San Marcos 6:5 - Xochapa Mixteco

⁵ Xaꞌa ya ikán köo ndi̱kan ra kuaꞌa yatuꞌun, uvi ndaa va ku na kúꞌvi chi̱nuu ndaꞌa ra sata, ta si̱ndaꞌa ra na.

San Marcos 6:5 Referans Kwoze

San Mateo 13:58

Ta köo kuaꞌa yatuꞌun ndíkan ra xiꞌin na, xaꞌa ya köo ndi̱xiin na kandixa ñaꞌa na.

San Marcos 9:23

Saa ndi̱kaꞌan Jesús xiꞌin ra, káchi ra saa: ―¿Ndachu káꞌan un án kuchiñu i? ¿Án kuchiñu un kandixa un Ndioxi? Ndiꞌi va ya kuchiñu ikan Ndioxi xiꞌin na kándixa ñaꞌa ―káchi Jesús xiꞌin ra.

San Marcos 5:23

Saa xa̱á ra xáku ndaꞌvi ra nuu ra, káchi ra saa: ―Tata, vaxi i nuu un kuꞌun loꞌo un xiꞌin i veꞌe i, saa chi ndee ni ndee ndóꞌo seꞌe i xa xíꞌi va yá, yakan xíkan ni i ya mani nuu un, kuꞌun loꞌo un xiꞌin i, chinuu ndaꞌa un sata seꞌe i ta nduvaꞌa yá ―káchi ra.

HEBREOS 4:2

Saa chi tá kuꞌva xi̱ni soꞌo yoo tuꞌun Ndioxi ya síkaku ra yoo, ta saa xi̱ni soꞌo tu na xii sikua va yo tuꞌun ra. Ta xi̱ni soꞌo uun va na ya, saa chi köo ndi̱kandixa na ya ndi̱kaꞌan Ndioxi xiꞌin na.

Los Hechos 28:8

Ta ndee ka vi ndóꞌo iva ra índuꞌu ra nuu xito, ndítuvi ya xiꞌin ra tin táta ra ni̱í. Saa ndi̱xaꞌan ra Pablo nuu índuꞌu ra, tá si̱ndiꞌi ra ndi̱kaꞌan ra xaꞌa ra xiꞌin Ndioxi ta chi̱nuu ndaꞌa ra xiní ra, ñaa ndu̱vaꞌa ra.