San Juan 6:29 - Xochapa Mixteco

²⁹ Saa ndi̱kuiin ra ndi̱kaꞌan ra, káchi ra saa: ―Ya yóꞌó kua kúni Ndioxi xaa súvi ndo nuu ra: Kandixa ndo Taa, ra ti̱ꞌvi ra vaxi nuu ndo ―káchi ra xiꞌin na.

San Juan 6:29 Referans Kwoze

1 Juan 3:23

Ta ya yóꞌó kua xáꞌnda chiñu Ndioxi nuu yo: Ná kandixa yo Seꞌe ra, ra kúu Jesucristo, ta ná kuꞌvi ini yo kuni taꞌan yo, tá kuꞌva xáꞌnda chiñu ra nuu yo.

Los Hechos 16:31

Saa ndi̱kuiin ra Pablo káꞌan ra: ―Xíniñuꞌu un kandixa un Tata yo Jesucristo, saa kuchiñu un kaku un, ta saa tu na veꞌe va un ―káchi ra xiꞌin ra.

HEBREOS 5:9

Yakan tá sindiꞌi ra xa̱a súvi ra ndiꞌi ya ndi̱kaꞌan Ndioxi xiꞌin ra, saa kua ndi̱xinu ra ndu̱u ra taa, ra ndee ni ndixa xíniñuꞌu yo ya sikaku ra yoo koo yo xiꞌin ra ndiꞌi saa ichí tá tu xáa súvi yo ya káꞌan ra.

San Juan 3:36

Ta ndiꞌi na kándixa Seꞌe ra, ta táku na xiꞌin Ndioxi ndiꞌi saa kivi, sundi na köo xíin kandixa Seꞌe ra ta küchiñu na kutaku na, ndiꞌi saa kivi saá ini Ndioxi kuni ñaꞌa ra ―káchi ra Juan.

1 Juan 5:1

Ndiꞌi na kándixa ya ti̱ꞌvi Ndioxi Jesús ki̱xi ra sikaku ra yoo, ta na ikán ta seꞌe Ndioxi ndu̱u na. Ndiꞌi na kúꞌvi ini xíni Iva yo, ta kúꞌvi tu ini na xíni na ndiꞌi seꞌe va ra.

San Marcos 16:16

Ndiꞌi na kándixa yeꞌe ta chíchi na, na ikán ku na kaku, sundi na köo xíin kandixa yeꞌe ta kuvi na niꞌi na tindoꞌo.

San Juan 5:39

Tá káꞌvi ndo Tuꞌun Ndioxi ya ta̱a na xinaꞌa, ta vií ni káꞌvi ndo ya, chi ndíkani ini ndo nuu ya ikán kua nditaꞌan ndo ndá kuꞌva kutaku ndo koo ndo xiꞌin Ndioxi ndiꞌi saa kivi ya vaxi. Ta tuꞌun Ndioxi ikán kua káꞌan xaꞌa i.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Juan 6:28

Saa ndi̱kaꞌan na xiꞌin ra, káchi na saa: ―¿Unkua xíniñuꞌu nde ikan nde, ya kuchiñu nde xaa súvi nde ya kúni Ndioxi? ―káchi na xiꞌin ra.

San Juan 6:38

Saa chi yeꞌe ta ke̱e i nuu ndivi vaxi i ñuu ivi yóꞌó ikan i ya kúni Ndioxi, ta växi i xaa súvi i ya kúni mií i.

San Juan 6:57

Iva i Ndioxi ra ti̱ꞌvi yeꞌe vaxi i, ta táku ra. Xaꞌa ya táku ra ikán kua táku tu yeꞌe va. Ta saa tu ndiꞌi na xíxi kuñu i kutaku na, chi táku yeꞌe ini na.

1 Tesalonicenses 1:3

Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.

Santiago 2:22

Ta xiꞌin ya i̱kan xií síkua yo ra Abraham kua kúndaa ini yo süvi iindaa ya ndáa ini yo Ndioxi kua ndáa yaꞌvi. Chi ndáa yaꞌvi ni tu ya vaꞌa xáa súvi yo chiñu nuu Ndioxi va.

El Apocalipsis 2:26

Ndiꞌi naꞌa, na kúndee nuu ya väꞌa, xaꞌa ya ndíkun na yeꞌe, ta xáa súvi na ya kúni i ndiꞌi saa kivi. Na ñaa ku na taxi i ichí ndaꞌa ya kaꞌnda chiñu na nuu ndiꞌi naꞌa, na ndóo ndiꞌi ni kúu xaꞌa ñuu ivi yóꞌó.