San Marcos 13:10 - Xochapa Mixteco

¹⁰ Chi ndiꞌi ni kúu na ñuu ivi xíniñuꞌu kundaa ini xaꞌa tuꞌun vaꞌa xaꞌa i, saa kua ndiꞌi xaꞌa ñuu ivi yóꞌó.

San Marcos 13:10 Referans Kwoze

San Mateo 24:14

Ta na ndíkun yeꞌe kuꞌun na ndiꞌi ni kúu ñuu ivi kaꞌan ndoso na xiꞌin ndiꞌi naꞌa xaꞌa ichí nuu xáꞌnda chiñu Ndioxi ya ná kundaa ini na xaꞌa tuꞌun vaꞌa xaꞌa i. Tá ná kuu saa, ta saa kua ndiꞌi xaꞌa ñuu ivi yóꞌó.

Colosenses 1:23

Saa nduu ndo tá tu tuun ni kándixa ndo tuꞌun vaꞌa xaꞌa Tata yo Jesucristo tá tu ná sïndikoo ndo tuꞌun ra ya ndee ni teꞌe xi̱ni soꞌo ndo. Ta xa ndiꞌi ni kúu xaꞌa ñuu ivi xi̱ni soꞌo na xaꞌa tuꞌun ra, taꞌan ya ikán kua káꞌan ndoso yeꞌe Pablo.

El Apocalipsis 14:6

Saa xi̱ni i inka tatun Ndioxi ndáchi ya xíka ya nuu ndivi. Ta káꞌan ndoso tatun ikán tuꞌun vaꞌa xiꞌin na ndóo ndiꞌi saa kúu xaꞌa ñuu ivi tin na ndóo ñuu vali xiꞌin na ndóo ñuu naꞌnu xiꞌin na káꞌan ndiꞌi ni kúu nuu tuꞌun.

Colosenses 1:6

Ta tuꞌun yóꞌó kua xa ndi̱xaa nuu ndo, ta xa kuaꞌa ni naꞌa kúndaa ini xaꞌa ya ndiꞌi ni kúu ñaꞌñu. Ta vaꞌa ni íkan ya xiꞌin na chi ndísama ya na, saa ndúkuaꞌa ka na kúndaa ini xaꞌa ya. Ta saa tu ndóꞌo̱ va, nda tá xi̱ni soꞌo ndo ya, saa ku̱ndaa ini ndo xaꞌa ya ndaa, ya ndee ni kúꞌvi ini Ndioxi xíni ra ndóꞌo̱.

ROMANOS 10:18

Sundi yeꞌe, ndákan tuꞌun i mií i, káchi i, ¿án sana köo ndi̱xini soꞌo na Israel tuꞌun Ndioxi? káchi i. ¡Ta süvi saa íyo ya! Chi xa xi̱ni soꞌo va na ya. Saa chi iin ñaꞌñu nuu tuꞌun Ndioxi ya ta̱a na xinaꞌa, káchi ya saa: Xa ndi̱xita niꞌnu ndiꞌi tuꞌun Ndioxi nuu na ñuu ivi, xa ndi̱xaa tuꞌun ra ndiꞌi ni kúu xaꞌa ñuu ivi, káchi ya.

San Marcos 16:15

Saa ndi̱kaꞌan ra xiꞌin nda, káchi ra saa: ―Kuáꞌan ndo ndiꞌi ni kúu xaꞌa ñuu ivi, ta kaꞌan ndoso ndo tuꞌun vaꞌa xaꞌa i xiꞌin ndiꞌi ni kúu naꞌa.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

ROMANOS 1:8

Xiꞌna kúni i kaꞌan i xiꞌin ndo tuꞌun yóꞌó: tixin ichí Jesucristo káꞌan i xiꞌin Ndioxi, táxi ni i tixaꞌvi ndaꞌa ra xaꞌa ndo. Saa chi ndee ni kándixa ndo Jesucristo yakan ndiꞌi ni kúu ñuu xíni soꞌo na tuꞌun vaꞌa xaꞌa ndo.

San Mateo 12:41

Tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndikuita na ñuu Nínive taxi na kuachi xaꞌa ndóꞌo̱ ndóo tiempo vitin. Saa chi na ikán ta ndi̱nama na kuꞌva íyo na, ta ndi̱kundikun na ichí Ndioxi kivi xi̱ni soꞌo na tuꞌun Ndioxi ya ndi̱kaꞌan ra Jonás xiꞌin na. Ta ndóꞌo̱ köo xíin ndo kuni soꞌo ndo ya káꞌan i xiꞌin ndo, ta chee ka yeꞌe nuu ra Jonás.