San Mateo 10:19 - Xochapa Mixteco

¹⁹ Tá ti̱in na ndóꞌo̱, ta kündiꞌi ini ndo xaꞌa tuꞌun ya kaꞌan ndo xiꞌin na, saa chi mií Ndioxi ku ra taxi tuꞌun ndaꞌa ndo kaꞌan ndo xiꞌin na.

San Mateo 10:19 Referans Kwoze

2 Timoteo 4:17

Ni saa va i̱kan nda xiꞌin i, sundi mií Iva yo Ndioxi ku ra ndi̱xiyo xiꞌin i, ta̱xi ra ndee ndaꞌa i vaꞌa ndi̱kaꞌan ndoso i tuꞌun vaꞌa xaꞌa ra xiꞌin ndiꞌi naꞌa, na köo kúu judío, ta xi̱ni soꞌo na ya ndi̱kaꞌan i xaꞌa ra xiꞌin na. Ta mií ra ku ra si̱kaku yeꞌe ya ndi̱kaku i nuu naꞌa, na íin tá íin kiti ndikaꞌa, kiti kueꞌe ni.

San Lucas 12:11

Saa ndi̱kaꞌan ka ra xiꞌin na, káchi ra saa: ―Tá ndá naꞌa táxi kuachi xaꞌa ndo nuu na naꞌnu veꞌe ñuꞌu sinagoga án nuu na chiñu ñuu ndo, ta kündiꞌi ini ndo xaꞌa tuꞌun ya kaꞌan ndo xiꞌin na,

Santiago 1:5

Tá ndá ndóꞌo̱ kúmani ya ndíchi nuu, ta vaꞌa nduku ndo ya nuu Ndioxi chi vaꞌa ni ra, ta küxinda ra ya nuu ndo taxi va ra ya ndaꞌa ndo.

San Mateo 6:31

Kündiꞌi ka ini ndo kaꞌan ndo, mií kee ñaꞌa kuxi yo, ta mií kee ñaꞌa koꞌo yo, ta mií kee toto kundixi yo, kachi ndo.

San Mateo 6:25

Saa ndi̱kaꞌan tuku Jesús, káchi ra saa: ―Káꞌan i xiꞌin ndo, kündiꞌi ni ini ndo xaꞌa ñaꞌa kutaku ndo. Ni xaꞌa ya kuxi ndo án ya koꞌo ndo, ni toto kundixi ndo kündiꞌi ini ndo xaꞌa. Saa chi ya vaꞌa yo ku ya ndáa yaꞌvi ni ka nuu ñaꞌa xíxi yo. Ta ni toto ndíxi yo ta köo ndáa yaꞌvi ni ya nuu ikin kuñu yo.

Filipenses 4:6

Ta nda iin ya kündiꞌi ini ndo xaꞌa. Tá ndá ya kúmani nuu ndo ta kuaku ndaꞌvi ndo nuu Ndioxi. Nduku ndo ñaꞌa ya xíniñuꞌu ndo nuu ra, saa taxi ni ndo tixaꞌvi ndaꞌa ra xaꞌa ya chíndee ra ndóꞌo̱.

Los Hechos 6:10

Sundi köo ndíkuchiñu na xiꞌin ra saa chi ndíchi ni káꞌan ra xiꞌin na xaꞌa ya ndee ni íyo Tachi I̱í Ndioxi xiꞌin ra.

San Mateo 6:34

Yakan kündiꞌi ni ini ndo xaꞌa ñaꞌa ya kuniñuꞌu ndo kivi vaxi. Saa chi kivi vaxi ta xa kúu mií ya tindoꞌo va. Chi iin iin kivi ta xa ndíso mií va ya tindoꞌo.

San Mateo 10:18

Nda nuu na chiñu naꞌnu, na kúu gobierno án nuu nda rey, kundaka na ndóꞌo̱ kuꞌun ndo xaꞌa ya ndíkun ndo yeꞌe. Ta saa kuchiñu ndo kaꞌan ndo tuꞌun vaꞌa xaꞌa i xiꞌin na ikán tin na köo kúu judío.

San Lucas 12:12

saa chi suvi mií Tachi I̱í Ndioxi kua taxi tuꞌun ndaꞌa ndo kaꞌan ndo xiꞌin na ―káchi Jesús.