San Juan 8:28 - Xochapa Mixteco

²⁸ Xaꞌa ya ikán kua ndi̱kaꞌan ra xiꞌin nda, káchi ra saa: ―Vaxi kivi ta iin ichí chinuu sukun ndo yeꞌe, Taa ra xa̱a ñuu ivi yóꞌó. Ta saa kundaa ini ndo ya ndixa kua kúu i taa, ra ndi̱kaꞌan i xiꞌin ndo kúu i. Ta nda iin chiñu köo íkan iindaa mií i, ndisaa ya si̱naꞌa Iva i yeꞌe kua káꞌan i xiꞌin naꞌa.

San Juan 8:28 Referans Kwoze

San Juan 5:30

Ta ndi̱kaꞌan ka ra xiꞌin nda, káchi ra saa: ―Yeꞌe ta süvi xiꞌin ichí mií i kua xáa nani i kuachi naꞌa, tá íyo ya xíni soꞌo i saa íyo ya íkan i xiꞌin na, xiꞌin ya ndaa xáa nani i kuachi na, chi süvi xiꞌin ya kúni mií i íkan i ya, xiꞌin ya kúni mií Iva i Ndioxi ra ti̱ꞌvi yeꞌe vaxi i kua xáa nani i kuachi na.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 6:38

Saa chi yeꞌe ta ke̱e i nuu ndivi vaxi i ñuu ivi yóꞌó ikan i ya kúni Ndioxi, ta växi i xaa súvi i ya kúni mií i.

San Juan 3:14

Tá i̱kan ra Moisés iku yuyu xinaꞌa, si̱kuaꞌa ra iin ko̱ó chi̱nuu ra nuu itun sukun ni, ta saa xíniñuꞌu na ñuu ivi chinuu sukun na yeꞌe, Taa ra xa̱a ñuu ivi yóꞌó.

ROMANOS 1:4

Ta si̱taku Ndioxi ra tixin ndee Tachi I̱í ra, ndi̱taku ra tañu na ndíi, saa ndi̱kiꞌin ndiꞌi ra ichí ya kaꞌnda chiñu ra xaꞌa ya kúu ra Seꞌe Ndioxi.

Los Hechos 4:4

Sundi yáꞌa ni kuaꞌa ku mií na xi̱ni soꞌo ya ndi̱kaꞌan nda, ñaa xa̱á na kándixa na Jesús. Iin kuꞌva uꞌun mil ku ndisaa nda taa.

Los Hechos 2:41

Ta kuaꞌa ka vi ku na chi̱chi mi kivi ikán. Iin kuꞌva uni mil ku na chi̱chi xaꞌa ya ka̱ndixa na tuꞌun ya ndi̱kaꞌan ra Pedro xiꞌin na. Nda kivi saa ndi̱kitaꞌan na chi̱chi ikán xiꞌin na kándixa Jesús.

San Juan 19:18

Ta ikán chi̱nuu nda Jesús nuu cruzin, ta saa ti̱so tu nda uvi nda kuiꞌna nuu cruzin, iin nu iin nda ndóso nda nuu, ta maꞌñu nda ndíchi cruzin nuu ínuu Jesús.

San Juan 16:10

Saa chindee ya na kundaa ini na xaꞌa ichí ra ya kúu ya ichí ndaku. Saa chi yeꞌe ta ndiko koo i kuꞌun i nuu Iva i, ta ndóꞌo̱ ta küni ka ndo yeꞌe.

San Juan 11:42

Xíni i ndiꞌi saa ichí xíni soꞌo un káꞌan i xiꞌin un. Sundi ndi̱kaꞌan i saa xiꞌin un xaꞌa ndiꞌi naꞌa chútu ni yóꞌó ya ná kuni soꞌo ndiꞌi na, ta saa kundaa ini na ya ti̱ꞌvi un yeꞌe vaxi i ―káchi Jesús.

San Juan 8:24

Xaꞌa ya ñaa kua ndi̱kaꞌan i xiꞌin ndo, kuvi ndo xaꞌa kuachi ndo, chi tá tu köo xíin ndo kandixa ndo yeꞌe, ya kúu i taa, ra ndi̱kaꞌan i xiꞌin ndo ku i, ta kuvi ndo xaꞌa kuachi ndo ―káchi ra xiꞌin nda.

San Juan 3:11

Ya ndaa káꞌan i xiꞌin un, ndeꞌe ta káꞌan nde xaꞌa ya xíni̱ nde xiꞌin ya xíni xiꞌin nuu nde. Ya yóꞌó kua ndíkuiin nde xaꞌa káꞌan nde xiꞌin ndo. Ta köo xíin ndo kandixa ndo ya káꞌan nde xiꞌin ndo.

San Mateo 24:5

Saa chi kuaꞌa ni nda taa kixi ta kaꞌan nda xiꞌin ndo: “Yeꞌe ku Cristo, taa ra ti̱ꞌvi Ndioxi sikaku na ñuu ivi yóꞌó”, kachi nda xiꞌin ndo, ta kuaꞌa ni naꞌa sindaꞌvi nda.

San Marcos 13:6

Saa chi kuaꞌa ni taa kixi, ta ndikiꞌin nda nuu i sindaꞌvi nda ndóꞌo̱, kaꞌan nda xiꞌin ndo: “Yeꞌe ku Cristo, taa ra ti̱ꞌvi Ndioxi vaxi sikaku na ñuu ivi”, kachi nda xiꞌin ndo. Ta kuaꞌa ni naꞌa sindaꞌvi nda.

San Lucas 21:8

Ta saa ndi̱kuiin Jesús, káchi ra saa: ―Kuenta ni koo ndo ya ná sïndaꞌvi naꞌa ndóꞌo̱. Saa chi kixi sava taa sindaꞌvi nda ndóꞌo̱, kaꞌan nda xiꞌin ndo, nda ikán ku nda ti̱ꞌvi Ndioxi vaxi sikaku na ñuu ivi yóꞌó, kachi nda. Ta saa kaꞌan tu nda, xa yati ni ti̱ndaa tiempo, kachi nda xiꞌin ndo. Ta kündikun ndo nda.

San Juan 4:26

Saa ndi̱kaꞌan Jesús xiꞌin yá, káchi ra saa: ―Ra káꞌan un xaꞌa ñaa ku yeꞌe va ―káchi ra xiꞌin yá.

San Juan 8:27

Ta köo ndi̱kundaa ini nda ikán xaꞌa Iva yo Ndioxi kua ndi̱kaꞌan ra xiꞌin nda.

San Juan 8:58

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin ndo, tá täꞌan ka vi koo ra Abraham, ta yeꞌe ta xa íyo va i ―káchi ra xiꞌin nda.

San Juan 13:19

Xa vitin ka káꞌan i xiꞌin ndo, ya kundaa kuee ini ndo, tá ti̱ndaa ya kuu saa, ta kandixa ndo ya kúu i taa ra kúu i.

San Juan 18:32

Ndi̱kaꞌan nda saa nuu ndi̱xinu ya xa ndi̱kaꞌan Jesús yachi, ndá kuꞌva kua kundoꞌo ra kuvi ra.