San Lucas 23:5 - Xochapa Mixteco

⁵ Ñaa iin káchi ndi̱kuiin ndiꞌi na káꞌan na xiꞌin ra Pilato, káchi na saa: ―Ra chúꞌun naꞌa ku ra ñaa, ta chíkaa ra yuꞌu na ya kanitaꞌan na xiꞌin na chiñu. Ndiꞌi ni kúu ñuu estado Galilea xiꞌin estado Judea ndi̱xika ra sínaꞌa ra, ta vitin nda ñuu Jerusalén yóꞌó xa̱a ra íkan ra saa ―káchi na xiꞌin ra Pilato.

San Lucas 23:5 Referans Kwoze

San Juan 2:11

Yatuꞌun yóꞌó ku ya núnu̱ú i̱kan Jesús ñuu Caná, estado Galilea. Xaꞌa ya i̱kan ra ya yóꞌó ta si̱naꞌa ra naꞌa ya ndee ni ndee kúu mií ra. Ta ka̱ndixa ñaꞌa nda ítaꞌan xiꞌin ra.

San Juan 1:43

Ta ndi̱tuvi inka kivi ku̱ni Jesús kuꞌun ra estado Galilea, ta saa ndi̱taꞌan ra, ra Felipe. Ta ndi̱kaꞌan ra xiꞌin ra, káchi ra saa: ―Naꞌa koꞌyo xiꞌin i ―káchi Jesús xiꞌin ra.

San Marcos 1:14

Sindiꞌi tá chi̱kaa ra Herodes ra Juan veꞌe kàà, saa ke̱e Jesús kuaꞌan ra estado Galilea kaꞌan ra tuꞌun vaꞌa xaꞌa Ndioxi ndá kuꞌva kua kaꞌnda chiñu ra.

San Mateo 4:23

Saa xíka Jesús ndiꞌi ni kúu ñuu ya ñúꞌu estado Galilea, ta sínaꞌa ra ini veꞌe ñuꞌu sinagoga, saa káꞌan ndoso ra tuꞌun vaꞌa xaꞌa ichí ya xáꞌnda chiñu Ndioxi, ta si̱ndaꞌa ra naꞌa, na ndee ndóꞌo̱ xiꞌin ndiꞌi saa nuu kueꞌe.

Los Hechos 23:10

Saa xa̱á xáa ndee nda xaꞌa ya, nda yati kani taꞌan nda. Ñaa xa̱á íꞌvi va mií ra ndíso chiñu xiꞌin nda lapa ikán, chi ìyo sikuachi vali nda ikin kuñu ra Pablo káꞌán ra. Xaꞌa ya ikán kua xa̱ꞌnda ra chiñu ya tava nda lapa ra kuꞌun ra xiꞌin nda ini cuartel.

Los Hechos 10:37

Saa káꞌan ka ra xiꞌin na, káchi ra saa: ―Xa ku̱ndaa va ini mií ndo unkua ku̱u ndiꞌi ni kúu ñuu ya ndíkun ndaa estado Judea chi xa ndi̱xita ndiꞌi va tuꞌun xaꞌa Jesús ra ñuu Nazaret, saa xa̱á káꞌan ndoso ra tuꞌun Ndioxi ñuu Galilea. Ta ndiꞌi ya yóꞌó ku̱u tá si̱ndiꞌi ra Juan si̱kuchi ra naꞌa.

Los Hechos 7:57

Tá xi̱ni soꞌo na xa̱á káꞌan ra ta ndi̱kasi ndaꞌa na soꞌo na ya köo kúni na kuni soꞌo na ya káꞌan ra. Ñaa ndee ka vi ndi̱ndaꞌi koꞌo ndiꞌi na, ta iin ndi̱katin na ti̱in na ra.

Los Hechos 7:54

Tá xi̱ni soꞌo na ya ndi̱kaꞌan ra Esteban xiꞌin na ta kini ni ndi̱saa na xiꞌin ra, ndakua ndíkaxi nuꞌu na xíto na nuu ra.

