San Juan 6:27 - Xochapa Mixteco

²⁷ Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

San Juan 6:27 Referans Kwoze

Colosenses 3:2

Ta ná ndikani ni ini ndo xaꞌa ñaꞌa ya íyo nuu ndivi, ta ndïkani ini ndo xaꞌa ya íyo ñuu ivi yóꞌó.

San Juan 6:54

Chi na yáxi kuñu i tin xíꞌi na nií i ta kuchiñu na kutaku na ndiꞌi saa kivi, ta kivi sindiꞌi sitaku i na ikán.

2 Timoteo 2:19

Sundi mií Iva yo Ndioxi ta xa ndee ni tuun chi̱nduꞌu ra tuꞌun ra, ya ndaa, ya káa tá káa yu̱ú ya tuun ni ñúꞌu xaꞌa veꞌe, ta nuu ya ikán kua ta̱a ra, káchi ra saa: “Xíni vaꞌa va mií Tata yo Jesucristo unku na kuu seꞌe ra”, káchi ya. Ta saa káꞌan tuku ya, káchi ya saa: “Ta ndiꞌi na kándixa Tata yo Jesucristo ta xíniñuꞌu na sindikoo na ya väꞌa íkan na”.

San Juan 6:40

Ya chi̱tuni Iva i Ndioxi, ra ti̱ꞌvi yeꞌe vaxi i kua yóꞌó: ndiꞌi na xíni yeꞌe, ra kúu Seꞌe Ndioxi, ta kándixa na yeꞌe ta kuchiñu na kutaku na ndiꞌi saa kivi, ta ná sitaku i na kivi sindiꞌi ―káchi Jesús xiꞌin na.

ROMANOS 6:23

Saa chi naꞌa, na íkan kuachi ta yaꞌvi na ya cháꞌvi kuachi na nuu na kua ndiꞌi xaꞌa na, kuvi na nuu Ndioxi. Sundi yoo ta si̱niꞌi Ndioxi ya vaꞌa nuu yo ya kutaku yo xiꞌin ra ndiꞌi saa kivi, ta nda iin ichí ndïꞌi xaꞌa yo, xaꞌa ya xa iin ndu̱u yo xiꞌin Tata yo Cristo Jesús.

San Juan 10:28

Ta yeꞌe taxi i kutaku ri ndiꞌi saa tiempo, nda iin ichí ndïꞌi xaꞌa ri, ta ni naꞌa ta nda iin na küchiñu kindaa ri ndaꞌa i.

San Juan 6:51

Mií yeꞌe ku xita vaꞌa ya táku ya nùù nuu ndivi, ndiꞌi na xíxi xita vaꞌa yóꞌó ta nda iin ichí ndïꞌi xaꞌa na. Ta xita vaꞌa ya táxi i ndaꞌa na ku ikin kuñu i, ya soko i xaꞌa ndiꞌi na ñuu ivi yóꞌó ya kutaku na ―káchi Jesús xiꞌin na.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

San Juan 17:2

Chi yóꞌo̱ ku ra ta̱xi ichí ndaꞌa i xaꞌa ndiꞌi na ñuu ivi na ta̱xi un ndaꞌa i yóꞌó, ya ná taxi i ichí ndaꞌa na kutaku na ndiꞌi saa kivi.

San Mateo 6:19

Saa ndi̱kaꞌan tuku Jesús, káchi ra saa: ―Küni ndo koo kuaꞌa ni ya kuika ndo ñuu ivi yóꞌó, chi ìyo kiꞌvi kiti tikixin kaxi ndiꞌi ri ya án kuxin ya ta ndiꞌi xaꞌa ya. Ni na kuiꞌna ta ìyo ni kiꞌvi na sikuiꞌna na ya.

San Juan 6:58

Ta kuñu i tá káa xita vaꞌa ya ndinuꞌu saa íyo ya, chi ki̱xi ya nuu Ndioxi. Ta ni köo ítaꞌan xita vaꞌa yóꞌó xiꞌin xita vaꞌa ya náni maná ya xi̱xi xii sikua yo, chi na ikán ta ndi̱xiꞌi ndiꞌi na. Sundi na xíxi xita vaꞌa ya ndinuꞌu ya kúu kuñu i ta kutaku na ndiꞌi saa kivi ya vaxi, nda iin kivi ndïꞌi xaꞌa na ―káchi Jesús xiꞌin na.

2 Pedro 1:17

Tá ndi̱kaꞌan Iva yo Ndioxi xiꞌin ra, saa kua ta̱xi ra ya chee ni xiꞌin ya toꞌo ni ndaꞌa ra, ke̱e ya nuu luvi ni káa nuu mií Iva yo Ndioxi, káchi ra saa: “Ra yóꞌó ku Seꞌe mani mií i, ra kúꞌvi ni ini i xíni i, kúsini ni i xiꞌin ra”, káchi Ndioxi.

Filipenses 2:13

Saa chi Ndioxi ku ra chíkaa ya vaꞌa ini ndo ya kuni ndo ikan ndo ya vaꞌa, ta suvi ra chíndee ndóꞌo̱ ya xaa súvi ndo ya kúni mií ra.

