San Lucas 19:26 - Xochapa Mixteco

²⁶ Saa ndi̱kuiin ra rey ikán káꞌan ra: “Tá íyo na xa kuaꞌa ni ñaꞌa kúu mií, ta niꞌi ka na ya saa chi xíni na kundaa na ya. Tá íyo na köo xíni kundaa ya, ta nda ya loꞌo kúu mií na ndundaa ndiꞌi ya ndaꞌa na, saa chi köo xíni na kundaa na ya.

San Lucas 19:26 Referans Kwoze

2 Juan 1:8

Ta ndóꞌo̱, kuenta ni koo ndo saa chi süvi ka vi ya mani uun xa̱a chiñu ndo. Sundi ndikundikun ni ndo Jesucristo, ta saa ndikiꞌin ndo ndiꞌi ya vaꞌa chi̱tuni Ndioxi taxi ra ndaꞌa ndo.

San Lucas 8:18

’Ta kuenta ni koo ndo xaꞌa ñaꞌa ya xíni soꞌo ndo. Saa chi íyo naꞌa ta loꞌo ni kúndaa ini na ichí Ndioxi, sundi mií ra ku ra taxi ka ya kundaa ini na. Ta íyo sava na köo xíin kundaa ini xaꞌa ichí ra, ta nda ya loꞌo kúndaa ini na xaꞌa ra, túvi na, kindaa ndiꞌi ra ya ndaꞌa na ―káchi Jesús xiꞌin nda ítaꞌan xiꞌin ra.

San Mateo 21:43

Yakan káꞌan i xiꞌin ndo, Ndioxi ta täxi ra ichí ndaꞌa ndo kiꞌvi ndo kundoo ndo nuu xáꞌnda chiñu ra, saa taxi ra ichí ndaꞌa inka naꞌa kundoo na nuu xáꞌnda chiñu ra, ta na yóꞌó ku na xaa súvi ya kúni ra.

San Mateo 13:12

Saa chi na kúndaa ini tuꞌun káꞌan i, ta Ndioxi ku ra táxi kundaa vaꞌa ka ini na, ta na xïin kundaa ini ya káꞌan i, ta nda ya loꞌo kúndaa ini na ndundaa ya ndaꞌa na.

San Marcos 4:25

Saa chi ndiꞌi na xa kúndaa vaꞌa ini, ta niꞌi ka na ya vaꞌa nuu Ndioxi. Ta ndiꞌi na loꞌo ni kúndaa ini ta nda ya loꞌo kúndaa ini na ndundaa ya ndaꞌa na ―káchi Jesús.

El Apocalipsis 2:3

Ta xáꞌa ndee ndiꞌi ini ndo xaꞌa ndiꞌi ya ndóꞌo ndo, ta ndee ni ndee xáa chiñu ndo nuu i xaꞌa ya kúꞌvi ni ini ndo xíni ndo yeꞌe. Vani ndóꞌo ni ndo, ta köo ndíko koo ini ndo xaꞌa ya ndíkun ndo yeꞌe.

El Apocalipsis 3:11

Kama ni ndiko koo i, yakan ni ndóꞌo̱ ta sïndikoo ndo ya ndíkun ndo ichí i, ya ná kïxi inka naꞌa kindaa na ñaꞌa ya taxi Ndioxi ndaꞌa ndo.

San Lucas 16:3

Ñaa xa̱á ra ndíkani ini ra, káchi ra saa: “¿Unkua ikan yo vitin? Köo xíin ka xitoꞌo yo kundaa chiñu yo xiꞌin ñaꞌa ra. Ta ni köo kúndee yo xaa chiñu yo chiñu iku, ni ya ndakan yo köo xáꞌa ndee ini yo, kúkaꞌan ni nuu yo.

Los Hechos 1:20

Ta iin ñaꞌñu nuu tutu Salmo káchi ya saa: Ná nduu yuchi veꞌe ra, ta nda iin ka naꞌa ná köo ini ya. Ta inka naꞌa ná ndikiꞌin chiñu nuu ra, káchi ya íyo nuu tutu Salmo.

San Lucas 19:25

Ñaa ndi̱kuiin na káꞌan na: “Tata, ¿ndachu taxi ka nde ya ndaꞌa ra?, xa uxi vi kua kúu mií ra”, káchi na.