San Marcos 3:22 - Xochapa Mixteco

²² Saa káꞌan tu nda maestro, nda sínaꞌa ley Ndioxi ya ta̱a ra Moisés, nda ke̱e ñuu Jerusalén, kánaꞌa nda xaꞌa Jesús, káchi nda saa: ―Ndee kiti Beelzebú, kiti nǎꞌa ínuu nuu ndiꞌi tachi nduvaꞌa, ndee ri ikán kua kúu mií ra táva ra tachi nduvaꞌa kúu mií naꞌa ―káchi nda.

San Marcos 3:22 Referans Kwoze

San Mateo 15:1

Saa ndi̱xaa sava nda fariseo xiꞌin nda maestro, nda sínaꞌa ley Ndioxi, nda ke̱e ñuu Jerusalén. Ndi̱xaa nda ndákan tuꞌun nda Jesús, káchi nda saa:

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 12:24

Saa xi̱ni soꞌo nda fariseo ya ndi̱kaꞌan na ikán, ta xa̱á nda káꞌan nda, káchi nda saa: ―Xiꞌin ndee kiti Belzebú, kiti ínuu nuu ndiꞌi tachi nduvaꞌa íyo xiꞌin va ra kua táva ra tachi nduvaꞌa kúu mií naꞌa ―káchi nda fariseo.

San Mateo 9:34

Saa tu nda fariseo, nda xi̱ni ya ndu̱vaꞌa ra meꞌme ikán káchi nda saa: ―Xiꞌin ndee kiti nǎꞌa, kiti ínuu nuu ndiꞌi tachi nduvaꞌa va ta̱va ra tachi kúu mií ra yóꞌó ―káchi nda.

San Juan 7:20

Saa ndi̱kuiin ndiꞌi na káꞌan na, káchi na saa: ―Tachi nduvaꞌa kúu mií un. ¿Unku na káꞌan kaꞌni yóꞌo̱ ra? ―káchi na xiꞌin ra.

San Juan 8:52

Saa ndi̱kuiin nda naꞌnu nuu na judío, káꞌan nda, káchi nda saa: ―Ya ndaa ni ndixa káꞌan nde xiꞌin un, kúu mií un tachi nduvaꞌa. Chi ra Abraham ta ndi̱xiꞌi ra, ta saa ndi̱xiꞌi ndiꞌi tu nda ndi̱kaꞌan ndoso tuꞌun yuꞌu Ndioxi va, ta yóꞌo̱ káꞌan un: “Ndiꞌi na xáa súvi tuꞌun ya káꞌan i ta küvi na”, káchi un.

San Juan 8:48

Saa ndi̱kaꞌan nda naꞌnu nuu na judío xiꞌin ra káchi nda saa: ―Xíni vaꞌa nde ndi̱kaꞌan nde xiꞌin un ya ke̱e un ñuu Samaria, ta kúu mií un tachi nduvaꞌa ―káchi nda xiꞌin ra.

San Lucas 11:15

Sava na xa̱á kánaꞌa na xaꞌa Jesús, káchi na saa: ―Xiꞌin ndee kiti nǎꞌa, kiti náni Beelzebú kiti chee nuu ndiꞌi tachi nduvaꞌa, xiꞌin ndee ri ikán kua ta̱va ra tachi nduvaꞌa ya ndo̱ꞌo ra yóꞌó ―káchi na.

San Marcos 7:1

Saa ku̱u iin ichí ndi̱xaa nda fariseo xiꞌin sava nda maestro nda sínaꞌa ley Ndioxi, nda ke̱e ñuu Jerusalén, ndi̱xaa nda nuu Jesús.

San Mateo 11:18

Tá kuꞌva íin na vali yóꞌó, saa íin ndo, saa chi ki̱xi ra Juan ta ni köo ndi̱xixi vaꞌa ra, ni vinu köo ndi̱xiꞌi ra, ta káꞌan ndo xaꞌa ra kúu mií ra tachi nduvaꞌa.

San Juan 10:22

Saa ti̱ndaa yoo vixin ni, ta tiempo ikán kua ndítava na judío viko ñuu na Jerusalén, nuu ndíkaꞌán ini na kivi si̱xinu xii na veꞌe ñuꞌu ta ndi̱taxi na ya ndaꞌa Ndioxi.

San Lucas 5:17

Iin kivi íyo Jesús sínaꞌa ra naꞌa, ta ndóo sava nda fariseo xiꞌin nda ndíchi ni, nda sínaꞌa ley Ndioxi ya ta̱a ra Moisés. Ta sava nda ke̱e ñuu ya ñúꞌu estado Galilea xiꞌin ñuu Jerusalén tin inka ka ñuu ya ñúꞌu estado Judea, ndóo ndiꞌi nda xíni soꞌo nda ya káꞌan Jesús. Ta kúu mií Jesús ndee Ndioxi ya sindaꞌa ra naꞌa.