1 Pedro 1:24

Tá káchi tuꞌun ra ya ta̱a na xinaꞌa, káchi ya saa: Tá íin i̱ku̱ kuií saa íin ndiꞌi na ñuu ivi yóꞌó. Ta ndiꞌi ya saví án ya vaꞌa ni náꞌa kúu mií na, ta tá íin ita ikú va saa íyo ya.

San Lucas 3:22

Saa nu̱u Tachi I̱í Ndioxi, tá káa kiti sata, saa káa ya nu̱u xíka nuu ya xiní ra. Ta saa xi̱ni soꞌo na ndóo ikán ndi̱kaꞌan Ndioxi xiꞌin Jesús, káchi ra saa: ―Yóꞌo̱ ku seꞌe mani i, ta íyo vaꞌa ni ini i xíni i yóꞌo̱ ―káchi ra.

1 Tesalonicenses 1:3

Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.

Colosenses 1:29

Xaꞌa ya yóꞌó kua chíkaa ni i ndee xiꞌin chiñu ya íkan i nuu Tata yo Jesucristo, chi mií ra ku ra táxi ni ndee ndaꞌa i xáa chiñu ni i nuu ra xiꞌin ndee ra ya ndee ni íyo xiꞌin i.

San Juan 3:33

Sundi tá kúu na kándixa tuꞌun káꞌan ra, na yóꞌó ku na ndíkuiin xaꞌa Ndioxi, ya kúu ra, ra ndaa ni.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

San Juan 6:68

Saa ndi̱kuiin ra Simón Pedro, káchi ra saa: ―Tata, ¿unku ka na kuꞌun nde nuu? Ta iindaa yóꞌo̱ ku un ndítuꞌun tuꞌun ya táxi kutaku nde ndiꞌi saa kivi.

San Lucas 9:35

Ta tañu vikó ikán xi̱ni soꞌo nda káꞌan Ndioxi xiꞌin nda káchi ra saa: ―Ra yóꞌó ku Seꞌe mani i, ra kúꞌvi ni ini i xíni i. Kuni soꞌo ndo tuꞌun káꞌan ra xiꞌin ndo ―káchi Ndioxi xiꞌin nda.

HEBREOS 12:16

Ta nda iin ndóꞌo̱, käka sií xiꞌin ñaꞌa án xiꞌin taa, ta ni kündasi nuu ndo kuni ndo Ndioxi tá kuꞌva i̱kan ra Esaú xinaꞌa. Chi xaꞌa ya kúu ra seꞌe núnu̱ú iva siꞌí ra kua ku̱u mií ra ichí ya ndikiꞌin ra ya vaꞌa ndaꞌa na, sundi ra ikán, ta ndi̱xiko ra ya xaꞌa iin koꞌo loꞌo ñaꞌa xíxi.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

HEBREOS 4:11

Yakan kua xíniñuꞌu yo chikaa ni yo ndee ya ná kiꞌvi yo nuu ndikundee yo xiꞌin ra. Süvi ka vi ya ndoꞌo yó tá ndo̱ꞌo na xii sikua yo köo ndi̱xiin na kandixa ñaꞌa na, xaꞌa ya ikán kua köo ndi̱kuchiñu na kiꞌvi na koo na nuu ndikundee na xiꞌin ra.

Colosenses 2:22

Ta ndiꞌi ñaꞌa ya káꞌan na xaꞌa xiꞌin ndo tá xíxi ndo ya án tá xíꞌi ndo ndá ka nduta ta rá ndíꞌi xaꞌa va ku rá. Yakan ya ñaa ta ya vaxi xi̱ní mií na ivi yóꞌó va kua sínaꞌa na, süvi ya xáꞌnda chiñu Ndioxi kua.

1 Corintios 9:2

Vani köo xíin sava na ndikuni na yeꞌe, ya xíka i chiñu nuu Tata yo Jesucristo, sundi ndóꞌo̱ ta ndíkuni va ndo yeꞌe ya xáa chiñu i nuu ra. Chi ndóꞌo̱ ta tá káa sello ya xáni tutu, saa íin ndo, chi xa kándixa ndo Tata yo Jesucristo vitin. Yakan ndóꞌo̱ ku ndo ndíkuiin xaꞌa i ya xíka i chiñu nuu ra.

1 Corintios 6:13

Ta saa káꞌan tuku sava ndo: “Ñaꞌa xíxi yo ta tixin yo kuaꞌan ya, ta suvi ni mií Ndioxi ku ra si̱kuaꞌa tixin yo nuu kuaꞌan ñaꞌa xíxi yo”, káchi ndo. Ni saa va ta ya ndíꞌi xaꞌa ku uvi saa va ya. Sundi ikin kuñu yo, ta köo ndi̱sikuaꞌa ra ya, ya ikan yo ndisaa chiñu kíꞌvi xiꞌin ya. Xaꞌa ya xaa kaꞌnu yo Tata yo Jesucristo va kua si̱kuaꞌa ra ya, ta suvi ni mií ra ku ra xáꞌnda chiñu nuu ikin kuñu yo.

