San Juan 21:3 - Xochapa Mixteco

³ Saa ndi̱kaꞌan ra Simón Pedro xiꞌin nda, káchi ra saa: ―Kuꞌun i tiin i tiaka ―káchi ra xiꞌin nda. Saa ndi̱kaꞌan nda xiꞌin ra, káchi nda saa: ―Saa tu ndeꞌe va, kuꞌun nde xiꞌin un ―káchi nda. Saa ke̱e nda kuaꞌan nda, nda̱a nda iin barco kuaꞌan nda. Ta nda iin tiaka köo ndi̱tiin nda ñǔu ikán.

San Juan 21:3 Referans Kwoze

San Lucas 5:5

Saa ndi̱kuiin ra, káchi ra saa: ―Tata Maestro, iniun ñǔu xa̱a chiñu nde, ta nda iin ri köo ndi̱tiin nde. Ta vaꞌa chikaa tuku va nde ya saa chi yóꞌo̱ káꞌan ―káchi ra.

1 Tesalonicenses 2:9

Xa ñúꞌu vaꞌa ini mií ndo ndá kuꞌva xa̱a chiñu ni nde tá ndi̱xiyo nde xiꞌin ndo, nduvi niuu xa̱a chiñu ni nde ya ka̱na xuꞌun kuniñuꞌu nde sata nde ñaꞌa kuxi nde. Ta köo ndi̱sindiꞌi nde ini nda iin ndo ya chindee ndo ndeꞌe xaꞌa ya káꞌan ndoso nde tuꞌun vaꞌa xaꞌa Iva yo Ndioxi xiꞌin ndo.

1 Corintios 3:7

Yakan kua ni köo ndáa yaꞌvi ya unku nde chíꞌi ta unku nde kóso ya. Ya ndee ni ndáa yaꞌvi ku ya íkan Ndioxi, chi mií ra ku ra táxi xáꞌnu ñaꞌa chíꞌi nde.

1 Corintios 9:6

¿Án iindaa ra Bernabé xiꞌin yeꞌe vi ku nde xíniñuꞌu koo inka chiñu ikan nde, saa vi kuxi nde? Ta ¿án köo ta ichí nde ya taxi loꞌo ndo ñaꞌa kuxi nde?

Los Hechos 20:34

Xi̱ni mií ndo, ndi̱nuni xa̱a chiñu i xiꞌin ndaꞌa i, saa ndi̱niꞌi i ya xi̱taku i xiꞌin nda taꞌan i.

Los Hechos 18:3

Ñaa ndi̱ndoo ra ndi̱xiyo ra xiꞌin na chi iin kachi xáa chiñu na xiꞌin taꞌan na chi taꞌan chiñu íkan ra kua íkan tu mií va na, síkuaꞌa na veꞌe mantiado.

San Juan 21:4

Saa ta xa kuaꞌan túvi, ta ndi̱tuvi Jesús nuu nda ndíchi ra yuꞌu nduta ñûꞌu, ta nda xi̱taꞌan xiꞌin ra, ta köo ndi̱kuni nda ra án ikán ku ra.