San Lucas 20:22 - Xochapa Mixteco

²² Ta vitin kúni nde kundaa ini nde unkua káchi yóꞌo̱, ¿án vaꞌa chaꞌvi yo xuꞌun ya káꞌan ra César, ra rey ñuu Roma xiꞌin yo án chäꞌvi yo ya? ―káchi nda xiꞌin ra.

San Lucas 20:22 Referans Kwoze

Los Hechos 5:37

Ndi̱yaꞌa loꞌo, tá ndi̱kuita censo, tuku ra náni Judas, ra ke̱e estado Galilea ndi̱kuita. Iin taꞌnda chee ku tu na xi̱ndikun sata ra ikán va. Ñaa ndi̱xiꞌi ra, ta ndiꞌi na xi̱ndikun ñaꞌa iin ndi̱xita ndiꞌi tu na ikán va.

San Mateo 17:25

Saa ndi̱kuiin ra, káꞌan ra xiꞌin nda: ―Cháꞌvi va ra ya ―káchi ra xiꞌin nda. Saa tá ndi̱kiꞌvi ra Pedro veꞌe nuu ndóo nda, ta xiꞌna Jesús ndi̱kaꞌan xiꞌin ra, káchi ra saa: ―¿Unkua ndíkani ini un Simón? Nda rey ñuu ivi yóꞌó, ¿ta unku nuu ndúku nda xuꞌun? ¿Án nuu mií na ñuu nda ndúku nda ya, án na inka ñuu ndúku nda ya nuu? ―káchi Jesús xiꞌin ra.

San Lucas 20:21

Saa ndi̱ndakan tuꞌun nda ra, káchi nda saa: ―Tata Maestro, xíni nde vaꞌa ni sínaꞌa un, nina ya ndaa káꞌan un xiꞌin naꞌa, ta ni köo ndíkaxin un naꞌa. Tá íyo ndiꞌi ya kúni Ndioxi, saa íyo ya sínaꞌa un na, ndaa ni sínaꞌa un na.

San Lucas 20:23

Sundi ku̱ndaa ini ra ya xíto ndoso ñaꞌa nda, saa ndi̱kaꞌan ra xiꞌin nda, káchi ra saa: ―¿Ndachu vaxi ndo xíto ndoso ndo yeꞌe?

San Lucas 23:2

Tá ndi̱xaa na xiꞌin ra nuu ra Pilato, ta xa̱á na táxi na kuachi siki xaꞌa ra, káchi na saa: ―Xi̱ni nde ra yóꞌó táa sii ni ra naꞌa ya kuꞌun na sata ra. Ta väꞌa íkan ra, ra táꞌvi ñuu yo ku ra chi káꞌan ra xiꞌin na, ya ná chäꞌvi na xuꞌun ya kuaꞌan ndaꞌa ra rey César, saa chi mií ra ku Cristo, ra ti̱ꞌvi Ndioxi vaxi ra nduu ra rey ñuu ivi yóꞌó, káchi ra xiꞌin na ―káchi nda.

ROMANOS 13:7

Tá tu íyo na níka ndo nuu, ta chaꞌvi ndo nuu na. Tá ndá ñaꞌa níka ndo xaꞌa nuu na chiñu, ta chaꞌvi ndo nuu na. Tá íyo naꞌa na xíniñuꞌu ndo xaa toꞌo ndo, ta vaꞌa xaa toꞌo ndo na, tá íyo na xíniñuꞌu xaa kaꞌnu ndo, ta vaꞌa xaa kaꞌnu ndo na.