San Lucas 22:38 - Xochapa Mixteco

³⁸ Saa ndi̱kuiin nda káꞌan nda xiꞌin ra: ―Tata, xa yóꞌó íyo uvi i̱chi ―káchi nda xiꞌin ra. Saa ndi̱kuiin ra káꞌan ra: ―Xa vaꞌa, kutaxin yuꞌu ndo ―káchi ra xiꞌin nda.

San Lucas 22:38 Referans Kwoze

San Lucas 22:49

Saa xi̱ni nda ndóo xiꞌin Jesús ya kundoꞌo nda ta ndi̱kaꞌan nda xiꞌin ra, káchi nda saa: ―Tata, ¿án kani nde na xiꞌin i̱chi? ―káchi nda.

San Juan 18:36

Saa ndi̱kuiin Jesús káꞌan ra: ―Nuu xáꞌnda chiñu i ta köo ndíkun ndaa ya ñuu ivi yóꞌó. Tá tu ñuu ivi yóꞌó ndíkun ndaa ya, ta ni na ndíkun sata i ta kaꞌan kuachi na xaꞌa i, täxi na tiin na ñuu i yeꞌe, ndíkuu. Sundi nuu xáꞌnda chiñu i ta köo ndíkun ndaa ya ñuu ivi yóꞌó ―káchi Jesús xiꞌin ra.

1 Pedro 5:9

Ndaku ni koo ini ndo, tuun ni kundaa ini ndo Tata yo Jesucristo, täxi ndo keꞌe ri nǎꞌa ndóꞌo̱. Chi tá kuꞌva ndóꞌo ndóꞌo̱, saa ndóꞌo ndiꞌi ni kúu na taꞌan yo, na kándixa Tata yo Jesucristo na ndóo ndiꞌi saa kúu xaꞌa ñuu ivi.

1 Tesalonicenses 5:8

Sundi yoo ndíkun Tata yo Jesucristo, ta nduvi xíka yo nuu yéꞌe̱, yakan ná koo kaxin teꞌe ini yo. Tá íkan yo saa ta saa kua ndáa ni ini yo xíni yo ra, saa kúꞌvi ni ini yo xíni yo ra. Ta saa kua ndási ndaꞌa ra nima yo tá íin nda lapa nda íyo kàà ndási ya kándika nda, saa íin yo. Ta ndíkaa teꞌe ya téꞌe xi̱ní nda ya ndási ya xi̱ní nda, kuꞌva saa íkan ra xiꞌin yo ndáa ra xíni yo xaꞌa ya kúndaa teꞌe ini yo ya sikaku ra yoo.

San Mateo 26:51

Saa ta̱va iin ra ítaꞌan xiꞌin Jesús i̱chi ra, ta xa̱ꞌnda ra soꞌo ra xáa chiñu nuu sutu, ra ínuu nuu ndiꞌi nda sutu.

San Lucas 22:36

Saa ndi̱kaꞌan ra xiꞌin nda, káchi ra saa: ―Ta vitin síin káa ya káꞌan i xiꞌin ndo, tá ndá ndóꞌo̱ íyo bolsa án ndá ka ñaꞌa ta kuniꞌi ndo ya ná kuꞌun ya xiꞌin ndo. Tá ndá ndóꞌo̱ köo i̱chi ta xiko ndo tikachi ndo ná kana xuꞌun sata ndo i̱chi ndo.