San Marcos 3:5 - Xochapa Mixteco

⁵ Saa ndi̱saa ni Jesús ndi̱koto ra nuu nda ndóo ikán, ta ku̱chiꞌña ka vi ini ra, chi tuun ni nima nda. Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra. Tá si̱ndikaa soꞌva ra ya, ta ndikun ndu̱vaꞌa ya.

San Marcos 3:5 Referans Kwoze

San Lucas 6:10

Saa ndi̱koto ra nuu ndiꞌi na ndóo ikán, ta ndi̱kaꞌan ra xiꞌin ra ndi̱ndichi ndaꞌa ikán, káchi ra saa: ―Sindikaa ndaꞌa un ―káchi ra xiꞌin ra. Ta saa si̱ndikaa ra ikán ndaꞌa ra, tá si̱ndikaa soꞌva ra ya ta ndikun ndu̱vaꞌa ya.

Efesios 4:18

Chi na köo xíni Ndioxi ta íyo xíka ni va na nuu ra, nda ya xínituni na ta tá íin ya íyo nuu naá va saa íyo ya, tuun ni nima na, ta soꞌo ni na.

ROMANOS 11:25

Ñani yo xiꞌin kuꞌva yo, ndóꞌo̱ köo kúu judío, kúni i kaꞌan i xiꞌin ndo ya ná kundaa ini ndo xaꞌa chiñu ya íyo sěꞌe ikan Ndioxi. Yakan kua xäa xíni ni ndo mií ndo, saa chi sava mií na Israel ta ndee ni ndu̱tuun ini na, köo xíin na kandixa na Jesucristo, ta saa ikan na nda ná xinu naꞌa, na köo kúu judío, na ndi̱kaxin Ndioxi sikaku ra.

San Mateo 12:13

Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: ―Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra, tá si̱ndikaa soꞌva ra ya ta ndikun saa ndu̱vaꞌa ya. Ndu̱u ya tá íyo inka ya vaꞌa.

El Apocalipsis 6:16

Kuaꞌan ndiꞌi na ikán nduku na nuu tiseꞌe na, ta káꞌan na xiꞌin iku sukun tin yu̱ú naꞌnu ni, káchi na saa: ―Koyo ndo sata nde ya tiseꞌe ndo ndeꞌe ya ná küni ra índuꞌu nuu tai toꞌo ndeꞌe, saa tiseꞌe ndo ndeꞌe nuu kiti Levo, chi sáa ni ini ri xíni ri ndeꞌe.

HEBREOS 5:9

Yakan tá sindiꞌi ra xa̱a súvi ra ndiꞌi ya ndi̱kaꞌan Ndioxi xiꞌin ra, saa kua ndi̱xinu ra ndu̱u ra taa, ra ndee ni ndixa xíniñuꞌu yo ya sikaku ra yoo koo yo xiꞌin ra ndiꞌi saa ichí tá tu xáa súvi yo ya káꞌan ra.

HEBREOS 3:17

¿Ta unku xiꞌin kua ndi̱saa ni Ndioxi uvi xiko kuiya? Xíni yo, xii sikua yo na ta̱va ra Moisés ñuu Epigto ku na ndi̱kiꞌvi kuachi xiꞌin Ndioxi, yakan ndi̱saa ra xiꞌin na, ta ndi̱xiꞌi na iku yuyu.

Efesios 4:30

Ta ïkan ndo ya väꞌa, ya táxi ndo kusuchi ini Tachi I̱í Ndioxi, chi Tachi I̱í ra kua xiꞌna ndi̱niꞌi ndo nuu ra, ya yóꞌó ta tá káa tuni mií ra saa káa ya nuu ki̱ndoo ra xiꞌin ndo ya sikaku ra ndóꞌo̱ kivi vaxi.

Efesios 4:26

Yakan tá xáa ndo sáa ini ndo xiꞌin taꞌan ndo, ta vaꞌa kama sindiko ndo ini ndo, ta säa ndo inii nduvi ndaa xiꞌin taꞌan ndo.

2 Corintios 3:14

Tá íin toto ya xi̱ndasi nuu ra Moisés, saa ndo̱ꞌo na Israel chi ndi̱kundasi ya xínituni na. Yakan nda vitin tá káꞌvi na ley yata íyo ndaꞌa na ta köo kúndaa ini na xiꞌin ya. Nda vitin ta ndási yaa nuu na, iindaa Jesucristo ku ra kuchiñu kindaa ya ndási nuu na.

San Juan 9:7

Saa ndi̱kaꞌan Jesús xiꞌin ra káchi ra saa: ―Kuáꞌan ndikata un nuu un ini ñaꞌa nuu ñúꞌu tikuii Siloé ―káchi ra. (Ta tuꞌun Siloé kúni kachi ya: Taa ra ti̱ꞌvi ra kuaꞌan.) Saa ke̱e ra ikán ndi̱xaꞌan ra ndi̱kata ra nuu ra, tá ndi̱ko koo ra ta xa ndi̱kuna nuu ra, vaꞌa xíto ra.

San Lucas 17:14

Saa xi̱ni ñaꞌa Jesús, ta ndi̱kaꞌan ra xiꞌin nda, káchi ra saa: ―Kuáꞌan ndo nuu sutu ná koto ra ndóꞌo̱ án xa ndu̱vaꞌa ndo ―káchi ra xiꞌin nda. Saa ke̱e nda kuaꞌan nda, tá xíka nda kuaꞌan nda ta ñaa ndu̱vaꞌa nda.

San Lucas 13:15

Saa ndi̱kuiin Tata yo Jesús káꞌan ra saa, káchi ra saa: ―Ndóꞌo̱ uvi yuꞌu ku ndo, nda, ni mií ndo ta xáꞌan ndo ndáxin ndo sindiki sana ndo xiꞌin burru sana ndo xíꞌi ri tikuii kivi ndíkundee yo.

HEBREOS 3:10

Xaꞌa ya ikán kua ndi̱saa ni ini i xiꞌin na, ta ndi̱kaꞌan i, káchi i saa: “Ndiꞌi saa ichí xíka uvi ini na, ta köo xíin na kundikun na yeꞌe, ni köo xíin na kundaa ini na xaꞌa ichí i”.

San Marcos 3:4

Sindiꞌi saa ndi̱ndakan tuꞌun Jesús nda, káchi ra saa: ―¿Unkua káꞌan ley Ndioxi xaꞌa kivi i̱í ya ndíkundee yo? ¿Ndá ñaꞌa kua kúu mií yo ichí ikan yo? ¿Án ya vaꞌa án ya väꞌa xíniñuꞌu yo ikan yo? ¿Án yo sindiꞌi xaꞌa ku yo naꞌa, án na sikaku yo ku na? ¿Unkua káchi ndóꞌo̱ xaꞌa kivi i̱í? ―káchi ra xiꞌin nda. Tá ndi̱kaꞌan ra saa, ta nda iin nda köo ndi̱kuiin yuꞌu ra.