San Lucas 11:29 - Xochapa Mixteco

²⁹ Saa kúu ta kuaꞌa ni naꞌa ndíkitaꞌan xáa na nuu Jesús: Ta saa xa̱á ra káꞌan ra xiꞌin na, káchi ra saa: ―¡Ndikuu ni ini na ndóo ñuu ivi tiempo vitin! Chi ndúku na seña nuu i ya kúni na koto ndoso na yeꞌe. Sundi nda iin ya sïnaꞌa i nuu na, ndá taꞌan ya ndo̱ꞌo ra Jonás xinaꞌa va kuni na.

San Lucas 11:29 Referans Kwoze

San Lucas 11:16

Saa xa̱á káꞌan inka na xiꞌin Jesús, xíto ndoso ñaꞌa na ya ná ikan ra iin seña kuni na yatuꞌun Ndioxi ya vaxi nuu ndivi.

1 Corintios 1:22

Na judío ta xiꞌna kúni na kuni na yatúꞌun Ndioxi, saa kandixa na, ta na griego ta ya ndee ni kúni na kuni soꞌo na ku tuꞌun ya ndíchi ni, saa kandixa na.

San Lucas 12:1

Káꞌan nda saa xiꞌin ra ta saa ndi̱kaya naꞌa, kuaꞌa ni mil ku na ndi̱kaya, iin chíndaꞌa taꞌan mií na. Ta saa xa̱á Jesús káꞌan ra xiꞌin nda ítaꞌan xiꞌin ra, káchi ra saa: ―Kuenta ni koo ndo, koto ïkan ndo tá íkan nda fariseo. Saa chi nda ikán ta yáꞌa ni uvi yuꞌu nda, tá káa uxan iya ya kée xiꞌin uxan xita vaꞌa, saa íin nda.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

San Juan 6:30

Saa ndi̱kaꞌan na xiꞌin ra, káchi na saa: ―¿Unkua ku seña yatuꞌun sinaꞌa un nuu nde, ya koo seña kuni nde, ta saa kandixa nde yóꞌo̱? ¿Unkua íkan un?

San Juan 2:18

Saa ndi̱ndakan tuꞌun nda chiñu nuu na judío Jesús káchi nda saa: ―¿Ndá yatuꞌun kua táxi un kuni nde ya kúu mií un ichí ikan un saa? ―káchi nda xiꞌin ra.

San Lucas 11:50

Xaꞌa ya ñaa kua taxi Ndioxi kuachi xaꞌa ndo nduku ra cuenta nuu ndo xaꞌa ndiꞌi nda ndi̱kaꞌan ndoso tuꞌun yuꞌu ra, nda xa̱ꞌni xii sikua ndo nda kivi xi̱koo ñuu ivi yóꞌó.

San Lucas 9:41

Ta saa ndi̱kuiin Jesús káꞌan ra, káchi ra saa: ―¿Ndá ivi ku ndóꞌo̱? Tuun ni nima ndo chi köo ndáa ini ndo Ndioxi. ¡Kündee ka ini i xiꞌin ndo! ―káchi ra. Ta saa ndi̱kaꞌan ra xiꞌin ra ikán: ―Naꞌa choꞌo xiꞌin seꞌe un ―káchi ra.

San Marcos 8:38

Saa tu na ndíkuáa yeꞌe va, tá tu ndíkuáa na tuꞌun i nuu na ñuu ivi kuachi yóꞌó, ta saa ndikuaa tu yeꞌe, ra xa̱a ñuu ivi yóꞌó va na. Chi tá ná ndiko koo i, ta iin yeyeꞌe koo i kixi i xiꞌin ya yeꞌe Iva i Ndioxi tin na tatun ra ―káchi Jesús xiꞌin na.

San Mateo 3:7

Saa xi̱ni ra Juan kuaꞌan kuaꞌa ni nda naꞌnu nuu na judío, nda fariseo xiꞌin nda saduceo, chi kúni nda kuchi nda. Saa ndi̱kaꞌan ra tuꞌun yóꞌó xiꞌin nda, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo, ta xaꞌa ya íkan ndo saa ta sikaku Ndioxi ndóꞌo̱ nuu ya tixuꞌvi ndo, káꞌán ndo?