San Lucas 11:36 - Xochapa Mixteco

³⁶ Saa chi tá tu xíka un nuu yéꞌe̱ ta yéꞌe̱ ndiꞌi ni kúu ikin kuñu un köo ka ya naá ini un. Tá káa ñu̱ꞌu̱ túun na ta iin síndiyeꞌe ndaa ndiꞌi ya ini veꞌe saa káa ini un ―káchi xiꞌin na.

San Lucas 11:36 Referans Kwoze

2 Corintios 4:6

Saa chi suvi mií Ndioxi ku ra xa̱ꞌnda chiñu ya ndi̱yeꞌe ñu̱ꞌu̱ yéꞌe̱ nuu naá. Ta suvi mií ra ku ra si̱ndiyeꞌe ya nima yo ya ku̱chiñu yo ndi̱xuna ya xínituni yo, saa kua kuni yo ya luvi ni ndi̱yeꞌe ya kúu mií Ndioxi, ya ndi̱yeꞌe ya nuu Jesucristo.

2 Pedro 3:18

Ta ndóꞌo̱ xíniñuꞌu ndo kunitaꞌan vaꞌa ka ndo xiꞌin Tata yo Jesucristo, ra síkaku yoo, ra kúꞌvi ni ini xíni yoo. Ta ná xaa kaꞌnu ni yo ra ndiꞌi saa kivi xiꞌin ndiꞌi kivi ya vaxi. Saa ná koo.

Colosenses 3:16

Ta taxi ndo ndee ni ná koo mií tuꞌun Tata yo Jesucristo nima ndo. Saa sinaꞌa taꞌan ndo ta ndikani ndo nuu taꞌan ndo sixinu ndo ini taꞌan ndo ya ná ikan ndo ya vaꞌa kúni Ndioxi. Saa ná kusini ndo ta kata ndo salmo xiꞌin yaa i̱í nuu Ndioxi ya táxi ndo tixaꞌvi ndaꞌa ra xaꞌa ya íyo vaꞌa ni ini ndo xiꞌin ra.

Santiago 1:25

Sundi naꞌa, na köo ndi̱ndoso ini xaꞌa tuꞌun Ndioxi ya xíni soꞌo na, ta xáa súvi na ya káꞌan ya, ta vaꞌa ni kée na, chi sáña ndíka na xaꞌa kuachi na.

HEBREOS 5:14

Sundi naꞌa, na kúndaa vaꞌa ini, ta xáꞌnu ka na xiꞌin tuꞌun Ndioxi. Ta na ikán ku na íin tá íin na xa xa̱ꞌnu, na xa vaꞌa xíxi mií, saa chi xíni na unkua vaꞌa ta unkua väꞌa.

Efesios 4:14

Chi saa kua ïkan ka yo tá kuꞌva íkan na vali, ta ni ndöꞌo yo tá kuꞌva ndóꞌo itun barco chi tá vaxi tachi saa kua kánda nu kuaꞌan nu, ta saa yoo, kändixa ndikuu yo ndiꞌi nuu ñaꞌa ya síin ni káa sínaꞌa ndá ka nda väꞌa sínaꞌa, chi nda ikán ta nda kúni sindaꞌvi yoo va ku nda.

San Mateo 13:52

Saa ndi̱kaꞌan ka Jesús xiꞌin nda, káchi ra saa: ―Tá kúu sava nda sínaꞌa ley Ndioxi ya ta̱a ra Moisés, ndíkundikun nda ichí nuu xáꞌnda chiñu Ndioxi, ta nda tá káa iin taa xiꞌin veꞌe ra nuu chivaꞌa ra ñaꞌa yata ra xiꞌin ñaꞌa xa̱á ra, saa íyo nda. Saa chi nda ikán, ta kúchiñu nda táva nda ya kuika yata ya xa xíni nda xiꞌin ya kuika xa̱á ―káchi ra xiꞌin nda.

San Mateo 5:15

Ni na túun ñu̱ꞌu̱, ta köo chíkaa sěꞌe na ya ini iin ñaꞌa. Sundi chínuu sukun na ya, saa síndiyeꞌe ya nuu ndiꞌi na ndóo ini veꞌe.

San Lucas 11:35

Xaꞌa ya ñaa kua xaa kuenta vaꞌa un xiꞌin mií un, koto ndoso un mií un án ndixa kua xíka un nuu yéꞌe̱ süvi ka vi ya kaka un nuu naá.

San Lucas 11:37

Tá si̱ndiꞌi Jesús ndi̱kaꞌan ra, ta ke̱ta iin ra fariseo ndi̱kaꞌan ra xiꞌin ra ya kuꞌun ra xiꞌin ra veꞌe ra kuxi ra. Ta saa ke̱e Jesús kuaꞌan ra xiꞌin ra, ndi̱xaa ra ndi̱kunduꞌu koo ra yuꞌu mesa veꞌe ra fariseo ikán.