San Marcos 2:16 - Xochapa Mixteco

¹⁶ Saa ndóo nda fariseo xiꞌin nda maestro, nda sínaꞌa ley Ndioxi, ta xi̱ni nda ya xíxi Jesús xiꞌin ndiꞌi na ikán, ta saa ndi̱kaꞌan nda xiꞌin nda ítaꞌan xiꞌin ra, káchi nda saa: ―¿Ni väꞌa mií íkan ra maestro ndo chi xíxi ra tin xíꞌi ra xiꞌin ndiꞌi na ñaa? Ta süvi ivi vaꞌa ku na, na íkan ya väꞌa ku ndiꞌi na ―káchi nda.

San Marcos 2:16 Referans Kwoze

San Lucas 19:10

Ta yeꞌe ku Taa ra xa̱a ñuu ivi yóꞌó ta vaxi i nduku i na nda̱ñuꞌu ya sikaku i na ―káchi Jesús.

San Lucas 18:11

Ta ra fariseo ikán káꞌan ra xiꞌin Ndioxi, káchi ra saa: “Tata, táxi ni i tixaꞌvi ndaꞌa un saa chi köo káa i tá káa inka naꞌa, köo kuiꞌna i, ni köo íyo i kuachi xiꞌin inka naꞌa, ni xiꞌin yá síꞌi inka taa köo xíka i, ta ni süvi tá káa ra ndíkaya xuꞌun kuaꞌan ndaꞌa gobierno yóꞌó saa káa i.

1 Corintios 2:15

Sundi yoo ta kúu mií yo Tachi I̱í ra, yakan vaꞌa kúndaa ini yo xaꞌa ya vaꞌa ke̱e nuu ndivi. Ta nda iin naꞌa küvi taxi kuachi xaꞌa yo.

Los Hechos 23:9

Xaꞌa ya ñaa kua xa̱á iin ndá síso káꞌan ndiꞌi nda, saa ndi̱kundita sava nda maestro, nda kíꞌin sata nda fariseo, káꞌan nda saa: ―Köo ñaꞌa ndi̱kan vi ra, án iin tatun ndi̱kaꞌan xiꞌin ra án iin tachi vaꞌa ndi̱kaꞌan xiꞌin ra. Kuenta koo yo chi án sana xiꞌin Ndioxi va káni taꞌan yo ―káchi nda.

San Lucas 19:7

Saa tá xi̱ni inka naꞌa ya i̱kan Jesús xiꞌin ra Zaqueo, ta ñaa xa̱á na kánaꞌa na xaꞌa ra, káchi na saa: ―¿Ndachu kua kuaꞌan ra veꞌe ra yóꞌó?, ta süvi ra vaꞌa ku ra ―káchi na.

HEBREOS 12:3

Ta saa ndóꞌo̱, ndikani vaꞌa ini ndo ndá kuꞌva ndo̱ꞌo Jesús, chi ra ikán ta yáꞌa ni ndee ya ndo̱ꞌo ra i̱kan naꞌa, na ivi kuachi yóꞌó, ta ndi̱xaꞌa ndee ndiꞌi ini ra ndo̱ꞌo ra saa. Xaꞌa ya ñaa kua künaa ndo, ta ni ndïkava ini ndo ya ndíkun ñaꞌa ndo.

San Marcos 2:7

“¿Ndachu káꞌan ra saa? ¿Án Ndioxi ta ndása ra mií ra? Chi káꞌan ra xáa kaꞌnu ini ra xaꞌa kuachi ra yóꞌó. Ta nda iin naꞌa küvi xaa kaꞌnu ini xaꞌa kuachi yo. Iindaa Ndioxi ku ra xáa kaꞌnu ini xaꞌa kuachi na ivi”, káchi nda.

San Mateo 18:17

Tá köo ndíxiin ra kuni soꞌo ra ya káꞌan ndo xiꞌin ra, ta vaꞌa ndituꞌun ndo xiꞌin na veꞌe ñuꞌu xaꞌa ya íkan ra. Tá tu köo ndíxiin ra kuni soꞌo ra ni ya káꞌan na veꞌe ñuꞌu xiꞌin ra, ta kütaꞌan ka ndo xiꞌin ra, vaꞌa ikan ndo tá íkan ndo xiꞌin naꞌa na, na köo xíni Ndioxi án na ndíkaya xuꞌun kuaꞌan ndaꞌa gobierno ñuu Roma.

San Mateo 9:11

Tá xi̱ni nda fariseo na ndóo xíxi xiꞌin ra, saa ndi̱kaꞌan nda xiꞌin nda ítaꞌan xiꞌin ra, káchi nda saa: ―¿Ndachu índuꞌu ra maestro ndo xíxi ra xiꞌin nda ndíkaya xuꞌun tin na íkan ya väꞌa? ―káchi nda fariseo xiꞌin nda.

San Mateo 5:46

Tá tu ndisaa naꞌa na kúꞌvi ini xíni ndóꞌo̱, kúꞌvi ini ndo xíni ndo, ta köo ndáa yaꞌvi ya nuu Ndioxi, chi saa íkan tu naꞌa, na köo xíni ichí Ndioxi va.

San Marcos 2:15

Saa ku̱u iin kivi ta ndi̱xaa Jesús veꞌe ra Leví, saa índuꞌu ra xíxi ra nuu mesa, ta saa ndóo kuaꞌa ni tu na ndíkaya xuꞌun kuaꞌan ñuu Roma va xiꞌin ka inka na íkan ya väꞌa. Ndóo ndiꞌi na ikán nuu mesa nuu índuꞌu Jesús xiꞌin nda ítaꞌan xiꞌin ra, saa chi kuaꞌa ka vi ku na ndíkun ñaꞌa.

San Lucas 5:30

Saa xi̱ni nda fariseo xiꞌin nda maestro nda sínaꞌa ley ya ta̱a ra Moisés ya xíxi Jesús xiꞌin na ikán. Ta ñaa ndi̱kaꞌan nda xiꞌin nda ítaꞌan xiꞌin ra, káchi nda saa: ―¿Ndachu xíxi ndo xiꞌin na ndíkaya xuꞌun nuu gobierno? Ta na väꞌa ku ndiꞌi na ñaa ―káchi nda.