San Mateo 10:1 - Xochapa Mixteco

¹ Ka̱na Jesús uxi uvi nda taa ítaꞌan xiꞌin ra, ta ta̱xi ra ichí ndaꞌa nda tava nda tachi nduvaꞌa kúu mií naꞌa tin sindaꞌa nda na xiꞌin ndiꞌi nuu kueꞌe ndóꞌo na.

San Mateo 10:1 Referans Kwoze

San Lucas 10:19

Ta yeꞌe táxi i ndee ndaꞌa ndo ya kuañu ndoso ndo sata kiti ko̱ó kueꞌe xiꞌin kiti tisoꞌma, ta kuchiñu ndo nuu ndiꞌi tachi nduvaꞌa ya káni taꞌan xiꞌin ndo ta nda iin ya kündoꞌo ndo.

San Lucas 24:49

Ta vaxi kivi tiꞌvi i ya ki̱ndoo Iva i Ndioxi kixi ya ndaꞌa ndo. Yakan këe yachi ndo ñuu Jerusalén yóꞌó, nda ná ndikiꞌin ndo ndee ya kee nuu ndivi, saa kee ndo ―káchi Jesús xiꞌin na.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

San Juan 3:27

Ta saa ndi̱kuiin ra Juan káchi ra saa: ―Nda iin ñaꞌa küvi ikan naꞌa tá tu süvi Ndioxi ku ra táxi ndee ndaꞌa na.

San Lucas 6:13

Tá ndi̱tuvi inka kivi, ta ka̱na ra na ndíkun sata ra, tañu na ikán ndi̱kaxin ra uxi uvi taa nda kuꞌun nuu ra xaa chiñu nda inka ñuu. Ta ta̱xi ra kivi nda náni nda apóstol, ta tuꞌun ikán káchi ya saa: “Nda ti̱ꞌvi Ndioxi”.

San Lucas 21:15

chi mií i chindee ndóꞌo̱, taxi i tuꞌun ndaꞌa ndo kaꞌan ndo xiꞌin na. Ndíchi ni koo tuꞌun taxi i ndaꞌa ndo kaꞌan ndo xiꞌin na ta ni küchiñu na ndikuiin na yuꞌu ndo, chi vaꞌa ni kaꞌan ndo.

Los Hechos 19:15

Saa kúu nda ikán káꞌan nda xiꞌin tachi nduvaꞌa ya kúu mií iin ra taa. Ñaa ndi̱kuiin ya káchi ya saa: ―Xíni i unku Jesús, ta xíni tu i unku ra Pablo va, sundi ndóꞌo̱, ta köo xíni nde ndóꞌo̱ ―káchi tachi nduvaꞌa xiꞌin nda.

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

San Juan 6:70

Saa ndi̱kuiin Jesús káꞌan ra, káchi ra saa: ―Yeꞌe ndi̱kaxin i uxi uvi saa ndo ya kundikun ndo yeꞌe, ta iin ndóꞌo̱ ku kiti nǎꞌa ―káchi ra xiꞌin nda.

San Juan 3:35

Iva yo Ndioxi ta kúꞌvi ni ini ra xíni ra Seꞌe ra, yakan kua ta̱xi ndiꞌi ra ñaꞌa ndaꞌa Seꞌe ra.

El Apocalipsis 12:1

Saa xi̱ni i iin seña chee ni nuu ndivi, chi xi̱ni i iin yá ñaꞌa ndíxi níí yá ñu̱ꞌù, saa ndíkaa kiti yo̱ó tixin xaꞌa yá, ta ínuu corona xiní yá, ta kúu mií corona ikán uxi uvi kiti kimi.

San Mateo 26:47

Saa káꞌan ka ra, ta ndi̱xaa ra Judas taꞌan nda uxi uvi ítaꞌan xiꞌin ra ku ra. Kuaꞌa ni naꞌa ndi̱xaa xiꞌin ra ikán, ta ndíso na i̱chi ndi̱xaa na, saa ndíso tu na carroti va ndi̱xaa xiꞌin na. Na xikuaꞌa nuu na judío xiꞌin nda naꞌnu nuu sutu ku nda ti̱ꞌvi nda ikán kuaꞌan nda tiin nda Jesús.

San Mateo 26:20

Tá kuaꞌan kúñuu saa ndi̱xaa Jesús ndi̱kunduꞌu ra nuu mesa kuxi ra xiꞌin uxi uvi saa nda ítaꞌan xiꞌin ra.

San Mateo 19:28

Saa ndi̱kaꞌan Jesús xiꞌin nda, káchi ra: ―Ya ndaa káꞌan i xiꞌin ndo, tá ná tindaa kivi ya nduxaa ñuu ivi yóꞌó, ta yeꞌe, Taa ra xa̱a ñuu ivi yóꞌó, ta koo i nuu tai toꞌo, itun luvi ni, ikán koo i kaꞌnda chiñu i. Ta ndóꞌo̱ ndíkun yeꞌe, uxi uvi saa ndo koo nuu iin iin tai toꞌo xaa nani ndo kuachi xiꞌin uxi uvi saa tiꞌvi na Israel.

San Mateo 6:13

Täxi un ndikava nde ndaꞌa ya väꞌa, chindee un ndeꞌe nuu ya väꞌa. Chi yóꞌo̱ ku ra xáꞌnda chiñu, yóꞌo̱ ku ra kúu mií ndee ta ndiꞌi naꞌa xáa kaꞌnu yóꞌo̱ ndiꞌi saa kivi ya vaxi. Saa ná koo ya”. Soꞌva kachi ndo xiꞌin Ndioxi ―káchi Jesús xiꞌin na.

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

San Mateo 9:35

Saa xíka Jesús ñuu naꞌnu tin ñuu vali, xíniꞌni ra xíka ra sínaꞌa ra naꞌa, tá veꞌe ñuꞌu sinagoga, tá veꞌe ñuu xíka ra. Sínaꞌa ra na tuꞌun vaꞌa xaꞌa ichí ya xáꞌnda chiñu Ndioxi. Ndíkani ra nuu na, saa síndaꞌa ra na ndóꞌo ndiꞌi nuu kueꞌe.

San Mateo 9:38

Xaꞌa ya ñaa kua xíniñuꞌu ni ndo kaꞌan ndo xiꞌin Ndioxi, ya ná tiꞌvi ka ra naꞌa, na xaa chiñu ndikuiso na ñaꞌa, ya xa ndi̱xinu ni ―káchi Jesús xiꞌin nda ítaꞌan xiꞌin ra.