San Juan 7:13 - Xochapa Mixteco

¹³ Ta nda iin na köo káꞌan túvi xaꞌa ra nuu inka naꞌa, chi íꞌvi na nuu na chiñu naꞌnu nuu na judío.

San Juan 7:13 Referans Kwoze

San Juan 9:22

Ndi̱kaꞌan iva siꞌí ra saa xaꞌa ya íꞌvi na nuu nda naꞌnu nuu na judío, chi xa chi̱taꞌan tuꞌun nda tá ndá naꞌa káꞌan xaꞌa Jesús ya kúu ra Cristo, ta tava ndaꞌa ñaꞌa nda ini veꞌe ñuꞌu sinagoga, káchi nda.

San Juan 19:38

Ta sindiꞌi tá ku̱u ndiꞌi ya yóꞌó, saa ndi̱xaꞌan ra José ra ke̱e ñuu Arimatea, nuu ra Pilato ndu̱ku ra ichí nuu ra, ya taxi ra ikin kuñu Jesús ndaꞌa ra ya sinduxin ñaꞌa ra. Ta saa ta̱xi ra Pilato ichí ndaꞌa ra ya kuꞌun ikin kuñu Jesús xiꞌin ra si̱nduxin ra. Ta ra ikán xi̱ndikun sěꞌe ñaꞌa ra, xaꞌa ya íꞌvi ra nuu na chiñu nuu na judío.

San Juan 20:19

Ta ñǔu suvi mi kivi ikán, kivi domingo kivi nuu xaꞌa semana, ndi̱kitaꞌan ndiꞌi nda xi̱taꞌan xiꞌin ra ndóo nda ini veꞌe. Ta ndási tuun yeꞌe ndóo nda, xaꞌa ya íꞌvi nda nuu na chiñu. Saa iin ku̱u soꞌva ndi̱tuvi Jesús ndíchi ra maꞌñu nuu ndóo nda, saa chi̱ndee ra nda, káchi ra saa: ―Ná koo vaꞌa ni ini ndo ―káchi ra xiꞌin nda.

El Apocalipsis 2:13

Ta xíni ndiꞌi i ya íkan ndo, saa xíni i ya ndóo ndo ñuu nuu xáꞌnda chiñu kiti nǎꞌa náni Satanás. Ni saa va, sundi ndóꞌo̱, ta nda iin kivi köo síndoo ndo ichí i. Kándixa ni ndo yeꞌe. Ni tá xa̱ꞌni na ra Antipas taꞌan ndo, ra ndee ni xi̱ndikun yeꞌe, xaꞌa ya ikán kua xa̱ꞌni na ra. Chi ñuu nuu ndóo ndo ñaa, ta kiti nǎꞌa, kiti Satanás va ku ri xáꞌnda chiñu nuu ya.

San Juan 9:34

Saa ndi̱kuiin nda ndi̱kaꞌan nda xiꞌin ra, káchi nda saa: ―Tixin kuachi ka̱ku un, ta ni köo ichí kúu mií un ya sinaꞌa un ndeꞌe ―káchi nda xiꞌin ra. Saa ta̱va ndaꞌa nda ra veꞌe ñuꞌu sinagoga ke̱ta ra kuaꞌan ra.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 7:1

Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.

San Juan 7:11

Saa xa̱á nda chiñu nuu na judío ndúku nuu nda Jesús, káchi nda saa: ―¿Mií chí ndíkaa ra ikán? ―káchi nda.

San Juan 7:15

Ta iin ndi̱kanda ini nda chiñu nuu na judío xíni soꞌo nda káꞌan ra, saa xa̱á nda káꞌan nda, káchi nda saa: ―¿Ndachu vaꞌa xíni ni ra, ta süvi ra ndi̱sikuaꞌa ku ra? ―káchi nda.