San Juan 8:36 - Xochapa Mixteco

³⁶ Yakan kua tá tu ná saña ndíka Seꞌe Ndioxi ndóꞌo̱, ta saa kua ndixa saña ndo kuꞌun ndíka ndo ikan ra.

San Juan 8:36 Referans Kwoze

2 Corintios 3:17

Ta ya yóꞌó kua káꞌan xaꞌa Tata yo Jesucristo ya kúu ra Tachi, ta nuu íyo Tachi ra kua sáña ndíka naꞌa, köo núꞌni ka na.

Gálatas 5:1

Na taꞌan yo, xaꞌa ya sa̱ña Jesucristo yoo yakan vaꞌa íyo ndíka yo. Kuenta ni koo ndo, tuun ni kundikun ndo ichí nuu íyo ndíka ndo, ta täxi ndo nduu tuku ndo naꞌa, na íin tá íin naꞌa, na sa̱ta na xáa chiñu nuu na xiꞌin ya nduxa.

ROMANOS 8:2

Chi xaꞌa ya xa ndu̱u yo iin xiꞌin Cristo Jesús, yakan kúu mií yo ndee Tachi I̱í Ndioxi, ya táxi kutaku yo xiꞌin ra, saa sa̱ña ra yoo ndaꞌa ley ya síndikaꞌan ni ini yo kiꞌvi yo kuachi nuu Ndioxi ta kuvi yo.

San Lucas 4:18

Íyo Tachi I̱í Ndioxi xiꞌin i, saa ndi̱kaxin ya yeꞌe vaxi i ndituꞌun i tuꞌun vaꞌa xiꞌin na ndaꞌvi. Saa ti̱ꞌvi ya yeꞌe vaxi i sindaꞌa i na ndee ni taꞌvi nima. Ta ti̱ꞌvi ya yeꞌe vaxi i saña i na núꞌni xaꞌa kuachi na. Saa vaxi i kuna i nuu na kuáa̱, ta vaxi i chindee i na tíxuꞌvi.

1 Corintios 7:22

Saa chi tá ra sa̱ta naꞌa xáa chiñu nuu na kúu un tá kivi ka̱na Tata yo yóꞌo̱. Ta vitin xa ndi̱sa̱ña ndika un i̱kan Tata yo. Ta saa tu naꞌa, na ndóo ndika tá kivi ka̱na Tata yo na, ya kundikun na ra, ndu̱u na tá íin naꞌa, na sa̱ta ra ndíkun ñaꞌa na.