San Lucas 17:26 - Xochapa Mixteco

²⁶ Tá xa ku̱yati kivi ndiko koo yeꞌe ku Taa ra xa̱a ñuu ivi yóꞌó, ta tá ku̱u tiempo ya ndi̱xika ra Noé saa kuu.

San Lucas 17:26 Referans Kwoze

2 Pedro 2:5

Ni na xi̱ndoo xinaꞌa vaꞌa, ta köo ndi̱xaa kaꞌnu ini ra xaꞌa na, ti̱ꞌvi ra saví íꞌná xa̱ꞌni rá na. Ta ndi̱xiyo iin taa ra vaꞌa ni xi̱nani ra Noé, saa ndi̱kaꞌan ndoso ra tuꞌun Ndioxi xiꞌin na ya ná ikan na ya ndaa, ta ndisaa ra ikán ku ra ndi̱kaku xiꞌin inka ka uxa naꞌa.

San Lucas 17:24

Saa chi tá ná ndiko koo i ta tá kúu nuu xínduta ndiꞌi xaꞌa ñuu ivi iin ndíyeꞌe ndiꞌi ni kúu ñaꞌñu, saa kuu ná ndiko koo yeꞌe, Taa ra xa̱a ñuu ivi yóꞌó.

HEBREOS 11:7

Xaꞌa ya xi̱ndaa ni ini ra Noé xi̱ni ra Ndioxi kua si̱kuaꞌa ra itun barco tá ndi̱kaꞌan Ndioxi xiꞌin ra kixi tindoꞌo sata na ñuu ivi yóꞌó, ta nda iin ichí täꞌan kuun kini ni saví tá kuꞌva ku̱un rá kivi ikán. Xaꞌa ya xi̱ndaa ni ini ra xi̱ni ra Ndioxi yakan kua xa̱a súvi ra ya ndi̱kaꞌan Ndioxi xiꞌin ra, ya kuchiñu kaku na veꞌe ra. Ta xaꞌa ya i̱kan ra saa kua ta̱xi ra kuachi xaꞌa na ñuu ivi yóꞌó. Ta saa ndi̱niꞌi ra ya vaꞌa nuu Ndioxi, ndu̱u ra tá káa iin naꞌa, na köo ka kuachi kúu mií nuu Ndioxi, xaꞌa ya xi̱ndaa ni ini ra xi̱ni ra Ndioxi.

San Lucas 17:22

Ta saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Vaxi kivi ta ku̱ni̱ ni ndo ndiko koo yeꞌe, Taa ra xa̱a ñuu ivi yóꞌó, sundi küni ka ndo yeꞌe.

2 Pedro 3:6

Sundi suvi xiꞌin tikuií kua ndi̱xiꞌi ndiꞌi na ñuu ivi xi̱ndoo xinaꞌa, ndi̱kaꞌan ndaa na xiꞌin rá ta ndi̱xiꞌi ndiꞌi na.

San Lucas 18:8

Kama ni va ndikuiin Ndioxi yuꞌu na chindee ra na. Sundi tá ná ndiko koo yeꞌe Taa ra xa̱a ñuu ivi yóꞌó, ta köo xíni i ¿án koo ka na ndáa ni ini xíni yeꞌe? ―káchi Jesús xiꞌin nda ítaꞌan xiꞌin ra.

San Lucas 17:7

Ta saa ndi̱kaꞌan tuku Jesús káchi ra saa: ―Tá tu íyo iin ra sa̱ta xitoꞌo ra xáa chiñu nuu ra ta ndi̱xaꞌan ra iku ta̱ꞌvi ra án xiꞌin kiti sana ndo ndi̱xaꞌan ra ta ndi̱ko koo ra xa̱a ra xikuaa, ta ¿án kaꞌan ndo xiꞌin ra, ndikunduꞌu ra kuxi ra?

San Lucas 17:27

Chi saa ku̱u kivi ndi̱xika ra Noé, nda iin na köo ndi̱xika ini kuvi na. Sítindaꞌa na seꞌe na, xíxi na tin xíꞌi va na. Saa i̱kan na nda kivi ndi̱kaꞌan Ndioxi xiꞌin ra Noé kiꞌvi ra ini itun barco. Tá ndi̱kiꞌvi ra ini nu, ta saa si̱kuun Ndioxi savi, ta iin ndi̱xiꞌi yaa naꞌa i̱kan rá.