San Lucas 9:28 - Xochapa Mixteco

²⁸ Tá ndi̱kaꞌan ra tuꞌun ikán xiꞌin na, saa ndi̱yaꞌa una kivi ta ke̱e ra kuaꞌan ra iin iku kaꞌan ra xiꞌin Ndioxi. Saa ndi̱kiꞌin ra, ra Pedro tin ra Jacobo xiꞌin inka ra Juan, kuaꞌan nda xiꞌin ra kaꞌan ra xiꞌin Ndioxi.

San Lucas 9:28 Referans Kwoze

San Lucas 6:12

Iin kivi ikán ke̱e Jesús kuaꞌan ra iin iku kaꞌan ra xiꞌin Ndioxi, ta iniun ñǔu ndi̱kaꞌan ra xiꞌin Ndioxi.

San Lucas 9:18

Iin kivi íyo síin mií Jesús káꞌan ra xiꞌin Ndioxi, ta saa ndóo nda ítaꞌan xiꞌin ra yati ikán, ñaa ndi̱ndakan tuꞌun ñaꞌa ra, káchi ra saa: ―¿Unku yeꞌe, káchi naꞌa xaꞌa i? ―káchi ra xiꞌin nda.

San Lucas 8:51

Saa ke̱e Jesús ndi̱xaa ra veꞌe ra Jairo, ta köo ndi̱taxi ra kiꞌvi ndiꞌi naꞌa xiꞌin ra cuarto nuu kánduꞌu yá loꞌo ikán. Ndisaa siꞌí yá tin iva yá xiꞌin ra Pedro, xiꞌin inka ra Juan, inka ra Jacobo, nda ítaꞌan xiꞌin ra, ndisaa na ikán ku na ndi̱kee xiꞌin ra.

San Marcos 6:46

Tá si̱ndiꞌi nda̱i ndiꞌi ra na saa ndi̱kiꞌin na kuaꞌan na, ta saa nda̱a ra iku káꞌan ra xiꞌin Ndioxi.

San Marcos 1:35

Xitaan ni tá täꞌan tuvi, saa ndi̱koo Jesús kuaꞌan ra iin ñaꞌñu nuu köo nda iin naꞌa. Kuaꞌan ra kaꞌan ra xiꞌin Ndioxi.

HEBREOS 5:7

Kivi ndi̱xiyo Cristo ñuu ivi yóꞌo̱ ta ndee ni xa̱ku ndaꞌvi ra nuu Ndioxi, káꞌan ndaꞌvi ra xiꞌin Ndioxi, saa chi xíni ra iindaa mií Ndioxi ku ra kúu mií ndee ya sikaku ñaꞌa ra, ya ná ndöo ra ndikaa ra ndaꞌa ndìì ya xáꞌni naꞌa. Ta xaꞌa ya xa̱a súvi ni ra ya ndi̱kaꞌan Ndioxi xiꞌin ra, saa ndaꞌvi ni ndo̱ꞌo ra nuu Ndioxi, xaꞌa ya ikán kua xi̱ni soꞌo Ndioxi ya ndi̱kaꞌan ra xiꞌin ra.

2 Corintios 13:1

Xa yati ni tindaa kivi ya xaa i koto i ndóꞌo̱, ta ichí uni kua xaa i nuu ndo. Yakan ndikaꞌán ini ndo tá kuꞌva káꞌan tuꞌun Ndioxi: “Ná koo uvi án uni naꞌa, na ndíkuiin xaꞌa kuachi ndóꞌo ndo, ta saa kua vaꞌa kuchiñu kunani kuachi xiꞌin ndo”.

San Lucas 3:21

Ta yachi tá täꞌan kuꞌun ra Juan veꞌe kàà, kuaꞌa ni naꞌa si̱kuchi ra, saa si̱kuchi tu ra Jesús va. Tá chíchi Jesús, ta xa̱á ra káꞌan ra xiꞌin Ndioxi, ñaa ndi̱xuna nuu ndivi.

San Mateo 5:1

Tá xi̱ni Jesús ndi̱xaa kuaꞌa ni naꞌa, saa nda̱a ra ndi̱kunduꞌu ra nuu iin xiki, ñaa ku̱yati nda ítaꞌan xiꞌin ra nuu ra, ya kuni soꞌo nda ya káꞌan ra.

San Mateo 14:23

Tá ndiꞌi nda̱i ra na, saa nda̱a ra nuu xiki kaꞌan ra xiꞌin Ndioxi. Ikán íyo iindaa mií ra káꞌan ra xiꞌin Ndioxi nda tá ku̱ñuu.

San Lucas 5:16

Ta kuaꞌa ni ichí ku̱xika ra nuu naꞌa, kuaꞌan ra iku yuyu nuu köo nda iin naꞌa, ikán káꞌan ra xiꞌin Ndioxi.

San Juan 6:3

Saa nda̱a Jesús nuu xiki, ta ikán ndi̱kunduꞌu ra xiꞌin nda ítaꞌan xiꞌin ra.

2 Pedro 1:16

Ta xa ndi̱tuꞌun nde xiꞌin ndo, si̱naꞌa nde ndóꞌo̱ xaꞌa ndee ya kúu mií Tata yo Jesucristo xiꞌin ya ndiko koo ra kixi tuku ra ñuu ivi yóꞌó, ta ya ndaa ni kua ndi̱kaꞌan nde xiꞌin ndo, süvi kuento vata kua ndi̱tuꞌun nde xiꞌin ndo. Chi ndeꞌe ta xi̱ni xiꞌin nuu mií nde ndee chee ni kúu mií ra.