San Juan 17:10 - Xochapa Mixteco

¹⁰ Ta ndiꞌi na ndíkun yeꞌe kuenta un ku na, saa tu na ndíkun yóꞌo̱ va kúu na kuenta i, ta xáa kaꞌnu ni na yeꞌe.

San Juan 17:10 Referans Kwoze

San Juan 10:30

Yeꞌe xiꞌin Iva i Ndioxi ta iin ku nde ―káchi Jesús xiꞌin na.

1 Pedro 2:9

Sundi ndóꞌo̱, ta mií Iva yo Ndioxi ku ra ndi̱kaxin ndóꞌo̱ ndu̱u ndo seꞌe mií ra, saa nda̱sa ra ndóꞌo̱ sutu na xáa chiñu nuu rey, ra kúu Tata yo Jesucristo, ta ndu̱u ndo iin ñuu na i̱í ni, na kúu kuenta mií Ndioxi. Ta mií Iva yo Ndioxi ku ra ndi̱kaxin ndóꞌo̱, ta̱va ra ndóꞌo̱ ichí nuu naá nuu xi̱ndoꞌni ndo, saa chi̱ndoo ra ndóꞌo̱ nuu luvi ni káa nuu íyo ñu̱ꞌu̱ yéꞌe̱ ya kúu mií ra. Ta ndi̱kaxin ra ndóꞌo̱ ya kaꞌan ndoso ndo tuꞌun ra ya ndee ni ndee kúu mií, ya kaꞌan ndo ya xiꞌin naꞌa ya kundaa ini na xaꞌa ya vaꞌa ni íkan Ndioxi.

2 Tesalonicenses 1:10

Ta ya yóꞌó kua kuu tá kivi ná ndiko koo Tata yo Jesucristo. Sundi mií ndóꞌo̱, na ñuu ra, na i̱í ku ndo xaa kaꞌnu ni ñaꞌa. Saa ndikanda ni ini ndo kuni ndo ra. Ta kivi ikán kua koo vaꞌa ni ini ndo, chi ndi̱kiꞌin vaꞌa ndo tuꞌun ra ya ndi̱kaꞌan nde xiꞌin ndo, saa ka̱ndixa ni ndo ya.

Colosenses 2:9

Ta iin tá kuꞌva íyo ini mií Iva yo Ndioxi iin kuꞌva ndaa saa íyo tu ikin kuñu mií Tata yo Jesucristo va.

2 Tesalonicenses 1:12

Ta saa ndikunuu sukun ni ya toꞌo Tata yo Jesucristo xaꞌa ndiꞌi ya íkan ndo, ni mií ra ta chinuu vaꞌa ni ra tuꞌun ndo nuu Ndioxi. Ndi̱xaꞌvi ni Ndioxi xaꞌa ya vaꞌa si̱niꞌi uun ra nuu yo xiꞌin mií Tata yo Jesucristo.

Filipenses 1:20

Chi yeꞌe ta ya ndee ni kúni i kua xaa kaꞌnu ni i Tata yo Jesucristo xiꞌin ikin kuñu i ndiꞌi saa ichí tá táku i án tá ndi̱xiꞌi i, saa chi kúndaa teꞌe ini i ya täxi Tata yo kukaꞌan nuu i, ta siín mií ra ná chindee yeꞌe ya kuchiñu i xaa kaꞌnu ni i ra vitin xiꞌin ndiꞌi saa kivi ya vaxi.

Los Hechos 19:17

Saa ku̱ndaa ini ndiꞌi na ndóo ñuu Éfeso ikán. Ku̱ndaa ini na judío xiꞌin na griego xaꞌa ya ndo̱ꞌo nda ikán. Ñaa xa̱á íꞌvi ni na, saa xa̱á toꞌo ni na kivi Tata yo Jesús.

San Juan 11:4

Tá xi̱ni soꞌo Jesús tuꞌun ikán ta ndi̱kaꞌan ra, káchi ra saa: ―Kueꞌe ndóꞌo ra, ta süvi ya kuvi ra xiꞌin kua. Ya ndikunuu vaꞌa toꞌo Ndioxi va kua, chi kuni naꞌa ta saa xaa kaꞌnu na Ndioxi, saa xaa toꞌo na yeꞌe ra kúu Seꞌe Ndioxi ―káchi ra.

San Juan 5:23

chi kúni Ndioxi ya ná xaa toꞌo ndiꞌi na Seꞌe ra, tá kuꞌva xáa toꞌo na mií ra, saa ná xaa toꞌo na Seꞌe ra. Saa chi ndiꞌi na köo xíin xaa toꞌo Seꞌe ra, ta kúni kachi ya köo xáa toꞌo na Iva ra, ra ti̱ꞌvi ra vaxi.

Gálatas 1:24

Ta saa xa̱a kaꞌnu ni na Ndioxi xaꞌa ya i̱kan ra xiꞌin i.

San Juan 12:23

Saa ndi̱kuiin Jesús káchi ra saa: ―Xa yati ni ti̱ndaa kivi ya xaa súvi i chiñu chee ni nuu xaa kaꞌnu ni Ndioxi yeꞌe Taa ra xa̱a ñuu ivi yóꞌó.