ROMANOS 4:11

Ta sindiꞌi vi ndi̱kunuu tuni Ndioxi ra chi xa yachi ka vi ka̱ndixa ni ra Ndioxi. Ta xaꞌa ya ka̱ndixa ni ra yakan ndu̱u ra, ra vaꞌa nuu Ndioxi. Ta saa ndu̱u ra Abraham tá káa iva ndiꞌi ni kúu naꞌa, na ndinuꞌu ni kándixa Ndioxi, vani köo tuni Ndioxi kúu mií sava na. Ta xaꞌa ya kándixa na tá kuꞌva ka̱ndixa ra Abraham Ndioxi, xaꞌa ya ikán kua ndu̱u na, na vaꞌa, na köo ka kuachi kúu mií nuu ra.

San Juan 15:24

Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 11:42

Xíni i ndiꞌi saa ichí xíni soꞌo un káꞌan i xiꞌin un. Sundi ndi̱kaꞌan i saa xiꞌin un xaꞌa ndiꞌi naꞌa chútu ni yóꞌó ya ná kuni soꞌo ndiꞌi na, ta saa kundaa ini na ya ti̱ꞌvi un yeꞌe vaxi i ―káchi Jesús.

San Juan 8:18

Ta yeꞌe ndíkuiin i xaꞌa mií va i. Ta saa tu Iva i ra ti̱ꞌvi yeꞌe vaxi i, ndíkuiin ra xaꞌa i ―káchi Jesús xiꞌin nda.

San Marcos 9:7

Káꞌan ra saa, ñaa nu̱u viko iin ndi̱kasi yaa ñaꞌa ya. Ta tañu viko ikán xi̱ni soꞌo nda tachi Ndioxi, káchi ya saa: ―Ra yóꞌó ku Seꞌe mani i, ra kúꞌvi ni ini i xíni i. Vaꞌa kuni soꞌo ndo ya káꞌan ra ―káchi Ndioxi xiꞌin nda.

San Marcos 1:11

Saa ke̱ta tachi Ndioxi nuu ndivi ndi̱kaꞌan ya xiꞌin ra, káchi ya saa: ―Yóꞌo̱ ku Seꞌe mani i, ta íyo vaꞌa ni ini i xíni i yóꞌo̱ ―káchi Ndioxi xiꞌin ra.

San Mateo 17:5

Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa: ―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.

San Mateo 3:17

Saa táku ndi̱kaꞌan Ndioxi nuu ndivi, káchi ra saa: ―Ra yóꞌó ku Seꞌe i, ra kúꞌvi ni ini i xíni i, ta kúsini ni i xiꞌin ra ―káchi Ndioxi xaꞌa Jesús.

Santiago 1:11

Chi tá kétá ñu̱ꞌù saa ndísaa ni, ñaa xáa íchi mií i̱ku ya, saa xáa ya kóyo ita ya, ta ndíꞌi xaꞌa ya ndee ni luvi kúu mií ya. Ta saa kundoꞌo naꞌa, na kuika. Uvi ndaa va kivi ndee ni xáa chiñu na nuu ya kuika kúu mií na, saa ndiꞌi xaꞌa na kundoꞌo na tá ndóꞌo ita.

2 Corintios 4:18

Xaꞌa ya ñaa kua köo xíka ini nde xaꞌa ñaꞌa ya vaꞌa xíto xiꞌin nuu yo, chi ya küvi kuni yo ku ya ndáa yaꞌvi ni ka nuu nde. Saa chi ñaꞌa ya xíni xiꞌin nuu yo ta kama ni va ndíꞌi xaꞌa ya, sundi ñaꞌa ya köo xíni xiꞌin nuu yo ta ndiꞌi saa va ichí íyo ya.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Juan 3:15

Yakan kua ndiꞌi na ndáa ni ini xíni yeꞌe, ta ndïꞌi xaꞌa na, sundi kutaku na xiꞌin Ndioxi ndiꞌi saa kivi ya vaxi.

San Juan 6:47

Ya ndaa káꞌan i xiꞌin ndo: Ndiꞌi na kándixa yeꞌe ta xa táku na ndiꞌi saa kivi.

San Juan 6:53

Saa ndi̱kaꞌan Jesús xiꞌin nda, káchi ra saa: ―Ya ndaa ku tuꞌun yóꞌó: Tá tu köo xíin ndo kuxi ndo kuñu i, ni köo xíin ndo koꞌo ndo nií yeꞌe Taa ra xa̱a ñuu ivi yóꞌó, ta küchiñu ndo kutaku ndo.

San Juan 6:62

Tá tu saa ta, ¿unkua ndíkani ini ndo tá ná kuni ndo Yeꞌe, ra kúu Taa ra xa̱a ñuu ivi yóꞌó, ya ná ndaa i kuꞌun i nuu ndivi nuu ndi̱xiyo i yachi? ―káchi ra xiꞌin na.