San Lucas 17:4 - Xochapa Mixteco

⁴ Vani uxa ichí íkan ra ya väꞌa xiꞌin ndo iin kivi, sundi tá tu vaxi ra uxa saa ichí nuu ndo káꞌan ra xiꞌin ndo: “Ndíko koo ini i xaa kaꞌnu ini un xaꞌa i”, káchi ra xiꞌin ndo, ta xaa kaꞌnu ini ndo xaꞌa ra ―káchi Jesús xiꞌin nda ítaꞌan xiꞌin ra.

San Lucas 17:4 Referans Kwoze

ROMANOS 12:20

Ta saa káꞌan tuku Ndioxi, káchi ra: “Tá tu kúni kuxi naꞌa, na sáa ini xíni ndóꞌo̱, ta vaꞌa taxi ndo kuxi na. Tá tu íchi na tikuii, ta vaꞌa taxi ndo tikuii koꞌo na”. Chi tá íkan ndo saa xiꞌin na, ta tá íin ñu̱ꞌu̱ yěꞌé saa íin ya síkoyo ndo xiní na, án táxi ndo kúkaꞌan nuu na.

San Mateo 6:12

Xaa kaꞌnu ini un xaꞌa kuachi nde, saa chi saa tu ndeꞌe va xáa kaꞌnu ini nde xaꞌa kuachi na íkan ya väꞌa xiꞌin nde.

San Mateo 18:35

Saa ndi̱kaꞌan ka ra xiꞌin na, káchi ra saa: ―Tá i̱kan ra rey ikán saa ikan Iva i Ndioxi ra íyo nuu ndivi xiꞌin ndo, tá tu köo ndinuꞌu ini ndo xáa kaꞌnu ini ndo xaꞌa ya íkan na taꞌan ndo xiꞌin ndo ―káchi Jesús xiꞌin na.

San Mateo 18:16

Sundi tá tu köo xíin ra kuni soꞌo ra ya káꞌan un xiꞌin ra, vaꞌa kaꞌan un xiꞌin iin án uvi ka nda ñani un ya kuꞌun nda xiꞌin un kaꞌan un xiꞌin ra, ya ná koo nda testigo ndikuiin nda xaꞌa ndo.

San Mateo 5:44

Sundi yeꞌe káꞌan xiꞌin ndo, kuꞌvi ini ndo kuni ndo na sáa ini xíni ndóꞌo̱, ta kaꞌan ndo xiꞌin Ndioxi ná chikaa ra ya vaꞌa na távi chiꞌña ndóꞌo̱.

San Lucas 17:5

Saa kúu ta ndi̱kaꞌan nda ítaꞌan xiꞌin Jesús xiꞌin ra, káchi nda saa: ―Tata, chindee un ndeꞌe ná kundaa ni ini nde kuni nde Ndioxi ―káchi nda xiꞌin ra.