San Lucas 7:33 - Xochapa Mixteco

³³ Chi ki̱xi ra Juan, ra síkuchi naꞌa, ta ni köo ndi̱xixi vaꞌa ra, ni köo ndi̱xiꞌi ra vinu, ta káꞌan ndo xaꞌa ra tachi nduvaꞌa kúu mií ra, káchi ndo.

San Lucas 7:33 Referans Kwoze

San Lucas 1:15

Saa chi chee ni koo ra loꞌo ikán nuu Ndioxi. Ni köꞌo ra ndixi ni vinu köꞌo ra, nditaxi ndiꞌi ra mií ra ndaꞌa Ndioxi. Nda tá kivi ñúꞌu ra tixin siꞌí ra ta koo ndee Tachi I̱í Ndioxi xiꞌin ra.

San Marcos 1:6

Ta ndíxi ra Juan toto ya ndi̱kuaꞌa xiꞌin ixi kiti camello, saa núꞌni ñii toko ra, ta xíxi ra kiti tika ndiama tin ñuñu iku.

Los Hechos 2:13

Sundi sava nda ta xáku ndaa ni ñaꞌa nda, káchi nda saa: ―Na xíꞌi va ku na ñaa, ta ndi̱xini ni na, yakan íkan na saa ―káchi nda.

San Juan 10:20

Kuaꞌa ni na káꞌan, káchi na saa: ―Küni soꞌo ndo ya káꞌan ra, tachi nduvaꞌa kúu mií ra yakan ndu̱kiꞌvi ra ―káchi na.

San Juan 8:52

Saa ndi̱kuiin nda naꞌnu nuu na judío, káꞌan nda, káchi nda saa: ―Ya ndaa ni ndixa káꞌan nde xiꞌin un, kúu mií un tachi nduvaꞌa. Chi ra Abraham ta ndi̱xiꞌi ra, ta saa ndi̱xiꞌi ndiꞌi tu nda ndi̱kaꞌan ndoso tuꞌun yuꞌu Ndioxi va, ta yóꞌo̱ káꞌan un: “Ndiꞌi na xáa súvi tuꞌun ya káꞌan i ta küvi na”, káchi un.

San Juan 8:48

Saa ndi̱kaꞌan nda naꞌnu nuu na judío xiꞌin ra káchi nda saa: ―Xíni vaꞌa nde ndi̱kaꞌan nde xiꞌin un ya ke̱e un ñuu Samaria, ta kúu mií un tachi nduvaꞌa ―káchi nda xiꞌin ra.

San Mateo 3:4

Ta ndíxi ra Juan toto ndi̱kuaꞌa xiꞌin ixi kiti camello, saa ndíkaa ñii toko ra, ta xi̱taku ra xiꞌin tika ndiama tin ñuñu iku.

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 3:1

Saa ku̱u ndi̱yaꞌa kuiya ya xa̱ꞌnu Jesús, ta ndi̱xaa ra Juan, ra síkuchi naꞌa, ndi̱xaa ra nuu íyo iku yuyu ñuu estado Judea, káꞌan ndoso ra tuꞌun Ndioxi.

San Lucas 7:32

Ta saa ndi̱kaꞌan ra xiꞌin na, káchi ra saa: ―Ná kaꞌan i xiꞌin ndo ndá kuꞌva íin na. Tá íin na vali na sísiki, ta káꞌan na xiꞌin taꞌan na: “Si̱kaꞌa nde itun tilali ta köo ndi̱xiin ndo tixaꞌa ndo, saa xi̱ta nde yaa ndaꞌvi kuaꞌan, ta köo ndi̱xaku ndo”, káchi ra.

San Lucas 7:34

Ta vitin xa̱a yeꞌe, ra vaxi ñuu ivi yóꞌó, xíxi i xiꞌin ndo nuu viko, ta káꞌan ndo xaꞌa i kini ni xíxi i ta xíꞌi ni i vino, saa ítaꞌan i xiꞌin na väꞌa, ta ítaꞌan i xiꞌin na ndíkaya xuꞌun kuaꞌan ndaꞌa gobierno ñuu Roma, káchi ndo xaꞌa i.