San Juan 3:2 - Xochapa Mixteco

² Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 3:2 Referans Kwoze

San Juan 5:36

Sundi íyo inka ya ndíkuiin xaꞌa i, ta ndee ni ka ya ikán nuu ya ndi̱kaꞌan ra Juan. Ta ya ikán ku chiñu ya ndi̱kaꞌan Iva i Ndioxi xiꞌin i ikan i. Ta chiñu ikán ku ya ndíkuiin teꞌe xaꞌa i, ya ndixa kua ti̱ꞌvi Iva i yeꞌe vaxi i.

Los Hechos 10:38

Ta xi̱ni soꞌo ndo ndá kuꞌva ta̱xi Ndioxi ndee ndaꞌa Jesús ndu̱ndee ra xiꞌin Tachi I̱í Ndioxi ya xa̱a ndúvi ra chiñu nuu Ndioxi. Ta nina ya vaꞌa i̱kan Jesús saa chi Ndioxi íyo xiꞌin ra. Ta ndi̱xika ra si̱ndaꞌa ra na kúꞌvi, saa chi̱ndee ra na kúu mií tachi nduvaꞌa.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

San Juan 9:16

Saa ndi̱kuiin sava nda fariseo káꞌan nda, káchi nda saa: ―Taa, ra i̱kan saa xiꞌin un, ta süvi nuu Ndioxi ndi̱kee ra, chi köo ndi̱xaa súvi ra kivi i̱í ya ndíkundee yo ―káchi nda xiꞌin ra. Ta sava na káꞌan: ―¿Ndachu vaꞌa íkan ra yatuꞌun, tá tu ra íyo kuachi ku ra? ―káchi na. Iin ndi̱saka soꞌva ini nda.

San Juan 12:37

Ni kuaꞌa ni yatuꞌun Ndioxi xi̱ni na judío íkan Jesús ta köo ndi̱xiin na kandixa ñaꞌa na.

San Juan 1:38

Saa ndi̱ko koo Jesús ndikoto ra sata ra, ta xi̱ni ra ndíkun nda kuaꞌan nda sata ra, ta saa ndi̱kaꞌan ra xiꞌin nda, káchi ra saa: ―¿Unkua kúni ndo? ―káchi ra xiꞌin nda. Saa ndi̱kuiin nda káꞌan nda: ―Rabí ¿míí ku nu íyo un? ―káchi nda xiꞌin ra. Ta tuꞌun “Rabí” kúni kachi ya “Maestro”.

San Mateo 22:16

Ñaa ti̱ꞌvi nda ikán nda taꞌan nda, nda ítaꞌan xiꞌin nda ñúꞌu xiꞌin partido ra Herodes, saa ndi̱xaa nda nuu Jesús ndi̱kaꞌan nda xiꞌin ra, káchi nda saa: ―Tata Maestro, xíni nde ya káꞌan un ya ndaa. Ta ndinuꞌu ni ini un sínaꞌa un naꞌa xiꞌin ya ndaa xaꞌa ichí Ndioxi. Ta köo xáꞌni un mií un ya káꞌan naꞌa xaꞌa ya sínaꞌa un na, saa chi köo kíꞌin un kuꞌva xiꞌin na tá kuꞌva íin na, iin káchi íkan un xiꞌin ndiꞌi va na.

San Juan 7:31

Ta kuaꞌa ni na ka̱ndixa ñaꞌa, saa káꞌan na, káchi na saa: ―Ya ndixa kua kúu ra yóꞌó ra Cristo, chi kuaꞌa ni ya vaꞌa, yatuꞌun chee ni íkan ra. Tá ná kixi inka ra ta ¿án ikan ra tá kuꞌva íkan ra yóꞌó? ―káchi na xaꞌa Jesús.

San Juan 20:16

Saa ndi̱kuiin Jesús ndi̱kaꞌan ra xiꞌin yá, káchi ra saa: ―¡María! ―káchi ra. Saa ndi̱koto yá nuu ra, ta ndi̱kuni yá ra, saa ndi̱kaꞌan yá xiꞌin ra: ―¡Raboni! ―káchi yá. (Chi tuꞌun Raboni ku tuꞌun ya káꞌan mií na judío, ta kúni kachi ya Maestro.)

