San Lucas 7:37 - Xochapa Mixteco

³⁷ Saa íyo iin ñaꞌa yá ñuu ikán, ta ínuu väꞌa ni tuꞌun yá. Tá ku̱ndaa ini yá ndi̱xaa Jesús kuxi ra veꞌe ra Simón, ta ke̱e yá kuaꞌan yá xiꞌin nduta tami xáꞌan, chútu ndaa rá ini iin yuyu kuaꞌan xiꞌin yá.

San Lucas 7:37 Referans Kwoze

San Lucas 5:32

Ta yeꞌe växi i chindee i na vaꞌa, na köo kuachi. Na íyo kuachi ku na vaxi i chindee i, ya ná ndiko koo ini na kuꞌun na ichí Ndioxi ―káchi ra xiꞌin nda.

San Mateo 21:31

Ta vitin, ¿unkua túvi ndóꞌo̱? ¿Unku seꞌe ra yóꞌó xa̱a súvi ya ndi̱kaꞌan ra? ―káchi Jesús. Saa ndi̱kuiin na káꞌan na: ―Ra núnu̱ú ku ra xa̱a súvi chiñu ya kúni iva ra ―káchi na. Saa ndi̱kaꞌan Jesús xiꞌin na, káchi ra: ―Ya ndaa káꞌan i xiꞌin ndo, naꞌa na ndíkaya xuꞌun nuu gobierno ñuu Roma xiꞌin ná ñaꞌa ná xíko mií, na yóꞌó ku na xiꞌna kuakiꞌvi ichí nuu xáꞌnda chiñu Ndioxi, nuu ndóꞌo̱.

1 Pedro 4:18

Chi saa káꞌan tuꞌun Ndioxi ya ta̱a na xinaꞌa, káchi ya saa: Tá tu uꞌvi ni kua kaku naꞌa, na vaꞌa, na ndíkun ichí Ndioxi. Ta yáꞌa ni ka uꞌvi kundoꞌo naꞌa, na väꞌa, na köo xíin kandixa Ndioxi, káchi tuꞌun ra.

1 Timoteo 1:9

Saa chi yoo ta xíni yo ya vaꞌa ni ku ya, ta köo ndi̱taxi ra ya ndaꞌa ra Moisés xaꞌa naꞌa, na vaꞌa, na kándixa ñaꞌa, xaꞌa naꞌa, na íkan ya väꞌa kua ta̱xi Ndioxi ya, xaꞌa na kini, na iku ini, na köo káñuꞌu Ndioxi ta ni köo xáa súvi na ya káꞌan ra xiꞌin na, na xáꞌni iva siꞌí, xiꞌin na xáꞌni taꞌan,

San Lucas 18:13

Ta inka ra ndíkaya xuꞌun kuaꞌan ndaꞌa gobierno, ndi̱kundichi xika ra, ni köo xáꞌa ndee ini ra ndaniꞌi ra nuu ra, vaꞌa ka ndi̱kuita ndee ra nuu ñuꞌú, tíin ndaa ra xiní ra, káchi ra saa: “Tata Iva yo Ndioxi, kundaꞌvi ini un kuni un yeꞌe, saa chi ra ivi kuachi ku i”, káchi ra ndíchi ra.

San Lucas 5:30

Saa xi̱ni nda fariseo xiꞌin nda maestro nda sínaꞌa ley ya ta̱a ra Moisés ya xíxi Jesús xiꞌin na ikán. Ta ñaa ndi̱kaꞌan nda xiꞌin nda ítaꞌan xiꞌin ra, káchi nda saa: ―¿Ndachu xíxi ndo xiꞌin na ndíkaya xuꞌun nuu gobierno? Ta na väꞌa ku ndiꞌi na ñaa ―káchi nda.

ROMANOS 5:8

Ta süvi saa ndi̱kan Ndioxi, chi si̱naꞌa ra mií ra ya kúꞌvi ni ini ra xíni ra yoo, vani ndee ni káa kuachi yo, ta xaꞌa ya kúꞌvi ni ini ra xíni ra yoo, yakan ti̱ꞌvi ra Jesucristo ki̱xi ra ndi̱xiꞌi ra xaꞌa yo, ni yo ivi kuachi ndi̱xiyo yo.

San Juan 11:2

(Ta yá María, kuꞌva ra, ku yá ndi̱koyo ndee ndiꞌi nduta tami xaꞌan xaꞌa Jesús, ta saa ndi̱yakun yá xaꞌa ra xiꞌin ixi xini yá.)

1 Timoteo 1:15

Ta vaꞌa ná kundaa ini un xiꞌin ya káꞌan i xiꞌin un, chi ya ndaa ni kua, ta ndiꞌi na xíniñuꞌu kundaa ini xaꞌa ya yóꞌó: Chi Tata yo Jesucristo ku ra ki̱xi ñuu ivi yóꞌó ya sikaku ra yo ivi kuachi, ta kúni i káꞌan i xiꞌin un, xiꞌna yeꞌe ku ra ndee ni kuachi íyo nuu ndiꞌi na ivi.

San Juan 9:31

Kúndaa ini yo, Ndioxi ta köo xíni soꞌo ra ya káꞌan na íyo kuachi, sundi na káñuꞌu ni ñaꞌa ta xáa súvi na ya káꞌan ra, na ikán ku na xíni soꞌo ra káꞌan, tá káꞌan na xiꞌin ra.

San Juan 9:24

Saa ka̱na tuku nda naꞌnu nuu na judío ra, ta ndi̱kaꞌan nda xiꞌin ra káchi nda saa: ―Vaꞌa xaa kaꞌnu un Ndioxi xaꞌa ya ndu̱vaꞌa un ndi̱xuna nuu un, chi ndeꞌe ta xíni nde, ra íkan ya väꞌa ku ra si̱ndaꞌa yóꞌo̱ ―káchi nda xiꞌin ra.

San Lucas 19:7

Saa tá xi̱ni inka naꞌa ya i̱kan Jesús xiꞌin ra Zaqueo, ta ñaa xa̱á na kánaꞌa na xaꞌa ra, káchi na saa: ―¿Ndachu kua kuaꞌan ra veꞌe ra yóꞌó?, ta süvi ra vaꞌa ku ra ―káchi na.

San Lucas 7:34

Ta vitin xa̱a yeꞌe, ra vaxi ñuu ivi yóꞌó, xíxi i xiꞌin ndo nuu viko, ta káꞌan ndo xaꞌa i kini ni xíxi i ta xíꞌi ni i vino, saa ítaꞌan i xiꞌin na väꞌa, ta ítaꞌan i xiꞌin na ndíkaya xuꞌun kuaꞌan ndaꞌa gobierno ñuu Roma, káchi ndo xaꞌa i.

San Lucas 7:36

Saa xa̱ku ndaꞌvi ra Simón, ra ítaꞌan xiꞌin na fariseo nuu Jesús ya ná kuꞌun ra kuxi ra xiꞌin ra. Ta saa ke̱e Jesús kuaꞌan ra xiꞌin ra. Ndi̱xaa ra ndi̱kunduꞌu ra nuu mesa veꞌe ra Simón.