San Marcos 10:15 - Xochapa Mixteco

¹⁵ Ya ndaa káꞌan i xiꞌin ndo, tá köo xíin ndo xaa ni̱nu̱ ndo mií ndo nuu Ndioxi tá kuꞌva íyo ini na vali yóꞌó, ta küchiñu ndo kiꞌvi ndo koo ndo nuu xáꞌnda chiñu Ndioxi ―káchi ra xiꞌin nda.

San Marcos 10:15 Referans Kwoze

San Mateo 18:3

saa ndi̱kaꞌan ra xiꞌin nda, káchi ra saa: ―Ya ndixa káꞌan i xiꞌin ndo, tá tu köo ndíko ini ndo nduu ndo tá íyo ini na vali, ta küchiñu ndo kiꞌvi ndo koo ndo nuu xáꞌnda chiñu Ndioxi.

San Lucas 18:17

Ya ndaa káꞌan i xiꞌin ndo, tá xïin ndo kandixa ndo tá kuꞌva kándixa na vali yóꞌó, ta küchiñu ndo kiꞌvi ndo nuu xáꞌnda chiñu Ndioxi ―káchi Jesús.

San Mateo 19:14

Saa ndi̱kaꞌan Jesús, káchi ra saa: ―Taxi ndo ná kixi na vali nuu i, ta käsi ndo nuu na, chi na ndíkun ichí nuu xáꞌnda chiñu Ndioxi, ta tá íin na vali yóꞌó saa íin na ―káchi ra.

1 Corintios 14:20

Ñani yo, vaꞌa ndikani ini ndo tá kuꞌva ndíkani ini naꞌa, na xa xuxa ini, ta ndïkani ini ndo tá kuꞌva ndíkani ini na vali xaꞌa ñaꞌa ya káꞌan i xiꞌin ndo. Ndisaa nuu ya väꞌa ná koo naá ni ini ndo tá kuꞌva naá ni nuu na vali nuu ya väꞌa, saa ná koo ndo.

1 Pedro 2:2

Koo ndo tá kuꞌva íin na vali, na sikan ka̱ku, na ndee ni káꞌun ini ta kúni ni na chichin na, kuꞌva saa xíniñuꞌu ndo nduku ni ndo nina tuꞌun ya vaꞌa, ya kúu tuꞌun Tata yo, saa kua nduu ndo na ndinuꞌu ni ndíkun ichí ra, ya kaku ndo.