San Juan 8:37 - Xochapa Mixteco

³⁷ Xa xíni i kúu ndo seꞌe sikua ra Abraham, sundi kúni ndo kaꞌni ndo yeꞌe xaꞌa ya köo kíndoo ini ndo xiꞌin tuꞌun káꞌan i xiꞌin ndo.

San Juan 8:37 Referans Kwoze

1 Corintios 2:14

Ta naꞌa, na köo íyo Tachi I̱í Ndioxi xiꞌin ta köo kúchiñu na kundaa ini na xaꞌa ya vaꞌa ke̱e nuu ndivi, chi tá káa tuꞌun ya kíꞌvi va saa káa ya nuu na. Köo kúchiñu na kundaa ini na xaꞌa ya, saa chi ndisaa naꞌa, na kúu mií Tachi I̱í Ndioxi ku na kúchiñu kúndaa ini xiꞌin ya.

ROMANOS 9:7

Ta ni süvi ndiꞌi tuku na kúu seꞌe ñani sikua ra Abraham, ku na kúu ndinuꞌu seꞌe ra, chi Ndioxi ndi̱kaꞌan ra xiꞌin ra Abraham, káchi ra saa: “Ndisaa seꞌe ñani sikua ra Isaac ku seꞌe ñani sikua un na ndixa ndinuꞌu”, káchi Ndioxi xiꞌin ra.

San Juan 7:1

Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.

San Juan 8:59

Tá xi̱ni soꞌo nda tuꞌun ikán, ta ndi̱saa ni nda, saa ti̱in nda yu̱ú kani ñaꞌa nda, saa ti̱seꞌe ra ta ke̱ta ra ini veꞌe ñuꞌu ndi̱yaꞌa sava ra maꞌñu na, kuaꞌan ra.

Los Hechos 13:26

―Na taꞌan yo, káꞌan i xiꞌin ndiꞌi ndóꞌo̱ kúu seꞌe sikua ra Abraham ndóꞌo̱ káñuꞌu ni Ndioxi. Ndaꞌa ndóꞌo̱ kua ti̱ꞌvi Ndioxi tuꞌun ra vaxi ya kundaa ini yo ndá kuꞌva kaku ndo.

San Juan 8:43

¿Ta ndachu küvi kundaa ini ndo ya káꞌan i xiꞌin ndo? Xaꞌa ya köo xíin ndo ndikiꞌin ndo tuꞌun ya káꞌan i xiꞌin ndo kua küvi kundaa ini ndo tuꞌun i.

San Juan 11:53

Ta nda kivi ikán xa̱á, chítaꞌan tuꞌun nda, ndá kuꞌva koo kaꞌni nda Jesús.

San Juan 7:19

’¿Án süvi ya ndaa kua si̱ndoo ra Moisés ley Ndioxi ndaꞌa ndo?, ta nda iin ndo köo xáa súvi ya káꞌan ya. ¿Ndachu kúni ndo kaꞌni ndo yeꞌe? ―káchi Jesús xiꞌin nda.

San Juan 10:31

Saa ti̱in tuku nda judío yu̱ú ya kani nda sata ra kuvi ra.

San Juan 8:6

Káꞌan nda saa xiꞌin ra ya xíto ndoso ñaꞌa nda, ta saa kuchiñu nda taxi nda kuachi xaꞌa ra. Ta saa ndi̱kuita ndee Jesús nuu ñuꞌú, xa̱á ra táa ra xiꞌin nduku ndaꞌa ra.

San Juan 7:25

Ta sava na ñuu Jerusalén xa̱á na káꞌan na, káchi na saa: ―¿Án süvi ra yóꞌó ku ra ndúku na chiñu ya kaꞌni ñaꞌa na?

San Juan 5:44

Köo xíin ndo kandixa ndo yeꞌe, saa chi kútoo ni ndo kaꞌan vaꞌa ndo xaꞌa taꞌan ndo, ta köo ndúku ndo ya kaꞌan vaꞌa Ndioxi xaꞌa ndo ―káchi ra xiꞌin nda.

San Mateo 13:15

Nima na yóꞌó ta xa ku̱teꞌe yu̱ú ya. Ndíkasi tuun na soꞌo na. Saa ndíkasi na nduchi nuu na, chi köo xíin na koto na. Ni köo xíin na kuni soꞌo na. Ya íkan na saa ta xïin na kundaa ini na ya ndaa, Ni köo xíin na kixi na nuu i ya sindaꞌa i na.

San Juan 8:33

Saa ndi̱kuiin na káꞌan na xiꞌin ra, káchi na saa: ―Ndeꞌe ta seꞌe sikua ra Abraham ku nde, ta nda iin ichí köo na sáta ndeꞌe ya koo nde moso nuu na. ¿Ta ndachu káꞌan un vaxi ichí ta saña nde koo ndíka nde, káchi un? ―káchi na xiꞌin ra.

San Mateo 3:9

Ta ndïkani ini ndo sikaku Ndioxi ndóꞌo̱ xaꞌa ya kúu ndo seꞌe sikua ra Abraham, káꞌán ndo. Chi mií Ndioxi ta kúu mií ra ichí ndisama ra yu̱ú yóꞌó nduu ya seꞌe sikua ra Abraham.

San Juan 8:56

Ta ra Abraham ra káꞌan ndo kúu iva ndo, ta xi̱ni i ku̱sini ni ra tá ndi̱kaꞌan Ndioxi xiꞌin ra ya kixi i ñuu ivi yóꞌó ―káchi Jesús xiꞌin nda.

1 Juan 2:14

Táa i nuu ndóꞌo̱ iva siꞌí saa chi xa xíni ndo Tata yo Jesucristo, ra xa íyo tá täꞌan xikoo ñuu ivi yóꞌó. Saa táa tu i nuu ndóꞌo̱ kuâán, saa chi ndee ni ndo ta xa ndi̱tiin tuꞌun Ndioxi nima ndo, ku̱chiñu ndo nuu kiti nǎꞌa.