San Lucas 22:42 - Xochapa Mixteco42 káchi ra saa: ―Tata Iva yo Ndioxi, tá tu kúni un ta täxi un tixuꞌvi i, sundi ïkan un ya káꞌan i xiꞌin un, ikan un ya kúni mií un xiꞌin i ―káchi ra xiꞌin Ndioxi. Gade chapit la |
Saa ndi̱kuiin Jesús káꞌan ra xiꞌin yá, káchi ra saa: ―Nana, ni köo kúndaa ini ndo unkua ndúku ndo nuu i. ¿Án kuchiñu ndo koꞌo ndo vaso nuu koꞌo i ta kuchi ndo tá kuꞌva kuchi i? ¿Án xáꞌa ndee ini ndo ndoꞌo ndo xiꞌin i? Chi yeꞌe ta yáꞌa ni vi ndee tixuꞌvi i? ―káchi ra xiꞌin nda. Saa ndi̱kuiin nda, káꞌan nda: ―Kuchiñu va nde, Tata ―káchi nda xiꞌin ra.
Ta ndi̱kaꞌan ka ra xiꞌin nda, káchi ra saa: ―Yeꞌe ta süvi xiꞌin ichí mií i kua xáa nani i kuachi naꞌa, tá íyo ya xíni soꞌo i saa íyo ya íkan i xiꞌin na, xiꞌin ya ndaa xáa nani i kuachi na, chi süvi xiꞌin ya kúni mií i íkan i ya, xiꞌin ya kúni mií Iva i Ndioxi ra ti̱ꞌvi yeꞌe vaxi i kua xáa nani i kuachi na.
Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.