San Lucas 7:34 - Xochapa Mixteco

³⁴ Ta vitin xa̱a yeꞌe, ra vaxi ñuu ivi yóꞌó, xíxi i xiꞌin ndo nuu viko, ta káꞌan ndo xaꞌa i kini ni xíxi i ta xíꞌi ni i vino, saa ítaꞌan i xiꞌin na väꞌa, ta ítaꞌan i xiꞌin na ndíkaya xuꞌun kuaꞌan ndaꞌa gobierno ñuu Roma, káchi ndo xaꞌa i.

San Lucas 7:34 Referans Kwoze

San Lucas 15:2

Xaꞌa ya yóꞌó kua káꞌan nda fariseo xiꞌin nda sínaꞌa ley Ndioxi ya ta̱a ra Moisés, káꞌan nda xiꞌin taꞌan nda, káchi nda saa: ―Süvi ra vaꞌa ku ra yóꞌó. ¿Ndachu ítaꞌan ra xiꞌin na íkan ya väꞌa ta xíxi ra xiꞌin na? ―káchi nda.

San Juan 12:2

Saa ndi̱xaa Jesús veꞌe ikán nuu xa̱a vií na kuxini ra, ta yá Marta kua chíkaa ñaꞌa kuxi nda, ta índuꞌu ra Lázaro nuu mesa xiꞌin Jesús, saa ndóo ka inka nda.

San Lucas 19:7

Saa tá xi̱ni inka naꞌa ya i̱kan Jesús xiꞌin ra Zaqueo, ta ñaa xa̱á na kánaꞌa na xaꞌa ra, káchi na saa: ―¿Ndachu kua kuaꞌan ra veꞌe ra yóꞌó?, ta süvi ra vaꞌa ku ra ―káchi na.

San Lucas 14:1

Saa ku̱u iin ichí kivi ndíkundee na, ke̱e Jesús kuaꞌan ra kuxi ra veꞌe iin ra chiñu kaꞌnu, ta ra fariseo ku ra. Saa ndóo inka nda fariseo xínani ni nda Jesús unkua ikan ra.

San Lucas 7:36

Saa xa̱ku ndaꞌvi ra Simón, ra ítaꞌan xiꞌin na fariseo nuu Jesús ya ná kuꞌun ra kuxi ra xiꞌin ra. Ta saa ke̱e Jesús kuaꞌan ra xiꞌin ra. Ndi̱xaa ra ndi̱kunduꞌu ra nuu mesa veꞌe ra Simón.

San Lucas 5:29

Sindiꞌi saa xa̱kin ra viko veꞌe ra, ta saa ka̱na ndiꞌi ra na xíni taꞌan xiꞌin ra, na ndíkaya xuꞌun nuu gobierno, ta ka̱na tu ra inka va na, ndi̱xaa na ndóo na xíxi na nuu mesa ra.

San Mateo 9:11

Tá xi̱ni nda fariseo na ndóo xíxi xiꞌin ra, saa ndi̱kaꞌan nda xiꞌin nda ítaꞌan xiꞌin ra, káchi nda saa: ―¿Ndachu índuꞌu ra maestro ndo xíxi ra xiꞌin nda ndíkaya xuꞌun tin na íkan ya väꞌa? ―káchi nda fariseo xiꞌin nda.

San Juan 2:2

Saa tu mií va ra ka̱na na ra kuaꞌan ra nuu viko ikán xiꞌin nda ítaꞌan xiꞌin ra.

San Lucas 11:37

Tá si̱ndiꞌi Jesús ndi̱kaꞌan ra, ta ke̱ta iin ra fariseo ndi̱kaꞌan ra xiꞌin ra ya kuꞌun ra xiꞌin ra veꞌe ra kuxi ra. Ta saa ke̱e Jesús kuaꞌan ra xiꞌin ra, ndi̱xaa ra ndi̱kunduꞌu koo ra yuꞌu mesa veꞌe ra fariseo ikán.

San Mateo 5:46

Tá tu ndisaa naꞌa na kúꞌvi ini xíni ndóꞌo̱, kúꞌvi ini ndo xíni ndo, ta köo ndáa yaꞌvi ya nuu Ndioxi, chi saa íkan tu naꞌa, na köo xíni ichí Ndioxi va.

San Mateo 11:19

Ta yeꞌe Taa ra xa̱a ñuu ivi yóꞌo, xíxi vaꞌa i ta xíꞌi i vinu. Ta káꞌan ndo xaꞌa i kini ni xíxi i tin xíꞌi i, saa kútoo ni i koo migo i naꞌa, na ndíkaya xuꞌun nuu gobierno, xiꞌin na köo káñuꞌu Ndioxi, káchi ndo xaꞌa i. Ta ndiꞌi na kúu mií ya ndíchi vaxi nuu Ndioxi, na yóꞌó ku na íkan ya vaꞌa ―káchi Jesús xiꞌin na.

San Lucas 7:33

Chi ki̱xi ra Juan, ra síkuchi naꞌa, ta ni köo ndi̱xixi vaꞌa ra, ni köo ndi̱xiꞌi ra vinu, ta káꞌan ndo xaꞌa ra tachi nduvaꞌa kúu mií ra, káchi ndo.

San Lucas 7:35

Sundi na ndíkiꞌin vaꞌa ya ndíchi táxi Ndioxi ku na sínaꞌa ya kúu na seꞌe ra ―káchi Jesús xiꞌin na.