San Lucas 16:14 - Xochapa Mixteco

¹⁴ Saa tá xi̱ni soꞌo nda fariseo ya ndi̱kaꞌan ra, ta ndi̱xaku ndaa ñaꞌa nda. Chi kútoo ni nda ya kuika.

San Lucas 16:14 Referans Kwoze

San Lucas 23:35

Ta ndíta ndiꞌi na xíto na ya ndóꞌo Jesús, nda mií na chiñu kúsiki ndaa ñaꞌa, káchi na saa: ―Ku̱chiñu ra chi̱ndee ra inka naꞌa, ta vitin ná chindee ra mií ra. Tá tu ndixa ra Cristo, ra ndi̱kaxin Ndioxi vaxi sikaku yoo ku ra, ta ná sikaku ra mií ra ―káchi na.

San Lucas 20:47

Ta kíndaa nda veꞌe ná ndi̱ndoo ndaa ndaꞌa ná, ñaa xáa nda ndása vaꞌa nda mií nda nuu inka na, ta xáa nda káꞌan nda xiꞌin Ndioxi. Naꞌa ni káꞌan nda xiꞌin ra ya ná kuni inka naꞌa káñuꞌu ni nda Ndioxi. Ndaꞌvi ni nda yóꞌó, chi ndee ni ka ndoꞌo nda ikan Ndioxi ―káchi Jesús.

San Lucas 12:15

Ta saa ndi̱kaꞌan ra xiꞌin na ndóo ikán, káchi ra saa: ―Kuenta ni koo ndo, kütoo ndo koo kuaꞌa ni ñaꞌa ndo, saa chi süvi xaꞌa ya íyo kuaꞌa ni ñaꞌa nuu naꞌa kua kuchiñu na kutaku na ―káchi ra xiꞌin na.

HEBREOS 11:36

Ta xaꞌa ya xi̱ndaa ni ini na ikán xi̱ni na Ndioxi kua ndo̱ꞌo ni na ndaꞌa naꞌa, xa̱a siki ni ñaꞌa na, xa̱a chiꞌña ni na xiꞌin na saa ka̱ni ni ñaꞌa na. Ta inka na xi̱nuꞌni xiꞌin cadena xi̱ñuꞌu na veꞌe kàà.

2 Timoteo 3:2

Chi kivi ikán ta sava naꞌa kundiꞌi ni ini na ndisaa xaꞌa mií na, saa kuni tu na ya koo kuaꞌa ni xuꞌun na, saa kutoo ni na ndikunuu vaꞌa ni tuꞌun xaꞌa na, ta ndee ni kutai ini na xiꞌin ñaꞌa na. Saa kaꞌan kini na xaꞌa Ndioxi tin xaꞌa naꞌa, ta küaꞌa na kañuꞌu na iva siꞌí na, ta ni küaꞌa na taxi na tixaꞌvi ndaꞌa naꞌa, ni xäa toꞌo na Ndioxi.

San Lucas 8:53

Ñaa ku̱siki ndaa na ra, ndi̱xaku ndaa ñaꞌa na, chi xíni na xa ndi̱xiꞌi vaꞌa yá.

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Mateo 9:24

Saa ndi̱kaꞌan Jesús xiꞌin na, káchi ra saa: ―Vaꞌa kana koo ndiꞌi ndo keꞌe, saa chi köo ndi̱xiꞌi vi yá loꞌo yóꞌó, yá kíxi va ku yá ―káchi ra xiꞌin na. Saa ndi̱xaku ndaa ndiꞌi na ra.