San Lucas 3:2 - Xochapa Mixteco

² Ta ra Anás xiꞌin ra Caifás ku nda ndi̱xiyo sutu nda naꞌnu nuu ndiꞌi sutu ñuu Israel. Suvi tiempo nuu ku̱u ndiꞌi nda ikán chiñu kua ndi̱kaꞌan Ndioxi xiꞌin ra Juan, seꞌe ra Zacarías iku yuyu.

San Lucas 3:2 Referans Kwoze

Los Hechos 4:6

Ikán íin ra Anás, ra ínuu nuu ndiꞌi nda sutu, xiꞌin ra Caifás tin ra Juan xiꞌin ra Alejandro, inka nda veꞌe sutu nda naꞌnu.

San Juan 18:24

Saa ti̱ꞌvi ra Anás Jesús kuaꞌan ra nuu ra Caifás, ra ínuu nuu ndiꞌi sutu. Ta núꞌni Jesús kuaꞌan ra nuu ra ikán.

San Lucas 1:80

Saa xáꞌnu ka ra loꞌo Juan ndúndee ka ra xiꞌin ndee Ndioxi, ta xíka ra iku yuyu. Ndiꞌi saa kivi ndi̱xika ra iku yuyu nda kivi tá si̱naꞌa ra mií ra nuu na ñuu ra, na Israel.

San Juan 1:23

Saa ndi̱kuiin ra káꞌan ra: ―Yeꞌe ku ra ti̱ꞌvi Ndioxi vaxi i xíka i káꞌan i iku yuyu káchi i saa: “Xaa vií ndo nima ndo nuu Ndioxi”. Tá kuꞌva íyo ya ta̱a ra Isaías ra ndi̱kaꞌan ndoso tuꞌun yuꞌu Ndioxi xinaꞌa ―káchi ra Juan xiꞌin nda.

San Mateo 26:3

Ta suvi mií tiempo ikán íyo nda sutu naꞌnu nuu sutu xiꞌin nda sínaꞌa ley Ndioxi xiꞌin na xikuaꞌa nuu na judío, ndi̱kitaꞌan ndiꞌi na yeꞌe veꞌe ra Caifás, ra kaꞌnu nuu ndiꞌi sutu.

San Mateo 11:7

Saa ka̱na koo nda ikán kuaꞌan nda, ta xa̱á Jesús káꞌan ra xaꞌa ra Juan xiꞌin na ndóo ikán, káchi ra saa: ―Tá ndi̱xaꞌan ndo xi̱to ndo ra Juan iku yuyu, ¿ta unkua ndi̱kani ini ndo kuni ndo? ¿Án ndi̱kani ini ndo kuni ndo iin taa ra vita ni ini, ta iin ndíko koo mií ra tá kuꞌva ndóꞌo itun ndoo tá vaxi tachi?

San Marcos 1:2

Tá íyo ya ta̱a ra Isaías, ra, ndi̱kaꞌan ndoso tuꞌun yuꞌu Ndioxi xinaꞌa ya ndi̱kaꞌan Ndioxi xiꞌin ra, nuu káchi Ndioxi saa xiꞌin Jesucristo: Tiꞌvi i iin ra káꞌan ndoso tuꞌun i, kunuu ra kuꞌun ra nuu un, tá káa ra xáa vií ichí saa koo ra, kaꞌan ndoso ra xaꞌa un xiꞌin na ñuu ivi.