Los Hechos 5:33

Ñaa tá xi̱ni soꞌo na chiñu ya ndi̱kaꞌan ra ta ndi̱saa ni na, xa̱á kúni kaꞌni na nda.

San Juan 19:15

Saa ndee ni ndikuiin na, káchi na saa: ―¡Ná kuvi ra! ¡Ná kuvi ra! ¡Chinuu ndo ra nuu cruzin! ―káchi na. Saa ndi̱kaꞌan ra Pilato xiꞌin na, káchi ra saa: ―¿Án kúni ndo ya chinuu i rey ndo nuu cruzin? ―káchi ra xiꞌin na. Saa ndi̱kuiin nda naꞌnu nuu sutu, káchi nda saa: ―¡Köo ka inka rey kúu mií nde, iindaa ra rey César ku rey nuu nde! ―káchi nda.

San Juan 7:52

Saa ndi̱kuiin nda káꞌan nda: ―¿Án taꞌan ra ikán ku tu yóꞌo̱ va? Xíniñuꞌu un kaꞌvi vaꞌa un tuꞌun Ndioxi saa kua kundaa ini un, chi nda iin na káꞌan ndoso tuꞌun yuꞌu Ndioxi, ta köo na kée nda iin ñuu ya ñúꞌu estado Galilea ―káchi nda xiꞌin ra.

San Juan 7:41

Ta sava na káꞌan: ―Cristo ra ti̱ꞌvi Ndioxi vaxi ku ra ―káchi na. Ta sava tuku na káꞌan: ―Süvi Cristo ku ra, köo xíni yo kixi iin ra chee, ra kúu Cristo chí estado Galilea.

San Lucas 23:23

Ta ni köo ndi̱xiin na, ndinuni loꞌo ndáꞌi koꞌo na nuu ra. Iin tuun káꞌan na xiꞌin ra ya ná chinuu ra Jesús ndaꞌa itun cruzin. Ñaa ta ndakua ndi̱xinu ndixa yuꞌu na xiꞌin nda sutu naꞌnu nuu sutu.

San Lucas 11:53

Ta saa ke̱ta ra kuaꞌan ra, ñaa ndi̱saa ni nda fariseo xiꞌin nda maestro nda sínaꞌa ya ta̱a ra Moisés, ñaa xa̱á nda kéꞌe ka nda ra,

San Mateo 27:24

Saa xi̱ni ra Pilato ya köo xíni soꞌo na ya káꞌan ra, ñaa xa̱á ndi̱siso vaꞌa ka na. Ñaa xa̱ꞌnda ra chiñu taxi na tikuii ndaꞌa ra. Saa ndi̱kata ra ndaꞌa ra nuu ndiꞌi na, káchi ra saa: ―Köo ndíso i kuachi xaꞌa ra yóꞌó, ra vaꞌa ku ra, ta koto ka mií ndo xiꞌin ra ―káchi ra xiꞌin na.

San Mateo 2:1

Tá ka̱ku Jesús ñuu Belén ya ndíkaa estado Judea, ta ra Herodes ku ra ndi̱xiyo rey nuu na. Ta tiempo ikán ndi̱xaa nda ndíchi, nda ndíkuni kimi ñuu Jerusalén, ta ki̱xi nda chí nuu kéta ñu̱ꞌù vaxi ya.

San Mateo 11:1

Tá si̱ndiꞌi Jesús ta̱xi ra ichí nuu uxi uvi saa nda ítaꞌan xiꞌin ra, saa ke̱e ra kuaꞌan ra sinaꞌa ra tin kaꞌan ndoso ra xiꞌin na ndóo mií ñuu ya ñúꞌu Galilea.

San Lucas 23:6

Saa tá xi̱ni soꞌo ra Pilato tuꞌun ya ndi̱kaꞌan na xaꞌa Jesús, ya ke̱e ra ñuu Galilea, saa ndi̱ndakan tuꞌun ra, án ra ke̱e ñuu Galilea ku ra.