San Lucas 20:17 - Xochapa Mixteco

¹⁷ Ñaa ndi̱koto ra nuu na ta ndi̱kaꞌan ra xiꞌin na, káchi ra saa: ―¿Án köo kándixa ndo ya káꞌan tuꞌun ndíchi yóꞌó? ¿Ta unkua kúni kaꞌan tuꞌun Ndioxi ya ta̱a na xinaꞌa? Chi tuꞌun ikán káꞌan ya: Yu̱ú ya xíniñuꞌu ni na síkuaꞌa veꞌe kua ikán. Ta köo ndi̱xiin na kuniñuꞌu na ya, ku̱ndasi na ya.

San Lucas 20:17 Referans Kwoze

Los Hechos 4:11

Ta Jesús yóꞌó ku ra káa tá káa yu̱ú ya ku̱ndasi ni na síkuaꞌa veꞌe. Xíniñuꞌu ni na yu̱ú ikán ta ku̱ndasi na ya. Tá i̱kan na ikán, saa i̱kan ndóꞌo̱ xiꞌin Jesús, ra ikán ku ra xíniñuꞌu ni ndiꞌi yo ta ku̱ndasi ndo ra.

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

San Marcos 12:10

Saa ndi̱kaꞌan ka Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi ya káchi saa?: Yu̱ú ya ku̱ndasi nda síkuaꞌa veꞌe, ku yu̱ú ya ndee ni ndee, ta ya ikán kua xíniñuꞌu ni ka.

San Lucas 22:37

Chi vitin kua ti̱ndaa kivi ya xaa ndúvi i ya ta̱a iin ra ndi̱kaꞌan ndoso tuꞌun yuꞌu Ndioxi, káchi ya saa: “Tá kuꞌva ndóꞌo iin ra väꞌa, ra xáꞌni ndii saa kundoꞌo i”, káchi ya ta̱a ra xaꞌa i. Saa chi ndiꞌi ya íyo xaꞌa i ta xinu ndiꞌi ya ―káchi Jesús xiꞌin nda.

San Juan 15:25

Xaꞌa ya i̱kan na saa kua síxinu na tuꞌun Ndioxi ya íyo nuu ley na, káchi ya saa: “Ni köo ya ndi̱kan i xiꞌin na, ta sáa ni ini na xíni na yeꞌe”, káchi tuꞌun Ndioxi ―káchi Jesús xiꞌin nda.

San Lucas 24:44

Tá ndi̱ꞌi, saa ndi̱kaꞌan ra xiꞌin na, káchi ra saa: ―Ndiꞌi ya ndo̱ꞌo i, tá íyo ndiꞌi ya ndi̱kaꞌan i xiꞌin ndo yachi saa ndi̱xiyo ya. Saa chi ndi̱kaꞌan i xiꞌin ndo: Nduxa sixinu ndiꞌi i ya ta̱a ra Moisés tin ya ta̱a nda ndi̱kaꞌan ndoso tuꞌun yuꞌu Ndioxi xiꞌin ya íyo nuu tutu salmos, soꞌva íyo ya ndi̱kaꞌan i xiꞌin ndo yachi ―káchi ra xiꞌin na.

San Lucas 22:61

Saa ndi̱ko koo Jesús ndi̱koto vaꞌa ra nuu ra Pedro, ta ndi̱kaꞌán ini ra ya ndi̱kaꞌan Jesús xiꞌin ra: “Ñûu vitin ta xa uni vi ichí ndikuaa un yeꞌe, saa kana nduxi”, káchi ra xiꞌin ra.

San Marcos 10:23

Saa ndi̱koto Jesús nuu ndiꞌi nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Yaꞌa ni uꞌvi saa kuchiñu na kuika kiꞌvi na koo na nuu xáꞌnda chuiñu Ndioxi ―káchi ra xiꞌin nda.

San Marcos 3:5

Saa ndi̱saa ni Jesús ndi̱koto ra nuu nda ndóo ikán, ta ku̱chiꞌña ka vi ini ra, chi tuun ni nima nda. Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra. Tá si̱ndikaa soꞌva ra ya, ta ndikun ndu̱vaꞌa ya.

San Lucas 19:41

Ñaa ndi̱xaa Jesús yati ñuu Jerusalén. Tá xi̱ni ra ñuu ikán ta xa̱á ra xáku ra xaꞌa na ndóo ikán,

Efesios 2:20

Ta ndóꞌo̱ kándixa Jesucristo tá káa iin veꞌe ya síkuaꞌa Ndioxi saa íin ndo. Chi tuꞌun ya sínaꞌa nda profeta ndóꞌo̱, án ya sínaꞌa nda apóstol ndóꞌo̱, ta tá iin xaꞌa veꞌe ya táva na saa íin tuꞌun ya sínaꞌa nda ndóꞌo̱. Ta tá káa iin yu̱ú ya ndíkunduꞌu tutun veꞌe ya ndee ni xíniñuꞌu, saa káa Cristo xiꞌin ndo.

1 Pedro 2:6

Saa káꞌan tuꞌun Ndioxi ya ta̱a na xinaꞌa, káchi ya saa: Koto ndo chinduꞌu i yu̱ú ya ndee ni ndáa yaꞌvi, ya luvi ni ndíkaa tutun xaꞌa veꞌe i ya kuaꞌa ñuu Sión. Ndiꞌi naꞌa, na kándixa ni taa ra káa tá káa yu̱ú ikán, ta nda iin kivi kükaꞌán nuu na, ni ndïkava ini na xiꞌin ra, káchi tuꞌun Ndioxi.