúu ta kuaꞌa ni naꞌa ndíkitaꞌan xáa na nuu Jesús: Ta saa xa̱á ra káꞌan ra xiꞌin na, káchi ra saa: ―¡Ndikuu ni ini na ndóo ñuu ivi tiempo vitin! Chi ndúku na seña nuu i ya kúni na koto ndoso na yeꞌe. Sundi nda iin ya sïnaꞌa i nuu na, ndá taꞌan ya ndo̱ꞌo ra Jonás xinaꞌa va kuni na.

San Juan 6:30

Saa ndi̱kaꞌan na xiꞌin ra, káchi na saa: ―¿Unkua ku seña yatuꞌun sinaꞌa un nuu nde, ya koo seña kuni nde, ta saa kandixa nde yóꞌo̱? ¿Unkua íkan un?

San Mateo 12:37

Chi Ndioxi ta xaa nani ra kuachi xiꞌin iin iin ndo xaꞌa tuꞌun ya ndi̱kaꞌan ndo. Tá ndi̱kaꞌan ndo tuꞌun vaꞌa ta kaku ndo, tá tu ndi̱kaꞌan ndo tuꞌun väꞌa, ta niꞌi ndo nuu ndoꞌo ni ndo ―kachi Jesús xiꞌin na.