San Mateo 11:27 - Xochapa Mixteco

²⁷ Saa ndi̱kaꞌan ka Jesús xiꞌin na, káchi ra saa: ―Iva i Ndioxi ta̱xi ndiꞌi ra ya vaꞌa ndaꞌa i. Ta nda iin naꞌa köo xíni yeꞌe, ra kúu seꞌe Ndioxi, iindaa mií Ndioxi ku ra xíni vaꞌa yeꞌe. Ta nda iin naꞌa köo xíni Iva i tá kuꞌva xíni yeꞌe ra, saa tu na ndi̱kaxin i taxi i kuni vaꞌa na ini ra.

San Mateo 11:27 Referans Kwoze

San Mateo 28:18

Saa ku̱yati Jesús nuu nda, ta ndi̱kaꞌan ra xiꞌin nda, káchi ra saa: ―Ndaꞌa yeꞌe ta̱xi Ndioxi ichí xaꞌa ndiꞌi ni kúu ñaꞌa ya íyo nuu ndivi tin ya íyo ñuu ivi yóꞌó.

San Lucas 10:22

Ta saa ndi̱kaꞌan ka ra káchi ra saa: ―Iva i Ndioxi ta ta̱xi ra ichí ndaꞌa i xaꞌa ndiꞌi ñaꞌa. Ta nda iin naꞌa köo xíni ini yeꞌe ra kúu Seꞌe Ndioxi, iindaa mií Iva i Ndioxi ku ra xíni ini i, ta ni ini Iva i Ndioxi köo xíni na, iindaa yeꞌe ku Seꞌe ra ku i xíni ini ra, saa sínaꞌa i ra nuu na kúni mií i kuni taꞌan xiꞌin ra ―káchi Jesús.

2 Juan 1:9

Ndiꞌi na síndoo ichí ya si̱naꞌa Jesucristo ta ndíkiꞌin na inka ichí kuaꞌan na, ta köo Ndioxi íyo xiꞌin na, sundi na tuun ni ndíkun ichí ya si̱naꞌa ra ta kúu mií na Iva yo Ndioxi xiꞌin Seꞌe ra.

1 Juan 2:23

Ta ndiꞌi na ndíkuaa Jesús, ra kúu Seꞌe Ndioxi, ta kúni kachi ya ndíkuaa tu na Ndioxi va. Ta ndiꞌi na ndíkuni Jesús ya kúu ra Seꞌe Ndioxi ta ndíkuni tu na Iva yo Ndioxi va.

San Juan 10:15

Tá kuꞌva xíni Iva i yeꞌe, saa xíni vaꞌa tu mií va i ra ta íyo tuꞌva i kuvi i xaꞌa levo sana i.

San Juan 3:35

Iva yo Ndioxi ta kúꞌvi ni ini ra xíni ra Seꞌe ra, yakan kua ta̱xi ndiꞌi ra ñaꞌa ndaꞌa Seꞌe ra.

San Juan 6:46

’Köo naꞌa ndi̱xini xiꞌin nuu Ndioxi, iindaa mituꞌun mií ra ke̱e nuu ra ku ra xi̱ni ñaꞌa.

San Juan 1:18

Nda iin mituꞌun naꞌa täꞌan kuni xiꞌin nuu Ndioxi. Iindaa Jesucristo Seꞌe Ndioxi, ra iin mituꞌun nuu ra, ra íyo xiꞌin ra, ra ikán ku ra xíni vaꞌa Ndioxi, ta ra ikán ku ra sínaꞌa yoo ndá kuꞌva káa Ndioxi.

San Juan 7:29

Ta mií i ta xíni vaꞌa i ra, chi nuu ra ikán ke̱e i vaxi i. Mií ra ti̱ꞌvi yeꞌe vaxi i ―káchi ra xiꞌin na.

San Juan 17:6

’Ivi na ndi̱kaxin un ta̱xi un ndaꞌa i ta si̱naꞌa i yóꞌo̱ nuu na. Na ndíkun yóꞌo̱ ku na, ta ta̱xi un na ndaꞌa i. Ta xáa súvi ndiꞌi na tuꞌun un ya ndi̱kaꞌan i xiꞌin na.

San Juan 13:3

Xa xíni Jesús ya ta̱xi ndiꞌi Iva ra ñaꞌa ndaꞌa ra, ta xíni ra ke̱e ra nuu Ndioxi, ta saa ndiko koo ra kuꞌun ra.

1 Pedro 3:22

Ta nda̱a ra kuaꞌan ra nuu ndivi, índuꞌu ra ñaꞌñu kuáꞌá Ndioxi. Ta mií ra ku ra xáꞌnda chiñu nuu na tatun Ndioxi, saa xáꞌnda chiñu ra nuu ndiꞌi ndee ya íyo nuu ndivi tin ya íyo nuu ñuꞌú yóꞌó.