San Marcos 2:18 - Xochapa Mixteco

¹⁸ Iin ichí tá xíxi suꞌun nda ítaꞌan xiꞌin ra Juan, ra síkuchi naꞌa, xiꞌin nda ítaꞌan xiꞌin nda fariseo. Ta saa ndi̱xaa sava naꞌa nuu Jesús ndákan tuꞌun ñaꞌa na, káchi na saa: ―Nda ítaꞌan xiꞌin ra Juan xiꞌin nda ítaꞌan xiꞌin nda fariseo, ta xíxi suꞌun nda. ¿Ta ndachu köo xíxi suꞌun nda ítaꞌan xiꞌin yóꞌo̱? ―káchi na xiꞌin ra.

San Marcos 2:18 Referans Kwoze

San Lucas 18:12

Chi uvi kivi xíxi suꞌun i iin semana, ta táxi i xuꞌun i ndaꞌa un. Táva i uxi koo nuu ndiꞌi ya kíꞌin i xáa chiñu i ta tixin iin iin koo ikán táva i iin koo táxi i ndaꞌa un”, káchi ra xiꞌin Ndioxi.

San Mateo 6:18

Täxi ndo kundaa ini naꞌa ya xíxi suꞌun ndo, ndisaa Iva yo ná kundaa ini xíxi suꞌun ndo, saa niꞌi ni ndo ya vaꞌa nuu ra, saa chi ndisaa mií ra xíto ya íkan ndo.

San Mateo 6:16

’Tá xíxi suꞌun ndo, ta sïndikava ndo ini ndo, tá kuꞌva íkan naꞌa, na uvi ini. Saa chi saa íkan na ikán, síndikava na ini na ya kúni na ná kuni naꞌa ya xíxi suꞌun na. Xaꞌa ya íkan na saa ta xa ndi̱niꞌi na ya vaꞌa nuu naꞌa, ta köo ka ya vaꞌa niꞌi na nuu Ndioxi.

ROMANOS 10:3

Täꞌan kundaa ini na ndá kuꞌva kua nduu na, naꞌa na vaꞌa, na köo ka kuachi ku mií nuu Ndioxi. Ta ku̱ni na ikan na ya kúni mií na, süvi tá kuꞌva kúni mií Ndioxi kua.

San Mateo 23:5

Ta ndiꞌi ya yóꞌó íkan nda ya kúni nda ná kuni inka naꞌa ya íkan nda. Saa táa nda tuꞌun Ndioxi nuu tutu vali ta chívaꞌa nda ya ini caja ñii vali. Ñaa kíꞌin nda ya chínuu nda taan nda án chiyo nda. Ta ndása naꞌnu ka nda caja vali nda nuu inka naꞌa, ta nda chilo yuꞌu toto nda nani ni íkan nda ya, íkan nda saa ya kúni nda kuni naꞌa xáa súvi ni nda ya káꞌan Ndioxi.

San Marcos 2:19

Saa ndi̱kuiin Jesús káꞌan ra xiꞌin na: ―Tá kúu na kuaꞌan nuu viko tíndaꞌa, ta köo xíxi suꞌun na, saa chi íyo mií ra tíndaꞌa xiꞌin na. Tá káa ra tíndaꞌa ikán saa íyo yeꞌe xiꞌin nda ítaꞌan xiꞌin i, köo xíxi suꞌun nda saa chi íyo i xiꞌin nda.