San Juan 14:19 - Xochapa Mixteco

¹⁹ Tixin soo uvi ndaa kivi ta küni ka na ñuu ivi yóꞌó yeꞌe, sundi ndóꞌo̱ ta kuni ndo yeꞌe, saa chi yeꞌe ta táku i, yakan vaꞌa kutaku ndo xiꞌin i.

San Juan 14:19 Referans Kwoze

San Juan 16:16

Chi tixin soo uvi ndaa kivi ta küni ka ndo yeꞌe. Tá ndi̱yaꞌa uvi ndaa kivi, saa kuni tuku ndo yeꞌe, saa chi yeꞌe ta kuꞌun i nuu Iva i ―káchi Jesús xiꞌin nda.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.

San Juan 7:33

Saa ndi̱kaꞌan Jesús xiꞌin na, káchi ra saa: ―Siloꞌo ni va tiempo íyo i xiꞌin ndo, ta saa ndiko koo i kuꞌun i nuu ra ti̱ꞌvi yeꞌe vaxi i.

San Juan 11:25

Saa ndi̱kaꞌan Jesús xiꞌin yá, káchi ra saa: ―Yeꞌe ku ra sínditaku naꞌa, ta yeꞌe ku ra táxi kutaku na. Ndiꞌi na kándixa yeꞌe vani xa ndi̱xiꞌi na, ta taxi i kutaku na.

1 Corintios 15:45

Tá káchi mií tuꞌun Ndioxi ya ta̱a na xinaꞌa: “Taa ra núnu̱ú xi̱nani Adán ku ra ta̱xi Ndioxi xi̱taku”, káchi ya. Sundi Cristo, ra káa tá káa ra Adán, ra ki̱xi si̱ndiꞌi, ra ke̱e nuu ndivi, ta táxi ra kutaku ya vaꞌa yo.

San Juan 16:22

Ta saa ndóꞌo̱, vitin ta kúsuchi ni ini ndo, sundi ndiko koo tuku i koto i ndóꞌo̱, ta saa kusini ni ndo ndiꞌi saa ichí, ta nda iin naꞌa küchiñu kindaa ya kúsini ndo.

ROMANOS 8:34

Ta ¿án ndá naꞌa káꞌan xaꞌa yo kuvi yo xaꞌa kuachi yo? Nda iin naꞌa küchiñu ikan saa xiꞌin yo, chi Jesucristo ku ra xa ndi̱xiꞌi xaꞌa kuachi yo, ta ndi̱taku ra, ta vitin íyo ra ñaꞌñu kuáꞌá Ndioxi, ta íyo ra xáku ndaꞌvi ra xaꞌa yo.

ROMANOS 5:10

Chi yachi tá íin yo ka̱nitaꞌan xiꞌin Ndioxi saa ndi̱xiyo yo, xaꞌa ya köo ndi̱xaa súvi yo ya káꞌan ra xiꞌin yo. Vani saa i̱kan yo, ta saa ni si̱kitaꞌan mani ra yoo xiꞌin mií ra, xaꞌa ya ti̱ꞌvi ra Seꞌe ra Jesucristo ki̱xi ra ndi̱xiꞌi ra xaꞌa yo. Ta ndisaa ka ví vitin sikaku ra yoo, chi xa ndi̱kitaꞌan mani yo xiꞌin ra.

1 Corintios 15:20

Sundi vaꞌa ná kundaa ini ndo, chi ya ndaa ni ndixa kua ndi̱taku Tata yo Jesucristo tañu na ndíi. Chi ra ikán ta tá káa ñaꞌa ya núnu̱ú ya síkee naꞌa nuu chíꞌi na, saa káa ra xaꞌa ya kúu ra ra núnu̱ú ndi̱taku tañu ndiꞌi na ndíi, na xa ndi̱xiꞌi.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

San Juan 13:33

Ta ndóꞌo̱, tá íyo seꞌe mií i saa íyo ndo. Ta xa siloꞌo ni kivi íyo i xiꞌin ndo. Ndinduku ni ndo yeꞌe, ta köo ka i. Tá íyo ya ndi̱kaꞌan i xiꞌin inka nda judío, saa íyo tu ya káꞌan i xiꞌin ndóꞌo̱ va: Nuu kuꞌun i ta küvi kuꞌun ndo ―káchi Jesús xiꞌin nda.

San Juan 12:35

Saa ndi̱kuiin Jesús káꞌan ra xiꞌin na, káchi ra saa: ―Siloꞌo ni kivi íyo yeꞌe kúu ñu̱ꞌu̱ xiꞌin ndo. Yakan xíniñuꞌu ndo ndikundikun ndo ichí nuu yéꞌe̱, süvi ka vi ya iin kama soꞌva ku̱u ta xaa ya naá tiin ya ndóꞌo̱. Chi ndiꞌi na xíka nuu naá, ta ni köo xíni na nuu kuꞌun na.

San Juan 8:21

Saa ndi̱kaꞌan tuku Jesús xiꞌin nda, káchi ra saa: ―Yeꞌe ta kuꞌun i, ta saa ndinduku ni ndo yeꞌe ta nïꞌi ndo yeꞌe. Ta ndóꞌo̱ ta kuvi ndo xaꞌa kuachi ndo. Chi nuu kuꞌun i ta küvi kuꞌun ndo ―káchi ra xiꞌin nda.

San Juan 6:40

Ya chi̱tuni Iva i Ndioxi, ra ti̱ꞌvi yeꞌe vaxi i kua yóꞌó: ndiꞌi na xíni yeꞌe, ra kúu Seꞌe Ndioxi, ta kándixa na yeꞌe ta kuchiñu na kutaku na ndiꞌi saa kivi, ta ná sitaku i na kivi sindiꞌi ―káchi Jesús xiꞌin na.

Los Hechos 10:41

Ta süvi ndiꞌi na ndi̱situvi Ndioxi ra nuu. Ndisaa nuu ndeꞌe nda ndi̱kaxin Ndioxi kuu testigo, ku nde si̱tuvi ra nuu chi ndeꞌe ku nde xi̱xi xiꞌin Jesús tá ndi̱taku ra.

El Apocalipsis 20:4

Saa xi̱ni i kuaꞌa ni tai toꞌo, ta nuu nu ikán ndóo ndiꞌi na kúu mií ichí ya xaa nani na kuachi. Ta xi̱ni tu i ya vaꞌa na ndee ni tuun xi̱ndikun Jesús, saa ndi̱xiꞌi na ndi̱taꞌnda sukun na chi ndi̱xika na ndi̱kaꞌan ndoso na tuꞌun vaꞌa xaꞌa Jesús yakan ndo̱ꞌo na saa. Ta köo ndi̱kañuꞌu na ikán kiti ìyo ni káa, ni naꞌna ri köo ndi̱kañuꞌu na, ta köo ndi̱taxi na ndikunuu sello ri taan na án ndaꞌa na. Saa ndi̱taku na ta xa̱á na xáꞌnda chiñu na xiꞌin Tata yo Jesucristo iin mil kuiya.