San Lucas 15:27 - Xochapa Mixteco

²⁷ Saa ndi̱kaꞌan ra ikán xiꞌin ra káchi ra saa: “Ra ñani un ku ra xa̱a, yakan xa̱ꞌni tata un sindiki kiti si̱ndaꞌa ra. Xa̱ꞌni ra ri xaꞌa ya kúsini ra ndi̱xaa vaꞌa ñani un”, káchi ra ikán xiꞌin ra.

San Lucas 15:27 Referans Kwoze

FILEMÓN 1:16

Chi ra xáa chiñu xiꞌin ya nduxa nuu un ku ra, sundi vitin ta yáꞌa ni ka va vaꞌa ndee xaa chiñu ra nuu un, süvi tá xa̱a chiñu ra yachi saa ikan ra, chi ra ñaa, ta ñani yo ndu̱u ra vitin, ta kúꞌvi ni ini yeꞌe xíni i ra, ta ndisaa ka vi mií un, tá káa ra veꞌe mií un saa ndu̱u ra ndee ni ka ndaa yaꞌvi ra nuu un tixin Tata yo Jesucristo.

Los Hechos 22:13

Ndi̱xaꞌan ra xi̱to ra yeꞌe, tá ndi̱xaa ra ta ndi̱kaꞌan ra xiꞌin i, káchi ra saa: “Ñani yo Saulo, vitin nduvaꞌa un”, káchi ra xiꞌin i. Ta ndikun saa ndi̱xuna nuu i.

Los Hechos 9:17

Saa ke̱e ndixa ra ikán kuaꞌan ra veꞌe nuu íyo ra Saulo. Ndi̱xaa ra chi̱nuu ndaꞌa ra xiní ra, ta ndi̱kaꞌan ra xiꞌin ra, káchi ra saa: ―Ñani Saulo, Tata yo Jesús, ra ndi̱tuvi nuu un tá vaxi un ichí, ra ikán ku ra ti̱ꞌvi yeꞌe vaxi i kaꞌan i xiꞌin un ya ná ndikuna tuku nuu un, ta ndikiꞌin un Tachi I̱í Ndioxi koo ya xiꞌin un ―káchi ra Ananías xiꞌin ra Saulo.

San Lucas 15:30

Sundi tá ndi̱ko koo seꞌe un ra ti̱in yaa xuꞌun un si̱siki ndiꞌi ra ya xiꞌin ná ñaꞌa ta xáꞌni ka un sindiki xaꞌa ra”, káchi ra ikán xiꞌin iva ra.

San Mateo 22:4

Saa ti̱ꞌvi tuku ra inka nda xáa chiñu nuu ra kuaꞌan nda, ndi̱kaꞌan ra xiꞌin nda, káchi ra: “Kaꞌan ndo xiꞌin na xa ndi̱kaꞌan i xiꞌin kixi, xa íyo nduvi ndiꞌi ñaꞌa kuxi ndo. Xa xa̱ꞌnda ra rey chiñu xa̱ꞌni na sindiki sana ra xiꞌin inka kiti xaꞌan ni, ta xa íyo nduvi ndiꞌi ya, kuꞌun ndo kuxi ndo” che, kachi ndo xiꞌin na, káchi ra rey.

San Lucas 15:26

Saa ka̱na ra iin ra xáa chiñu nuu iva ra, ndi̱ndakan tuꞌun ñaꞌa ra unkua íyo veꞌe na.

San Lucas 15:28

Saa tá ku̱ndaa ini ra, ta ndi̱saa ni ra, ni köo ndi̱xiin ka ra ndiꞌvi ra ini veꞌe. Ñaa ke̱ta iva ra xáku ndaꞌvi ra nuu ra ndiꞌvi ra ini veꞌe, ta ni köo xíin ra ndiꞌvi ra.