San Lucas 20:10 - Xochapa Mixteco

¹⁰ Tá ti̱ndaa kivi ndi̱xinu ti uva, ta saa ti̱ꞌvi ra iin moso ra kuaꞌan ra kaꞌan ra xiꞌin na ndu̱ku too ñuꞌú nuu ra, ya nditaꞌvi na loꞌo ri xiꞌin ra ya kúu yaꞌvi ñuꞌú ra. Ta ni köo ndi̱xiin na taxi na ri ndaꞌa moso ra. Mií ka na ka̱ni ñaꞌa, xa̱a nduvaꞌa na xiꞌin ra, iin saa káa yuchi ndaꞌa ra, nda iin ñaꞌa köo ndáa ra ndi̱ko koo ra.

San Lucas 20:10 Referans Kwoze

ROMANOS 7:4

Ta ná kundaa ini yo xaꞌa ya yóꞌó unkua kúni kachi ya ñani yo: Vitin ki̱ndoo ndika ndo nuu ley ya si̱naꞌa ra Moisés xinaꞌa. Xaꞌa ya iin ndu̱u ikin kuñu ndo xiꞌin ikin kuñu Jesucristo, ta iin káchi ndi̱xiꞌi ndo xiꞌin ra. Ta vitin tá íin ndo ndi̱xiꞌi saa ndu̱u ndo nuu ley ikán. Xaꞌa ya ikán kua ki̱ndoo ndíka ndo ya kuchiñu taxi ndo mií ndo ndaꞌa Jesucristo, ra ndi̱xiꞌi ta ndi̱taku ra. Yakan vaꞌa ikan ndo kuaꞌa ni ya vaꞌa nuu Ndioxi.

San Juan 15:16

Ta süvi mií ndo ndi̱kaxin yeꞌe, mií i ndi̱kaxin ndóꞌo̱. Ta ndi̱kaxin i ndóꞌo̱ ya ná ikan ndo nina ya vaꞌa. Tá íin itun kuiꞌi kána kuaꞌa ni ñaꞌa ndaꞌa saa ná koo ndo. Ndiꞌi saa ichí koo ndo tá íin kuiꞌi vaꞌa ni kúun. Tá íkan ndo saa ta vaꞌa nduku ndo ndiꞌi ya kúmani nuu ndo nuu Iva i. Ta tixin kivi yeꞌe taxi ra ya ndúku ndo nuu ra ndaꞌa ndo.

San Lucas 13:34

Saa xa̱á ra káꞌan ra: ―¡Ndóꞌo̱ na ñuu Jerusalén!, ndóꞌo̱ ku ndo xáꞌni nda káꞌan ndoso tuꞌun yuꞌu Ndioxi, ta kóꞌni ndo yu̱ú sata nda tíꞌvi Ndioxi vaxi chindee ndóꞌo̱. Kuaꞌa ni ichí ku̱ni i sikitaꞌan i ndóꞌo̱, tá íkan nduxi tiatan xiꞌin seꞌe vali ri, síkitaꞌan ri na tixin ri, ta köo ndi̱xiin ndo.

San Lucas 20:9

Sindiꞌi ikán xa̱á tuku Jesús ndítuꞌun ra iin tuꞌun ndíchi káchi ra saa: ―Saa ndo̱ꞌo iin ra taa, ta̱an ra iin teꞌe ti uva nuu ñuꞌú ra. Ñaa ta̱xi too ra ya ndaꞌa inka naꞌa. Saa ke̱e ra kuaꞌan xika ra inka ñuu.

San Lucas 20:11

Ta saa ti̱ꞌvi tuku ra inka moso ra kuaꞌan ra. Tá i̱kan na xiꞌin ra nuu, saa i̱kan tu na xiꞌin ra ikán va. Xa̱a nduvaꞌa ni na xiꞌin ra. Si̱ndiko koo yuchi tu na ra ikán va kuanuꞌu ra.