San Lucas 12:56 - Xochapa Mixteco

⁵⁶ Ndóꞌo̱ uvi yuꞌu ku ndo, tá kúndaa ini ndo unkua íkan vikó nuu ndivi tin kúndaa ini ndo unkua íkan ñuꞌú tá kúun savi. Tá ndixa xíni ni ndo ta ¿ndachu köo kúndaa ini ndo xiꞌin seña ya íkan i xiꞌin ndo? ―káchi Jesús xiꞌin na.

San Lucas 12:56 Referans Kwoze

San Mateo 16:3

Tá xitaan ndúkuaꞌa nuu ndivi vaxi ñu̱ꞌù, ta íyo viko nuu ndivi, ta saa káꞌan ndo: “Väꞌa mií, kuun ni savi kivi vitin”, káchi ndo. “¡Ndóꞌo̱ uvi ini! Tá tu xíni ndo kíꞌin ndo kuꞌva xiꞌin tiempo, ta ¿ndachu köo kúndaa ini ndo xiꞌin ya xíto ndo tin ya xíni soꞌo ndo íkan i vitin?

San Mateo 11:25

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.

San Mateo 6:2

Tá ndá ndóꞌo̱ síniꞌi xuꞌun nuu na ndaꞌvi, ta ndïtuꞌun ndo xiꞌin ndiꞌi naꞌa xaꞌa ya íkan ndo, ya chinuu vaꞌa na tuꞌun ndo, saa chi saa íkan naꞌa, na uvi ini. Ndítuꞌun na xiꞌin ndiꞌi na ndóꞌni veꞌe ñuꞌu sinagoga, saa ndítuꞌun na xiꞌin na xíka kuaꞌan ichí, xaꞌa ya kúni na kindoo vaꞌa na nuu naꞌa. Xaꞌa ya íkan na saa, ta köo ka ya vaꞌa niꞌi na nuu Ndioxi.