San Lucas 12:29 - Xochapa Mixteco

²⁹ Kündiꞌi ini ndo xaꞌa ñaꞌa kuxi ndo án nduta koꞌo ndo án ndá ka ñaꞌa xíniñuꞌu ndo, kündiꞌi ini ndo xaꞌa nda iin ya.

San Lucas 12:29 Referans Kwoze

San Mateo 6:31

Kündiꞌi ka ini ndo kaꞌan ndo, mií kee ñaꞌa kuxi yo, ta mií kee ñaꞌa koꞌo yo, ta mií kee toto kundixi yo, kachi ndo.

San Lucas 22:35

Saa ku̱u ta ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ndikaꞌán ndo, yachi tá ti̱ꞌvi i ndóꞌo̱ ndi̱xika ndo ndi̱kaꞌan ndoso ndo tuꞌun Ndioxi xiꞌin naꞌa iin iin ñuu, ta köo leka ndo ndi̱xaꞌan xiꞌin ndo, ni xuꞌun, ni nduxan ya ndinama ndo köo ndi̱xaꞌan xiꞌin ndo, ta ¿án ndá ñaꞌa ku̱mani nuu ndo? ―káchi ra xiꞌin nda. Saa ndi̱kuiin nda, káchi nda saa: ―Nda iin ñaꞌa köo ndi̱kumani nuu nde, Tata ―káchi nda.

San Lucas 12:22

Sindiꞌi ikán ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Kündiꞌi ini ndo xaꞌa ya kutaku ndo, ni ya kuxi ndo, ni xaꞌa tikoto kundixi ndo, kündiꞌi ini ndo.

San Lucas 12:30

Saa chi ya yóꞌó ku ñaꞌa ya ndíꞌi ni ini na köo xíni Ndioxi xaꞌa. Sundi ndóꞌo̱, na kúu seꞌe Ndioxi, ta xa xíni mií va Iva ndo ndá ñaꞌa kua xíniñuꞌu ndo.

San Lucas 12:26

Tá tu köo kúchiñu ndo ikan ndo iin chiñu loꞌo ni taꞌan ya yóꞌó, ta ¿ndachu ndíꞌi ni ini ndo xaꞌa ndá ka ñaꞌa ya xíniñuꞌu ndo?