San Juan 6:44 - Xochapa Mixteco

⁴⁴ Nda iin naꞌa küvi kixi nuu i, tá tu süvi mií Iva i, ra ti̱ꞌvi yeꞌe vaxi i, ku ra ndáka na vaxi na nuu i, ta yeꞌe sitaku i na kivi sindiꞌi.

San Juan 6:44 Referans Kwoze

San Juan 6:65

Saa ndi̱kaꞌan ka ra xiꞌin na, káchi ra saa: ―Xaꞌa ya yóꞌó kua ndi̱kaꞌan i xiꞌin ndo, nda iin naꞌa ta küvi kixi na kundikun na yeꞌe, tá tu süvi mií Iva i ku ra ndáka na vaxi na nuu i ―káchi ra xiꞌin na.

San Juan 12:32

Ta yeꞌe tá ná sindaa naꞌa yeꞌe ndikunuu sukun i, ta saa kua ndixita i ndiꞌi ni kúu na ñuu ivi kixi na nuu i ―káchi Jesús xiꞌin na.

San Mateo 16:17

Saa ndi̱kaꞌan Jesús xiꞌin ra: ―Ná kusini ni un Simón, seꞌe ra Jonás, saa chi süvi naꞌa, na ñuu ivi yóꞌó ku na ndítaxi ya xínituni un. Iva i Ndioxi, ra íyo nuu ndivi ni̱nù ku ra i̱kan saa xiꞌin un ―káchi Jesús xiꞌin ra.

San Juan 6:45

Tuꞌun Ndioxi ya ta̱a nda ndi̱kaꞌan ndoso tuꞌun yuꞌu ra kuiya xinaꞌa káchi ya saa: “Ndioxi sinaꞌa ra ndiꞌi naꞌa”, káchi ya. Ndiꞌi na xíni soꞌo ya sínaꞌa Iva i Ndioxi ta si̱kuaꞌa na nuu ra. Na ikán ku na vaxi nuu i.

San Juan 5:44

Köo xíin ndo kandixa ndo yeꞌe, saa chi kútoo ni ndo kaꞌan vaꞌa ndo xaꞌa taꞌan ndo, ta köo ndúku ndo ya kaꞌan vaꞌa Ndioxi xaꞌa ndo ―káchi ra xiꞌin nda.

Colosenses 2:12

Chi tá kivi chi̱chi ndo xaꞌa ya kándixa ndo Jesucristo, ta kúni kachi ya, tá íin ndo ndi̱nduxin xiꞌin ra saa íin ndo, ta ndi̱taku ndo xiꞌin ra xaꞌa ya ndáa ni ini ndo xíni ndo Ndioxi ya si̱taku ra Tata yo Jesucristo tá ndi̱xiꞌi ra.

Filipenses 1:29

Ta mií Ndioxi ku ra chi̱kaa ya vaꞌa ndóꞌo̱ ya kandixa ndo Cristo xiꞌin ya ndoꞌo ni ndo xaꞌa ra.

San Juan 8:43

¿Ta ndachu küvi kundaa ini ndo ya káꞌan i xiꞌin ndo? Xaꞌa ya köo xíin ndo ndikiꞌin ndo tuꞌun ya káꞌan i xiꞌin ndo kua küvi kundaa ini ndo tuꞌun i.

San Mateo 12:34

Saa ndóꞌo̱, káꞌan i xiꞌin ndo: ¡Tá íin seꞌe kiti ko̱ó saa íin ndo, káchi i! Chi süvi ndóꞌo̱ vaꞌa ku ndo, yakan küvi kaꞌan ndo ya vaꞌa. Chi tá kuꞌva íyo nima ndo, saa íyo tuꞌun káꞌan ndo.

San Juan 6:43

Saa ndi̱kaꞌan Jesús xiꞌin na, káchi ra saa: ―Xa vaꞌa, käꞌan kuachi ka ndo xaꞌa i.