San Lucas 1:15 - Xochapa Mixteco

¹⁵ Saa chi chee ni koo ra loꞌo ikán nuu Ndioxi. Ni köꞌo ra ndixi ni vinu köꞌo ra, nditaxi ndiꞌi ra mií ra ndaꞌa Ndioxi. Nda tá kivi ñúꞌu ra tixin siꞌí ra ta koo ndee Tachi I̱í Ndioxi xiꞌin ra.

San Lucas 1:15 Referans Kwoze

Efesios 5:18

Ta sïxini ndo mií ndo xiꞌin nduta vino án ndá ka nduta ndixi ya sixini rá ndóꞌo̱, chi ìyo ni sindiꞌi xaꞌa ndo mií ndo. Ta vaꞌa ka taxi ndo mií ndo ndaꞌa Tachi I̱í ra, ná sikutu yaa ya vaꞌa nima ndo.

Gálatas 1:15

Sundi täꞌan ka vi kaku i, ñúꞌu ka va i tixin siꞌí i tá ndi̱kaxin Ndioxi yeꞌe, ta xaꞌa ya si̱niꞌi uun ra nuu i kúꞌvi ni ini ra xíni ra yeꞌe i̱kan ra ya mani xiꞌin i, ka̱na ra yeꞌe ya xaa chiñu i nuu ra.

Los Hechos 2:4

Ta Tachi I̱í Ndioxi kua xa̱a sata iin iin na, ñaa xa̱á iin iin na káꞌan na inka nuu tuꞌun ya káꞌan na inka ñuu. Tá íyo ya ta̱xi Tachi I̱í Ndioxi ndaꞌa na kaꞌan na, saa íyo ya xa̱á na káꞌan na.

San Lucas 7:33

Chi ki̱xi ra Juan, ra síkuchi naꞌa, ta ni köo ndi̱xixi vaꞌa ra, ni köo ndi̱xiꞌi ra vinu, ta káꞌan ndo xaꞌa ra tachi nduvaꞌa kúu mií ra, káchi ndo.

San Lucas 7:28

Ta saa ndi̱kaꞌan ka ra xiꞌin na, káchi ra saa. ―Ta ya ndaa kua káꞌan i xiꞌin ndo, ndiꞌi taa nda ka̱ku ndi̱kaꞌan ndoso tuꞌun yuꞌu Ndioxi, ta ra Juan ku ra chee ni nuu ndiꞌi nda. Sundi na táxi xáꞌnda chiñu Ndioxi nima na, na ikán ku na naꞌnu ni ka nuu ra Juan ―káchi Jesús xiꞌin na.

San Juan 5:35

Tá íyo ñu̱ꞌu̱ xíxi ta ndee ni ndíyeꞌe ya, saa ndi̱xiyo ra Juan, ta ndóꞌo̱ ta ku̱sini ni ndo xi̱ni soꞌo ndo ya ndi̱kaꞌan ra xiꞌin ndo, ta uvi ndaa kivi va kua ku̱sini ni ndo.

San Lucas 1:14

Chi ná kaku ra ta kusini ni ndo. Saa kuaꞌa ni inka naꞌa kusini ni na ná kaku ra.