San Juan 15:24

Tá tu köo yatuꞌun ndi̱xini na ikan i ta köo kuachi na, ndikuu, sundi xi̱ni na ya, ta saa ni kúndasi nuu na xíni na yeꞌe ta kúndasi nuu tu na xíni na Iva va i. Ta kuaꞌa ni yatuꞌun i̱kan i nda iin na köo ndi̱kan taꞌan ya i̱kan i.

San Juan 3:26

Saa ndi̱kaꞌan nda xiꞌin ra Juan, káchi nda saa: ―Tata Rabí: koto un ra taa xi̱ni taꞌan xiꞌin un inka ñaꞌñu yuꞌu ita Jordán, síkuchi ni ra naꞌa, ta kuaꞌa ni na kuaꞌan nuu ra ―káchi nda xiꞌin ra Juan.

San Marcos 12:14

Saa ndi̱xaa nda ndi̱kaꞌan nda xiꞌin ra, káchi nda saa: ―Tata Maestro, xíni nde yóꞌo̱ ta nina ya ndaa káꞌan un, ta köo kíꞌin un kuenta xaꞌa ya káꞌan naꞌa xaꞌa ya sínaꞌa un, ta ni köo ndíkaxin un naꞌa, iin káchi káꞌan un xiꞌin ndiꞌi na. Ta ya ndixa ni kua káꞌan un, chi káꞌan un xiꞌin na ná ikan na ndisaa ya kúni Ndioxi. Ta kaꞌan un xiꞌin nde, ¿án xíniñuꞌu nde kakuꞌun nde xaꞌa xuꞌun ya kuaꞌan ndaꞌa ra rey César ra chiñu ñuu Roma án täxi nde ya? ¿Án vaꞌa chaꞌvi nde ya án chäꞌvi nde ya? ―káchi nda xiꞌin ra.

Filipenses 1:14

Ta xaꞌa ya ndóꞌo i saa ndíkaa i veꞌe kàà yóꞌó kua chíndee taꞌan ya xiꞌin kuaꞌa ni na ñani yo ndúndee ka ini na, köo íꞌvi na kaꞌan ndoso na tuꞌun vaꞌa xaꞌa Tata yo Jesucristo.

San Mateo 23:7

Saa kútoo nda ya ná kaꞌan toꞌo naꞌa xiꞌin nda tá kuaꞌan nda nuu yaꞌvi, ta kútoo nda kaꞌan na xiꞌin nda “Maestro”.

San Mateo 23:8

’Sundi ndóꞌo̱ ta ïkan ndo saa, täxi ndo kaꞌan naꞌa xiꞌin ndo “maestro”, saa chi iindaa Cristo ku maestro nuu ndo, ta ndiꞌi ndo ta iin káchi íin ndo nuu taꞌan ndo.

San Juan 2:11

Yatuꞌun yóꞌó ku ya núnu̱ú i̱kan Jesús ñuu Caná, estado Galilea. Xaꞌa ya i̱kan ra ya yóꞌó ta si̱naꞌa ra naꞌa ya ndee ni ndee kúu mií ra. Ta ka̱ndixa ñaꞌa nda ítaꞌan xiꞌin ra.

San Juan 4:31

Ta nda ítaꞌan xiꞌin ra, ndinuni loꞌo káꞌan nda xiꞌin ra, káchi nda saa: ―Rabí, kuxi loꞌo un ―káchi nda xiꞌin ra.

San Juan 6:2

Ta iin táꞌnda chee naꞌa ndíkun kuaꞌan xiꞌin ra, chi xi̱ni na yatuꞌun Ndioxi íkan ra, síndaꞌa ra na ndee ni ndóꞌo.

San Juan 10:38

Tá tu xáa súvi i chiñu Iva i, ta vaꞌa kandixa ndo ya ikán, vani ná kändixa ndo yeꞌe. Tá tu kándixa ndo ya íkan i, ta saa kundaa ini ndo ya íyo Iva i xiꞌin i, ta yeꞌe íyo i xiꞌin ra ―káchi Jesús xiꞌin nda.

San Juan 14:10

¿Án köo kándixa un yeꞌe ya íyo i xiꞌin Iva i, ta Iva i íyo ra xiꞌin i? Ndiꞌi ya káꞌan i xiꞌin ndo ta süvi xiní mií i kána ya káꞌan i xiꞌin ndo. Tuꞌun mií ra kua káꞌan i xiꞌin ndo, ta íkan ra chiñu kúni mií ra tixin yeꞌe.