San Lucas 1:80 - Xochapa Mixteco

⁸⁰ Saa xáꞌnu ka ra loꞌo Juan ndúndee ka ra xiꞌin ndee Ndioxi, ta xíka ra iku yuyu. Ndiꞌi saa kivi ndi̱xika ra iku yuyu nda kivi tá si̱naꞌa ra mií ra nuu na ñuu ra, na Israel.

San Lucas 1:80 Referans Kwoze

San Lucas 2:40

Ikán ku ñuu nuu xa̱ꞌnu ra loꞌo Jesús. Ndiꞌi kivi tin ndiꞌi kuiya ndu̱u ndee ka ra xa̱ꞌnu ra. Ta vaꞌa ka vi xiní ra, ndichi ku chi ra, saa chi íyo ya vaꞌa Ndioxi xiꞌin ra.

San Lucas 2:52

Saa ndúndichi ka ra, ta xáꞌnu suku ka ra. Ta kúsini ka vi Ndioxi xiꞌin ra, ta ndiꞌi na vaꞌa ka vi káꞌan na xaꞌa ra.

San Mateo 3:1

Saa ku̱u ndi̱yaꞌa kuiya ya xa̱ꞌnu Jesús, ta ndi̱xaa ra Juan, ra síkuchi naꞌa, ndi̱xaa ra nuu íyo iku yuyu ñuu estado Judea, káꞌan ndoso ra tuꞌun Ndioxi.

San Juan 1:31

Ni yeꞌe ta köo xíni i unku ra ti̱ꞌvi Ndioxi vaxi sikaku yoo, ta xaꞌa ya ná kuni túvi na Israel ra yóꞌó kua síkuchi i naꞌa xiꞌin tikuii vaxi i ―káchi ra Juan.

San Lucas 1:15

Saa chi chee ni koo ra loꞌo ikán nuu Ndioxi. Ni köꞌo ra ndixi ni vinu köꞌo ra, nditaxi ndiꞌi ra mií ra ndaꞌa Ndioxi. Nda tá kivi ñúꞌu ra tixin siꞌí ra ta koo ndee Tachi I̱í Ndioxi xiꞌin ra.

San Mateo 11:7

Saa ka̱na koo nda ikán kuaꞌan nda, ta xa̱á Jesús káꞌan ra xaꞌa ra Juan xiꞌin na ndóo ikán, káchi ra saa: ―Tá ndi̱xaꞌan ndo xi̱to ndo ra Juan iku yuyu, ¿ta unkua ndi̱kani ini ndo kuni ndo? ¿Án ndi̱kani ini ndo kuni ndo iin taa ra vita ni ini, ta iin ndíko koo mií ra tá kuꞌva ndóꞌo itun ndoo tá vaxi tachi?

Los Hechos 18:28

Teꞌe ni káꞌan ra Apolos xiꞌin nda judío nuu ndíkani ndiꞌi ra nuu nda xaꞌa tuꞌun Ndioxi ya ta̱a nda ndikaꞌan ndoso tuꞌun yuꞌu Ndioxi xinaꞌa, sínaꞌa ra ya nuu nda nuu káꞌan ya xaꞌa Jesús ya kúu ra Cristo, káchi ra xiꞌin nda, ta ni köo ka ya níꞌi nda kaꞌan nda xiꞌin ra.