San Lucas 13:19 - Xochapa Mixteco

¹⁹ Tá íin ndikin itun náni mostaza chíꞌi iin ra taa nuu ñuꞌú ra, saa káa ya. Chi vali ni ndikin ikán tá chíꞌi ra ya nuu ñuꞌú ra, sundi tá ndúta ya ta iin itun naꞌnu ndúu nu. Saa vaxi sàà kíxi ri, síkuaꞌa ri chiꞌyo ri ndaꞌa nu ―káchi Jesús.

San Lucas 13:19 Referans Kwoze

Los Hechos 4:4

Sundi yáꞌa ni kuaꞌa ku mií na xi̱ni soꞌo ya ndi̱kaꞌan nda, ñaa xa̱á na kándixa na Jesús. Iin kuꞌva uꞌun mil ku ndisaa nda taa.

Los Hechos 2:41

Ta kuaꞌa ka vi ku na chi̱chi mi kivi ikán. Iin kuꞌva uni mil ku na chi̱chi xaꞌa ya ka̱ndixa na tuꞌun ya ndi̱kaꞌan ra Pedro xiꞌin na. Nda kivi saa ndi̱kitaꞌan na chi̱chi ikán xiꞌin na kándixa Jesús.

Los Hechos 21:20

Tá xi̱ni soꞌo na ya ndi̱kaꞌan ra, ta xa̱a toꞌo na Ndioxi. Saa káꞌan na, káchi na saa: ―Ñani yo, xíni mií un kuaꞌa ni mil ku na judío ndi̱kundikun Jesús, ta ndíkundee na káꞌan na ya xíniñuꞌu na xaa súvi na ley ya ta̱a ra Moisés xinaꞌa.

San Mateo 17:20

Saa ndi̱kaꞌan ra xiꞌin nda, káchi ra saa: ―Köo kándixa ndo Ndioxi yakan köo ndi̱kuchiñu ndo tava ndo ya. Saa chi vani loꞌo ni kándixa ndo ra án nda tá káa iin ndikin loꞌo mostaza kuꞌva saa kándixa ndo ra, ta kuchiñu ndo kaꞌan ndo xiꞌin iku yóꞌó ya kutaꞌa ya, ta xaa súvi ya tuꞌun káꞌan ndo xiꞌin ya, kutaꞌa ya. Saa chi tá kándixa ndo Ndioxi, vani loꞌo ni kándixa ñaꞌa ndo, ta kuchiñu ndo xaa súvi ndiꞌi ndo ya, chi nda iin ñaꞌa köo uꞌvi tá kándixa ndo ra.

El Apocalipsis 11:15

Saa ti̱vi tatun Ndioxi, ya uxa itun trompeta ya, ta xi̱ni soꞌo i tachi kuaꞌa ni na káꞌan nuu ndivi, ndee ka vi ndi̱kaꞌan na, káchi na saa: ―Iva yo Ndioxi ku ra xáꞌnda chiñu xiꞌin Tata yo Jesucristo. Ra yóꞌó ku ra ti̱ꞌvi Ndioxi vaxi sikaku na ñuu ivi yóꞌó. Ta ndiꞌi saa tiempo kaꞌnda chiñu ra ―káchi tachi na káꞌan ni na.

ROMANOS 15:19

Ndixaꞌvi ni mií Ndioxi xaꞌa Tachi I̱í ra, saa chi chíndee ya yeꞌe íkan i yatuꞌun nuu na xiꞌin ya vaꞌa ni, ta soꞌva kua síxinu i tuꞌun vaꞌa xaꞌa Jesucristo. Nda ñuu Jerusalén kua xa̱á i káꞌan ndoso i tuꞌun vaꞌa xaꞌa ra, iin saa ndi̱xaa i nda ñuu Ilírico, ndi̱xika ndiꞌi i ndi̱kaꞌan i xiꞌin na xaꞌa tuꞌun vaꞌa ya síkaku mií na.

San Lucas 17:6

Saa ndi̱kuiin Tata yo Jesús káchi ra saa: ―Tá ndáa ni ini ndo xíni ndo Ndioxi, vani loꞌo paꞌa tíin tá káa ndikin siꞌva mostaza saa ndáa ini ndo ra. Ta saa vaꞌa kaꞌan ndo xiꞌin itun sicómoro, vani kúnu ni ndíkaa tioꞌo nu ta keta nu kuꞌun nu ndikaa nu ini nduta ñûꞌu chi kuni soꞌo nu tuꞌun káꞌan ndo ―káchi Jesús xiꞌin nda.

San Marcos 4:30

Saa ndi̱kaꞌan ka Jesús xiꞌin na, káchi ra saa: ―¿Ndá kuꞌva kua vaꞌa ndikani i nuu ndo xaꞌa nuu xáꞌnda chiñu Ndioxi? Ta ¿ndá tuꞌun ndíchi kua vaꞌa kaꞌan i xiꞌin ndo?