Biblia Todo Logo
Bib sou entènèt

- Piblisite -




San Juan 4:21 - Xochapa Mixteco

21 Saa ndi̱kaꞌan ra xiꞌin yá, káchi ra saa: ―Nana, kandixa un ya káꞌan i xiꞌin un. Chi vaxi kivi ta köo xíniñuꞌu ndo kixi ndo xaa toꞌo ndo Iva yo Ndioxi nuu xiki yóꞌó, ni ñuu Jerusalén ta küꞌun ka na judío xaa toꞌo na Ndioxi.

Gade chapit la Kopi




San Juan 4:21
20 Referans Kwoze  

Ta ya yóꞌó kua kúni i ná ikan ndiꞌi nda taa: Vaꞌa ná kaꞌan nda xiꞌin Ndioxi ndiꞌi ni kúu ñaꞌñu nuu ndíkitaꞌan ndo xáa kaꞌnu ndo ra. Ta vaꞌa ná ndaniꞌi ndaꞌa nda nuu ndivi kaꞌan nda xiꞌin ra, i̱í ná koo ini nda, ta ná säa ini nda kuni nda naꞌa, ni ná käni taꞌan nda xiꞌin nda iin naꞌa.


Ta vitin xaꞌa ya i̱kan Jesucristo xaꞌa yo kua vaꞌa kuchiñu ndiꞌi ndaa yo kuyati yo nuu Iva yo Ndioxi tixin ndee Tachi I̱í ra.


Ta kama ni tindaa kivi, ta xa vitin ku kivi nuu xíniñuꞌu ndiꞌi na ndixa ni xáa kaꞌnu Ndioxi, ya xaa kaꞌnu ñaꞌa na tixin Tachi I̱í ra xiꞌin ya ndaa. Saa chi saa kúni Iva yo Ndioxi, ndúku ra taꞌan na ñaa ya ná xaa kaꞌnu ñaꞌa na.


Saa chi nuu ndíkitaꞌan uvi ndo, án uni ndo tixin kivi yeꞌe, ta ikán íyo i xiꞌin ndo ―káchi Jesús.


Xaꞌa ya ñaa kua síkusiti i nuu Iva yo Ndioxi, ra kúu Iva Tata yo Jesucristo, ta káꞌan i xiꞌin ra xaꞌa ndo,


Ta kama ni tindaa hora, siloꞌo ni kúmani ta kuita niꞌnu ndiꞌi ndo kuꞌun ndo, ta sindoo ndaꞌa ndo yeꞌe. Sundi yeꞌe ta köo íyo mií i, chi Iva i ta íyo ra xiꞌin i.


Chi vaxi kivi ta tava ndaꞌa na chiñu naꞌnu nuu na judío ndóꞌo̱ ini veꞌe ñuꞌu sinagoga. Ta saa ni kuni na kaꞌni na ndóꞌo̱, saa chi tá íkan na saa xiꞌin ndo ta vaꞌa ni xáa súvi na ya kúni Ndioxi, kaꞌán na.


Ta ndïkanda ni ini ndo xaꞌa ya xi̱ni soꞌo ndo ndi̱kaꞌan i xiꞌin ndo, chi vaxi kivi ta kuni soꞌo ndiꞌi na ndíi, na xa ndi̱nduxin, kuni soꞌo na tachi ra.


Ta ndóꞌo̱, tá káꞌan ndo xiꞌin Ndioxi, ta kaꞌan ndo xiꞌin ra ya kúu ra Iva ndo. Ta vaꞌa va chi köo ndi̱kaxin ra nda iin naꞌa, iin kuꞌva xáa nani ra kuachi xiꞌin ndiꞌi na. Xaꞌa ya ñaa kua xíniñuꞌu ndo xaa súvi ndo ndiꞌi ñaꞌa íkan ndo xiꞌin ya toꞌo, nani ndóo naꞌa ndo ñuu ivi yóꞌó.


Saa xi̱ni soꞌo tu nde káꞌan ra xaꞌa Jesús ra ñuu Nazaret, ya sindiꞌi ra xaꞌa veꞌe ñuꞌu yo ya kaꞌnu, ta ndinama ra ichí yo ya si̱ndoo xií yo ra Moisés ndaꞌa yo, káchi ra ―ka̱chi nda xiꞌin na chiñu ikán.


Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.


Ta ya ndaa káꞌan i xiꞌin ndo, vitin ti̱ndaa kivi ta kuni soꞌo na ndíi tachi Ra kúu Seꞌe Ndioxi. Ta na xíni soꞌo ya káꞌan ra ta kutaku na.


Saa koyo sava na kuvi na xiꞌin i̱chi. Ta sava na tiin taku nda lapa na kuꞌun na xiꞌin nda ndiꞌi ni kúu ñuu. Ta na inka ñuu, na köo xíni Ndioxi ku na kixi sindiꞌi xaꞌa ñuu Jerusalén yóꞌó. Saa kuu ndakua xinu ndiꞌi ya ndi̱kaꞌan Ndioxi ―káchi Jesús xiꞌin nda.


Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.


Ta nda iin veꞌe ñuꞌu köo ndi̱xini i mi ñuu i̱í chee ikán, saa chi mií Iva yo Ndioxi ra ndee ni ndee ku ra ku veꞌe ñuꞌu xiꞌin Tata yo Jesucristo ra kúu Levo ku ra íyo xiꞌin ra.


Swiv nou:

Piblisite


Piblisite